“Evroazija.info” Xocalı soyqırımı haqqında yazır
Tarix: 23.02.2016 | Saat: 19:01:00 | E-mail | Çapa göndər


Serbiyanın “Evroazija.info” portalında yayılan məqalədə Xocalı soyqırımının 24-cü ildönümü ərəfəsində faciə qurbanlarının xatirəsinin Azərbaycanda və dünyanın bir çox ölkələrində yad edildiyi bildirilir.
Müəllif yazır ki, bu il dünya azərbaycanlıları müasir tarixin ən qanlı səhifələrindən olan Xocalı soyqırımının 24-cü ildönümünü qeyd edirlər. 1992-ci ilin fevralında Azərbaycanın Dağlıq Qarabağ bölgəsində yerləşən Xocalıda baş verənlər azərbaycanlıların yaddaşında ağrı və kədər hissləri ilə qalıb. Həmin il fevralın 25-dən 26-na keçən gecə erməni silahlı birləşmələri sovet ordusunun 366-cı motoatıcı alayının köməyi ilə Xocalıya hücum edib. O dəhşətli gecədə 613 nəfərin, o cümlədən 106 qadın, 63 azyaşlı uşaq, 70 qocanın həyatına son qoyulub, 1000-dən çox dinc sakin ağır yaralanaraq əlil olub, 1275 nəfər girov götürülüb, onların 150-nin taleyi indiyədək məlum deyil.
Yazıda bildirilir: “Xocalıda törədilən cinayət bir sıra QHT-lər və media qurumları tərəfindən sənədləşdirilib. Belə ki, Rusiyanın "Memorial" Hüquq-Müdafiə Mərkəzi Xocalıda qadınlara və uşaqlara işgəncə verilməsini bildirib. Azərbaycanlılara qarşı törədilmiş vəhşiliklər dünya mətbuatını da dəhşətə gətirmişdi. ABŞ-ın “The New-York Times” qəzeti yük maşınlarının cəsədlərlə dolu olduğunu yazırdı”.
Məqalədə diqqətə çatdırılır ki, azərbaycanlılar beynəlxalq birliyi 1992-ci ildə Xocalıda dinc sakinlərə qarşı törədilmiş bu cinayəti pisləməyə çağırır. Ötən il Rus Pravoslav Kilsəsinin Bakı və Azərbaycan Yeparxiyasının arxiyepiskopu Aleksandr İşein, Dağ Yəhudiləri Dini İcmasının rəhbəri Milix Yevdayev, Qafqaz Müsəlmanları İdarəsinin sədri şeyxülislam Allahşükür Paşazadə, Azərbaycandakı digər dini icmaların rəhbərləri Avropa İnsan Hüquqları Məhkəməsinə Xocalı faciəsinin soyqırımı kimi tanınması üçün müraciət ediblər. Dini icmaların rəhbərləri təəssüf hissi ilə qeyd edirlər ki, 20 ildən çox vaxt keçməsinə baxmayaraq, Xocalı cinayətini törədənlər hələ də cəzalandırılmayıb. BMT Təhlükəsizlik Şurasının Ermənistan silahlı qüvvələrinin Azərbaycanın işğal olunmuş ərazilərindən dərhal, tamamilə və qeyd-şərtsiz çıxarılmasını tələb edən qətnamələrinə məhəl qoyulmur. Bu cür cəzasızlıq mühiti gələcəkdə oxşar cinayətlərin törədilməsinə zəmin yaradır.
Müəllif qeyd edir ki, həqiqətən də beynəlxalq birlik Xocalı hadisələrinədək Azərbaycanın digər bölgələrində - Quşçular, Malıbəyli və Qaradağlıda törədilənlərə vaxtında lazımi münasibət bildirsəydi, Xocalı faciəsi bəlkə də heç baş verməyəcəkdi. Bununla belə, son illər beynəlxalq ictimaiyyətin azərbaycanlıların 1990-cı illərdən bəri üzləşdiyi ədalətsizliklərə diqqət ayırması müşahidə olunur. Belə ki, hazırda Meksika, Pakistan, Kolumbiya, Rumıniya və Çexiya parlamentləri, ABŞ-ın bir sıra ştatları Xocalı soyqırımını tanıyan sənədlər qəbul ediblər. Bu yaxınlarda Sloveniya Respublikasının Milli Şurası Ermənistan-Azərbaycan münaqişəsi ilə bağlı qərar qəbul edib. Sənəddə Xocalı şəhərində törədilmiş soyqırımının insanlığa qarşı cinayət olduğu vurğulanıb və faciənin 24-cü ildönümü ilə əlaqədar Azərbaycan xalqına başsağlığı ifadə edilib.
Məqalədə Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” kampaniyası haqqında da ətraflı məlumat verilir.




 
Bölməyə aid digər xəbərlər
22.09.2018
Azərbaycanın sürətli inkişafının bir daha şahidi oldum
22.09.2018
Ermənistan hökuməti boş xəyallara qapılmamalı və gerçəkliyi qəbul etməlidir
22.09.2018
Pambığın alış qiymətinin artırılması fermerlərə göstərilən diqqət və qayğının növbəti təzahürüdür
21.09.2018
Yalnızlıq qorxusu
21.09.2018
“Gənclərimiz daha məntiqli və faydalı yol tutmalı, müsbət davranış nümunəsi göstərməlidirlər”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info