“Seçki məntəqələrində seçici siyahıları və bülletenlər saxtalaşdırılıb”
Tarix: 22.02.2013 | Saat: 21:58:00 | E-mail | Çapa göndər
“Armenia Today” saytı isə “İrs” partiyasının Ermənistandakı prezident seçkiləri barədə bəyanatını yayıb. Həmin bəyanatı təqdim edirik: “18 fevral 2013-cü ildə Ermənistanda prezident seçkiləri keçirildi. Növbəti gün isə Mərkəzi Seçki Komissiyası seçicilərin iradəsini əks etdirməyən nəticələri elan etdi. MSK-ya görə, Raffi Ovannisyan 37%-ə yaxın, Serj Sərkisyan isə 58% səs toplayıb.
Rəsmi məlumatlara diqqət yetirsək görərik ki, Sərkisyan yalnız üstünlüyə nail olmayıb, həm də şəhər seçki məntəqələrinin əksəriyyətində uduzub. MSK-nın bildirdiyinə görə, guya əsasən 90%-dən çox seçicinin iştirak etdiyi və 90%-dən çox səsin Sərkisyana verildiyi kənd seçki məntəqələrindəki vəziyyət belə bir nəticəni təmin edib. Onda necə oldu ki, Abovyandakı 25 seçki məntəqəsindən 21-də uduzan və yalnız onlardan birindən 1101 səs toplayan, Eçmiədzindəki 22 seçki məntəqəsindən 19-da uduzan Serj Sərkisyan qələbəni öz adına yaza bilir?! Belə çıxır ki, 80-90% məntəqədə analoji nəticə toplayan namizəd, qalan 10% məntəqədə əvvəlki göstəriciləri üstələyən səsi yığıb? Əlbəttə ki, bu, 10% seçki məntəqəsində seçki siyahılarının və bülletenlərin saxtalaşdırıldığını göstərir. Bu isə seçkilərin nəticələrinə əhəmiyyətli təsir göstərir və seçkiləri etibarsız saymağı tələb etməyə kifayət qədər əsas verir. Seçkilərin açıq-aydın saxtalaşdırıldığını hüquqi addımlar çərçivəsində seçicilərin imzalarını, siyahı və bülletenlərini yoxlamaqla sübut etmək olar.
1900-dən çox məntəqədə işləyən və 800-ə yaxın etibarlı simanın olduğu komissiya üzvlərimizin əksəriyyətinə isə minnətdarlığımızı bildiririk. Xüsusi təşəkkürümüz isə İrəvan, Gümrü, Vanadzor və digər yerlərdəki sədaqətə və mübarizəyə görədir. Ermənistan seçicilərinə isə siyasi sahənin süstlüyünə baxmayaraq, fəallıq göstərdiklərinə, öz seçimlərini etdiklərinə və qüvvədəki rejimi rədd edib Ermənistanın gələcəyinə səs verdiklərinə görə minnətdarlığımızı bildiririk. Hətta rəsmi məlumatlara görə, Raffi Ovannisyan 1998-ci ildən bu yana istənilən müxalifət namizədlərindən ən çox səs toplayıb. Bu ümumxalq səsverməsi siyasi müxalifət üçün birləşmək və xalq tərəfindən edilmiş seçimi reallaşdırmaq əmridir”. Qeyd edək ki, artıq dünən saat 17:00 radələrindən İrəvanda Ovannisyan tərəfdarlarının etiraz aksiyası başlayıb. Sərkisyan hökuməti isə ətraf rayonlardan etiraz edənlərin axınının qarşısını almaq üçün İrəvana gedən yolu bağlayıb.
Nuranə ABBASOVA




 
Bölməyə aid digər xəbərlər
18.04.2014
Kolumbiya və Koreya prezidentlərinə başsağlığı
18.04.2014
AMEA-nın 2020-ci ilədək İnkişaf Konsepsiyası hazırlanır
18.04.2014
“Bölgədəki son situasiyadan ən çox yararlanan dövlət Azərbaycandır”
18.04.2014
Yevlaxda sahibkarlar üçün treninq
18.04.2014
Yeni fərman aqrar sektorda nəyi dəyişəcək?

Şərh əlavə olunmayıb

    ,    
Vüqar Bayramov
Əfşar Süleymani
Rəzzaq Sucayev
Nəsrin Süleymanlı
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 1424

1 “Bizim kimi gənclərin hesabına hamı müalicə və tibb təhsili üçün Azərbaycana gələcək”
2 Prezident Administrasiyasında yeni təyinat
3 “Dost seçərkən diqqətli olun”
4 “Uşaqların mənəvi inkişafı üçün məktəblərdə psixoloqların olması vacibdir”
5 “Banket və toy keçirməkdə şadlıq evləri ilə rəqabətdəyik”
18.04 21:22 Yuxa çipsləri
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info