Fransa Milli Assambleyasında Xocalı soyqırımından danışılıb
Tarix: 01.03.2016 | Saat: 15:04:00 | E-mail | Çapa göndər


Fransa Milli Assambleyasında Azərbaycanın Dostları Assosiasiyasının təşkilatçılığı ilə “Xocalı – qırğın haqqında həqiqət” adlı konfrans-debat keçirilib.
Konfrans Heydər Əliyev Fondunun hazırladığı “Xocalı soyqırımı” sənədli filminin nümayişi ilə başlayıb.
Assosiasiyasının sədri, Fransa Milli Assambleyasının deputatı Jan-Fransua Mansel çıxış edərək bildirib ki, konfransın əsas məqsədi Xocalı faciəsi haqqında həmvətənlərinə ətraflı məlumat verməkdir.
Azərbaycan Respublikası Milli Məclisinin deputatı Cavanşir Feyziyev konfrans iştirakçılarına Xocalı soyqırımı ilə bağlı faktları çatdırıb. O, erməni silahlı birləşmələrinin 1992-ci il fevralın 25-dən 26-na keçən gecə Azərbaycanın Xocalı şəhərini işğal etməsindən və xalqımıza qarşı həyata keçirdikləri etnik təmizləmə siyasətindən danışıb.
Tarixçi Maksim Quen isə erməni ASALA terror təşkilatından, onun türk xalqlarına qarşı törətdikləri kütləvi qırğınlardan, qanlı cinayətlərdən söz açıb. O, Parisdə Orly aeroportunda baş verən terror aktının, eləcə də Xocalı soyqırımının lazımı səviyyədə qiymətləndirilməməsinin səbəblərinin eyni olduğunu vurğulayıb.
Münaqişə zonalarında geosiyasət üzrə ekspert Didye Şode Dağlıq Qarabağ münaqişəsi və onun nəticələri haqqında məlumat verib, Azərbaycanın regionda güclü orduya malik olmasına baxmayaraq, hələ də səbirlə münaqişənin sülh yolu ilə həllinə ümid etdiyini söyləyib.
Məruzələrdən sonra müzakirələr aparılıb.
Azərbaycanın Fransadakı səfiri Elçin Əmirbəyov Xocalı soyqırımının 24 –cü ildönümünə həsr edilmiş konfransa görə təşkilatçılara təşəkkür edib. Qeyd edib ki, Heydər Əliyev Fondunun vitse-prezidenti Leyla Əliyevanın təşəbbüsü ilə keçirilən “Xocalıya ədalət!” kampaniyası çərçivəsində təşkil olunan bu tədbirin əsas məqsədi fransız ictimaiyyətinin faciə ilə bağlı müfəssəl məlumatlandırılmasıdır.
Səfir Ermənistanın qeyri-konstruktiv və təcavüzkar mövqeyi ilə danışıqlar prosesini pozduğunu, vasitəçilərin təkliflərinin heç birini qəbul etmədiyini diqqət çatdırıb, beynəlxalq ictimaiyyətin Xocalı faciəsi ilə bağlı ciddi təzyiqləri olmadıqca vəziyyətin belə davam edəcəyini bildirib.
Türkiyənin Fransadakı səfiri Hakki Akil çıxışında Xocalı hadisələri zamanı Parisdə olduğunu və bu soyqırımın fransız mətbuatında yetərincə işıqlandırılmadığını qeyd edib.




 
Bölməyə aid digər xəbərlər
26.10.2020
Ərdoğan Fransa məhsullarını boykot etməyə çağırdı
26.10.2020
İranda ötən gün 337 nəfər koronavirusdan ölüb
26.10.2020
Makron təhqir etdiyi müsəlmanlara ərəbcə müraciət etdi
26.10.2020
Pakistan Fransaya etiraz notası verib
26.10.2020
Türkiyə Fransanı tənqid etdi

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11799

1 Xudatda əsgər ailələrinə yardım paylanılıb
2 Карен Шахназаров о Карабахе: надо признать, что это бесспорные территории Азербайджана
3 Kolleclərin boş qalan plan yerlərinə qəbulun nəticələri elan olunub
4 Xudafərin körpülərinin UNESCO-nun Dünya Mədəni İrs Siyahısına salınması məqsədilə tədbirlər keçiriləcək
5 Qripə qarşı vaksinasiya COVİD-ə yoluxmanın azalmasına təsir göstərməyəcək - TƏBİB


26.10 18:50 Azərbaycan Respublikası Xarici İşlər Nazirliyi (XİN) və Latviya Respublikasının Xarici İşlər Nazirliyi arasında videokonfrans formatında siyasi məsləhətləşmələr keçirilib. XİN-dən Trend-ə verilən məlumata görə, nümayəndə heyətlərinə Azərbaycan tərəfindən Xarici İşlər nazirinin müavini Xələf Xələfov, Latviya tərəfindən isə bu ölkənin Xarici İşlər Nazirliyinin dövlət katibinin müavini, siyasi direktoru Yaniş Mazeiks rəhbərlik ediblər. Məsləhətləşmələr zamanı, iki ölkə arasında əlaqələrin hazırkı vəziyyəti təhlil olundu və əməkdaşlıq perspektivləri barədə fikir mübadiləsi aparıldı. Tərəflər, Azərbaycan və Latviya arasında siyasi dialoqun yüksək səviyyədə olduğundan məmnunluq ifadə etdi. Bu xüsusda, Azərbaycan və Latviya arasında 2017-ci ildə imzalanmış Strateji Tərəfdaşlığın Yaradılması haqqında Bəyannamə xüsusi əhəmiyyət kəsb edən hadisə kimi dəyərləndirildi. İkitərəfli iqtisadi əməkdaşlığın geniş potensiala malik olduğu qeyd edildi və ikitərəfli iqtisadi-ticari, elmi-texniki və mədəni sahələrdə əlaqələrin təşviqinə dair məsələlərin müzakirəsi və həlli məqsədilə Hökumətlərarası Komissiyanın növbəti 8-ci iclasının 2021-ci ildə keçirilməsinin mümkün olacağına ümid ifadə edildi. Həmçinin, mədəniyyət, elm və təhsil sahələrində əlaqələr müzakirə edildi, bu xüsusda hər il Azərbaycandan çox sayda gənclərin Latviya universitetlərində təhsil almasından məmnunluq bildirildi. Görüşdə, Ermənistan-Azərbaycan Dağlıq Qarabağ münaqişəsi mövzusu ətrafında fikir mübadiləsi aparıldı. Münaqişənin sülh yolu ilə həlli üçün müvafiq BMT Təhlükəsizlik Şurasının qətnamələrinin yerinə yetirilməsinə diqqət çəkildi. X.Xələfov Latviyanın Azərbaycanın ərazi bütövlüyü və suverenliyini dəstəklədiyinə görə Latviya tərəfinə təşəkkürünü bildirdi. Nazir müavini Latviya tərəfinə Ermənistanın Azərbaycana qarşı təcavüzkar siyasəti, o cümlədən cari ilin 12-16 iyul tarixlərində Azərbaycan–Ermənistan dövlət sərhədində həyata keçirdiyi hərbi təxribatı və 27 sentyabrda Azərbaycana qarşı növbəti təcavüz aktı barədə məlumat verdi. X.Xələfov Ermənistan silahlı qüvvələrinin humanitar atəşkəsi pozmaqda davam etməsi, münaqişə zonasından uzaqda yerləşən Azərbaycan şəhərlərinin, dinc əhalinin, mülki infrastrukturların məqsədyönlü şəkildə etdiyi raket atəşinə tutması, 27 sentyabrdan başlayaraq, Azərbaycana qarşı yeni təcavüzü nəticəsində 65 mülki şəxsin həyatını itirdiyi və 300-ə yaxın mülki şəxsin yaralandığını həmsöhbətinin diqqətinə çatdırdı. Nazir müavini qeyd etmdi ki, Azərbaycan özünümüdafiə hüququna əsaslanaraq, beynəlxalq tanınmış sərhədləri çərçivəsində Ermənistan tərəfindən işğal edilmiş ərazilərinin azad olunması üçün hərbi-siyasi tədbirləri davam etdirir. Ermənistan işğalçı qüvvələrinin Azərbaycan ərazilərində Azərbaycan silahlı qüvvələrinə qarşı müharibə aparmasına görə məsuliyyət bütövlükdə Ermənistan hərbi-siyasi rəhbərliyinin üzərinə düşür. Ermənistan silahlı qüvvələri Azərbaycan ərazilərini tam tərk etməyənədək bölgədə dayanıqlı sülh təmin oluna bilməz. Tərəflər, həmçinin qarşılıqlı maraq doğuran digər regional və beynəlxalq məsələlər ətrafında fikir mübadiləsi apardı.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info