H.Hüseynova: “Biz çalışmalıyıq ki, ailə ənənələrinin güclənməsi daha da sürətlə getsin“
Tarix: 01.06.2016 | Saat: 20:29:00 | E-mail | Çapa göndər


Ailə, Qadın və Uşaq Problemləri üzrə Dövlət Komitəsinin (AQUPDK) 1 iyun - Uşaqların Beynəlxalq Müdafiəsi Günü münasibətilə təşkil etdiyi "İstedadlı uşaqlar-2016" festivalının qaliblərinin mükafatlandırılma mərasimi keçirilib.
Tədbirdə şəhər və regionlardan 250-yə yaxın uşaq, o cümlədən xüsusi qayğıya ehtiyacı olan və Azərbaycanda yaşayan bütün xalqları təmsil edən uşaqlar iştirak ediblər. Tədbir iştirakçıları əvvəlcə Fəxri xiyabana gələrək xalqımızın ümummilli lideri, müasir müstəqil dövlətimizin memarı və qurucusu Heydər Əliyevin xatirəsini ehtiramla yad edib, məzarı önünə gül qoyublar. Görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb.
Beynəlxalq Muğam Mərkəzində davam edən tədbirdə AQUPDK-nın sədri Hicran Hüseynova bildirib ki, əsası ümummilli lider Heydər Əliyev tərəfindən qoyulmuş, bu gün isə Prezident İlham Əliyevin uğurla davam etdirdiyi dövlət uşaq siyasəti artıq milli strategiya kimi formalaşıb. Bu siyasətin davamı olaraq son illərdə mütəmadi olaraq milli qanunvericilik və normativ-hüquqi aktlar təkmilləşdirilib və uşaq hüquqlarının müdafiəsinə, onların sağlam böyüməsinə yönəlmiş bir çox dövlət proqramları, tədbirlər planları qəbul edilib. Bütün bunlar uşaqların hüquq və maraqlarının müdafiəsi, vahid dövlət uşaq siyasətinin formalaşdırılması, bu siyasətin tənzimlənməsi üçün milli konsepsiyanı inkişaf etdirməyə yönəlib. Komitə sədri diqqətə çatdırıb ki, “Azərbaycan 2020: gələcəyə baxış” İnkişaf Konsepsiyası çərçivəsində “Azərbaycan ailəsi Strategiyası” hazırlanır və yekunlaşmaq üzrədir.
Onun sözlərinə görə, dünyada uşaq hüquqlarının müdafiəsi sahəsində uğurlar əldə edilsə də, bir çox ölkələrdə bu məsələ ilə bağlı problem qalmaqdadır.
Komitə sədri bildirib ki, Azərbaycanda uşaqların təhsildən yayınması, erkən nikaha cəlb olunması, zorakılıq hallarının sayının daha da azaldılmasına, Ailə Dəstək Mərkəzlərinin işinin daha da gücləndirilməsinə nail olmaq nəzərdə tutulur: "İctimaiyyətin mövqeyi daha da gücləndirilməlidir ki, insanların problemlərə biganəliyi olmasın. Uşağın böyüdüyü əsas mühit ailədir, ona görə də biz çalışmalıyıq ki, ailə ənənələrinin güclənməsi daha da sürətlə getsin". 
Konstitusiya Məhkəməsi sədrinin müavini Sona Salmanova bildirib ki, ölkəmizdə uşaq hüquqları ilə bağlı mükəmməl qanunvericilik bazası mövcuddur. Uşaq Məcəlləsinin hazırlanması istiqamətində isə müəyyən işlər görülür.
BMT-nin İnkişaf Proqramının (UNDP) Rezident Nümayəndəsinin müavini xanım Nato Alxazişvili çıxışında Azərbaycanda reallaşdırılan dövlət uşaq siyasətini yüksək qiymətləndirib.
Sonra uşaqların rəsm əsərləri nümayiş olunub. Həmçinin 2015-ci və 2016-cı illərdə uğur qazanmış uşaqların fəaliyyətini özündə əks etdirən “İstedadlı uşaqlar-2016” filminin təqdimatı olub. Mərasimdə elm, təhsil, yaradıcılıq, incəsənət və idman sahələrində Azərbaycanı beynəlxalq müsabiqələrdə təmsil edib qalib gəlmiş uşaqlar mükafatlandırılıblar. Qaliblərə “Azərbaycanın gələcəyi” kuboku, diplomlar və hədiyyələr təqdim olunub. Milli Məclisin deputatlarının, dövlət qurumlarının, beynəlxalq və qeyri-hökumət təşkilatlarının nümayəndələrinin iştirak etdiyi tədbir konsert proqramı ilə davam edib.

Nigar Abdullayeva




 
Bölməyə aid digər xəbərlər
21.11.2018
YAP-ın yaranmasının 26 illiyi ilə əlaqədar Pirallahıda tədbir keçirilib
20.11.2018
“Cümhuriyyət 100 il” adlı rəsm müsabiqəsinə yekun vurulub
20.11.2018
İnzibati məsuliyyətə cəlb edilən piyadaların sayı 100 mini ötüb
20.11.2018
AMEA-da Cümhuriyyət tarixinə dair dəyərli elmi-tədqiqat işləri aparılır
20.11.2018
Qloballaşma şəraitində milli dəyərlərimizin konfiqurasiyasının dəyişdirilmə təhlükəsi

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10508

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info