Avropaya yola salınan kimsəsiz uşaqların faciəsi
Tarix: 09.06.2016 | Saat: 18:23:00 | E-mail | Çapa göndər


“The Guardian”: “Döyülmə, zorlanmadan tutmuş, insanların Aralıq dənizində boğulması və “İŞİD”in əlinə keçməsinə qədər şahidlik edən uşaqların ifadələri çox ciddi faciələrdən xəbər verir”


Ölkələri qan çanağına və dəhşətlər yuvasına dönmüş Suriya, Liviya, Əfqanıstan və digər ölkələrdən olan uşaqların müxtəlif ölkələrə, xüsusən dəAvropaya üz tutmaları hələ də davam edir. Valideynləri və yetkin qohumları tərəfindən müşahidə edilməyən bu cür kimsəsiz uşaqlar isə ölkələrində çəkdikləri az imiş kimi, yollarda da dəhşətli zorakılıqlara və işgəncələrə məruz qalırlar.
“Avropaya yola salınan kimsəsiz uşaqlar yolda müdafiəsiz qaldıqlarına görə ağır məhrumiyyətlərə düçar olurlar, zərər çəkirlər”. Bu barədə “The Guardian” yazır. Qeyd edilir ki, Human Rights Watch təşkilatının 9-17 yaşlı 50 qaçqın uşaq arasında keçirdiyi sorğunun nəticələri həmin uşaqlarda yolboyu aldıqları ağır travmaları üzə çıxarıb. Onlar həbs, zorlanma və döyülmələrdən danışıblar. Məsələn, qeyd edilir ki, İsveçə yola düşən, kimsə tərəfindən müşahidə edilməyən uşaqlar dəhşətli dərəcədə zərər çəkiblər, onlar çox acınacaqlı sui-istifadələrə məruz qalıblar. Qeyd edək ki, sorğu, əsasən, Əfqanıstan, Eritreya, Suriya və digər ölkələrdən olan uşaqlar arasında keçirilib: “İsveç ötən il 35 min kimsəsiz uşağı qəbul edib. Bu ölkə kimsəsiz uşaqlar üçün ən populyar destinasiya olaraq tanınır”. Human Rights Watch bildirib ki, o, araşdırmanı, “Avropaya qaçan uşaqların ehtiyaclarını və məhrumiyyətlərini daha yaxşı anlamaq üçün” keçirib.
Döyülmə, zorlanmadan tutmuş, insanların Aralıq dənizində boğulması və “İŞİD”in əlinə keçməsinə qədər şahidlik edən uşaqların ifadələri çox ciddi faciələrdən xəbər verir. Əfqanıstandan olan Nadya adlı qız insan qaçaqmalçıları tərəfindən dəfələrlə zorlandığını bildirib. Suriyadan olan 16 yaşlı Kərəm isə “İŞİD” tərəfindən 5 ay əsir edilib və başqalarına verilən dəhşətli işgəncələrə, ölüm səhnələrinə baxmağa məcbur edilib. Əfqanıstandan olan bir neçə uşaq isə Talibandan və digər silahlı qruplaşmalardan qaçdıqlarını bildiriblər. Uşaqların çoxu isə Avropaya səyahət edərkən işgəncə və zorakılıqlara məruz qaldıqlarını bildiriblər. Somalidən olan 13 yaşlı Abroon qeyd edib ki, Liviya hakimiyyət qurumları tərəfindən yolda həbs edilib və başından metal çubuqla zərbələr alıb. Aralıq dənizində kütləvi sayda boğulmaları müşahidə etməli olan Rəsul adlı əfqan oğlan deyib ki, dəhşətli şəkildə qorxub və indi də gözlərinə qarabasmalar, görünür, batanların ah-naləsini eşidir.
Qeyd edilir ki, sorğuya cəlb edilən uşaqlardan 37 nəfəri Əfqanıstan, 4 nəfəri Eritreya, 4 nəfəri Suriya, 3 nəfəri Somali, 2 nəfəri İraq, 2 nəfəri Efiopiya, 1 nəfəri isəYəməndən olub. Onların 9 nəfəri qız olub. O da bildirilir ki, İsveçdə olmalarına baxmayaraq, yolboyu zorlamalara və digər zorakılıqlara məruz qalan uşaqlara, xüsusən qız uşaqlarına hələ ki normal tibbi və psixoloji müayinələr edilməyib. Bundan başqa, o da üzə çıxıb ki, onların saxlanma yerləri, şəraitləri və qorunmaları ilə bağlı problemlər və narahatlıqlar var.

İlkin AĞAYEV




 
Bölməyə aid digər xəbərlər
26.09.2020
Azərbaycanda sahibkarlar üçün nağdsız ödənişlər sistemi necə qurulur?
25.09.2020
10 rayondan olan 32 qadın fermerə dəstək göstərilib
25.09.2020
ADY-nın 140 illliyi ilə bağlı medal təsis ediləcək
24.09.2020
SOFAZ öz investisiya fəaliyyətinə zəruri taktiki dəyişikliklər etməyə davam edəcək
24.09.2020
Rusiya aviaşirkəti aylar sonra Bakıya ilk uçuşunu etdi

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11603

1 Ac qarına bir siqaret 10 ədədə bərabərdir – Xərçəngə yaxınlaşdırır
2 BDU ölkədə təhsil islahatlarının həyata keçirilməsində önəmli rol oynayır
3 Osloda Nizami Gəncəvi adına həftəsonu məktəbi fəaliyyətə başlayıb
4 Astarada turizm kompleksi istifadəyə verildi, Lənkəranda yeni çay brendinin istehsalına başlanıldı
5 “Rusiyanın bu dəfə Qarabağ müharibəsinə reaksiyası fərqli olacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info