“İsmayıllı SES-2” yaxın vaxtlarda istifadəyə veriləcək
Tarix: 22.07.2016 | Saat: 17:45:00 | E-mail | Çapa göndər


İsmayıllı rayonunda cari ilin birinci yarısında sosial-iqtisadi inkişafın yekunları və qarşıda duran vəzifələrə həsr olunan hesabat yığıncağı keçirilib.
Hesabat məruzəsi ilə çıxış edən rayon icra hakimiyyətinin başçısı Mirdaməd Sadıqov altı ayda 68 milyon 931 min manat məbləğində ümumi məhsul istehsal olunduğunu, bu müddətdə əsas kapitala 8 milyon 914 min 200 manat investisiya qoyulduğunu, 3 milyon 212 min 700 manat dəyərində əsas fondların istifadəyə verildiyini diqqətə çatdırıb.
Məruzədə, eləcə də müzakirələrdə ilin birinci yarısında tikinti-quruculuq işləri sahəsində bir çox layihələrin həyata keçirildiyi bildirilib. Bu müddətdə yaşayış evləri, inzibati binalar, yollar tikilib və ya əsaslı təmir olunub. M.F.Axundzadə küçəsində 2 doqquzmərtəbəli yaşayış binasının, velosiped istehsalı zavodunun, Keyvəndi kəndində “AZZA Aqro” MMC-nin 1500 başlıq iri heyvandarlıq kompleksinin, Qalınçaq kəndində “Şən fermer” MMC-nin hind toyuğu istehsal edəcək fabrikinin tikintisi davam etdirilib. Göyçay çayı üzərində inşa olunan “İsmayıllı SES-2”də tikinti-quraşdırma işləri başa çatdırılıb və yaxın vaxtlarda istifadəyə veriləcək. Bu stansiya rayonun elektrik enerjisi ilə davamlı təchiz olunmasını təmin edəcək.
İsmayıllı şəhərində “Yaşıl market” ticarət kompleksinin, Xanəgah kəndi yaxınlığında dam örtükləri istehsal edəcək zavodun, Mollaisaqlı kəndində 30 başlıq südlük, 25 başlıq kökəltmə istiqamətli iribuynuzlu mal-qara üçün tövlənin tikintisi başa çatdırılıb. Habelə, İsmayıllı şəhəri ərazisində meyvə-tərəvəz emalı və qablaşdırılması müəssisəsinin, yeni quşçuluq fabrikinin tikintisi, Talış kəndində gündəlik istehsal gücü 1 ton olan pendir istehsalı sexində avadanlıqların quraşdırılması işləri aparılıb.
Qeyd olunub ki, 27 min nəfər əhalinin yaşadığı 37 yaşayış məntəqəsini rayon mərkəzi ilə birləşdirən respublika əhəmiyyətli Qaraməryəm-İsmayıllı-Şəki avtomobil yolu istismara verilib. Yol tikintisi zamanı Mehmanxanlı çayı üzərində uzunluğu 25 metr olan yeni aşırma körpü də tikilib.
Məruzə və çıxışlarda aqrar sektorda - taxılçılıq, üzümçülük, meyvəçilik, o cümlədən heyvandarlıq sahələrində görülən işlərdən də ətraflı bəhs olunub. Vurğulanıb ki, hazırda cari ilin məhsulu üçün yetişdirilən 29342 hektar taxıl zəmisində biçin kampaniyası davam etdirilir. Hələlik 99075 ton taxıl istehsal olunub, dəmyə şəraitində hər hektardan 35,03 sentner məhsul götürülür. Hazırda biçilməmiş 1026 hektar zəmidə kampaniya davam edir.
Hesabat yığıncağında təhsil, səhiyyə, mədəniyyət, turizm sahələrində görülən işlərdən, habelə qarşıda duran vəzifələrdən də danışılıb. Əminliklə vurğulanıb ki, ismayıllılar ölkəmizin sosial-iqtisadi qüdrətinin daha da artırılmasında Prezident İlham Əliyevin qarşıya qoyduğu vəzifələrin uğurla həyata keçirilməsində əllərindən gələni əsirgəməyəcəklər.




 
Bölməyə aid digər xəbərlər
19.10.2019
Mətbuat Şurası icazəsiz mitinqlə əlaqədar jurnalistlərə və hüquq-mühafizə orqanlarına çağırış edib
19.10.2019
Astarada Nəsiminin 650 illik yubileyi qeyd olunub
18.10.2019
Azərbaycanın Milli Qəhrəmanı Elşad Hüseynovun xatirəsi anılıb
18.10.2019
Birinci vitse-prezident Mehriban Əliyeva Dövlət Müstəqilliyi Günü münasibətilə Azərbaycan xalqını təbrik edib
18.10.2019
Azərbaycanın dövlət müstəqilliyinin bərpasının 28-ci ildönümü qeyd olunur

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10922

1 Prezident: Gələn ilin büdcəsi həm sosial, həm investisiya yönümlü olmalıdır
2 Vasim Məmmədəliyev vəfat edib
3 “Xoşbəxtlikdən, Azərbaycanın qolu sayılmadı“
4 Gələn il əmək pensiyaları bir daha artırılacaq
5 “Zəngəzurun Ermənistana birləşdirilməsi böyük Türk Dünyasını parçaladı”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info