Rusiya Dövlət Ermitajında erməni saxtakarlığının qarşısı alınıb
Tarix: 30.09.2016 | Saat: 11:16:00 | E-mail | Çapa göndər


Azərbaycan Milli Elmlər Akademiyası Naxçıvan Bölməsinin müraciəti əsasında Rusiya Dövlət Ermitajında erməni alimlərinin qərəzli müzakirə mövzusu konfransın gündəliyindən çıxarılıb.
AMEA Naxçıvan Bölməsinin mətbuat xidmətindən AZƏRTAC-a bildirilib ki, sentyabrın 26-29-da Rusiya Federasiyasının Dövlət Ermitajında şərq numizmatikasına (ICON II) həsr olunmuş ikinci beynəlxalq konfrans keçirilib. Konfransın sentyabrın 29-na nəzərdə tutulan iclasında erməni alimi A.Akopyan (Moskva) və P.Petrovun (Kazan) “Şərqi Ermənistan xanlıqlarının (İrəvan, Naxçıvan, Gəncə, Qarabağ) 1747-1827-ci illərdə sikkə zərbi” mövzusunda məruzələrinin dinlənilməsi nəzərdə tutulmuşdu.
Məsələ ilə bağlı Naxçıvan Muxtar Respublikası Ali Məclisinin Aparatı Sankt-Peterburq şəhərində yaşayan azərbaycanlıları məlumatlandırıb, burada fəaliyyət göstərən “Naxçıvan cəmiyyəti”nin üzvləri və AMEA Naxçıvan Bölməsinin alim və tədqiqatçıları “Şərq numizmatikası üzrə “İCON” 2-ci Beynəlxalq Konfrans”ın Təşkilat Komitəsinə məktub göndərərək qərəzli yanaşmaya kəskin etirazlarını bildirib, “Şərqi Ermənistan xanlıqlarının (İrəvan, Naxçıvan, Gəncə, Qarabağ) 1747-1827-ci illərdə sikkə zərbi” adlı məruzənin konfransın gündəliyindən çıxarılmasını tələb ediblər.
Etiraz məktublarında qədim Azərbaycan torpaqlarının “Şərqi Ermənistan” kimi qələmə verilməsinin elmi və tarixilik baxımından kobud səhv olduğu, ermənilərin Azərbaycan torpaqlarına, xüsusilə adları qeyd olunan xanlıqların ərazisinə 1828-ci il tarixli Türkmənçay müqaviləsindən sonra köçürüldüyü diqqətə çatdırılıb. Qeyd olunub ki, 1747-1828-ci illərdə Nadir şah imperiyasının süqutundan sonra Azərbaycan ərazilərində 21 xanlıq yaranıb, həmin dövrdə nə Ermənistan adlı dövlət, nə də “Şərqi Ermənistan” adlı coğrafi ərazi olmayıb. Adları çəkilən xanlıqları isə Azərbaycan türkləri olan Qacarlar, Kəngərlilər, Ziyadoğlular, Cavanşirlər sülaləsi idarə ediblər. Həmin dövrdə Ermənistan dövləti olmadığı üçün bu dövlət adından pul kəsilməsinin mümkünsüzlüyü faktlarla konfransın təşkilat komitəsinin nəzərinə çatdırılıb.
Qeyd edək ki, bu məsələ bir dəfə də keçmiş Sovetlər Birliyi dövründə – 1971-ci ildə gündəliyə gətirilib. Həmin dövrdə Rusiya Dövlət Ermitajının hazırkı direktoru akademik M.B.Piotrovskinin atası B.Piotrovski “Redaksiyaya məktub” sərlövhəli məqaləsində Azərbaycan xanlıqlarına məxsus pul sikkələrinin mənimsənilməsini mümkünsüz və elmi yanlışlıq hesab edib. Məsələnin ikinci dəfə gündəliyə gətirilməsi Rusiya Dövlət Ermitajının və şəxsən onun direktoru akademik M.B.Piotrovskinin tarixə saxtakar münasibətinin və açıq-aşkar ermənipərəst mövqeyinin nəticəsi idi.
Haqlı tələb və etirazlardan sonra “Şərq numizmatikası üzrə “İCON” 2-ci Beynəlxalq Konfrans”ın Təşkilat Komitəsi A.V.Akopyanın və P.N.Petrovun təqdim etdikləri “Şərqi Ermənistan xanlıqlarının (İrəvan, Naxçıvan, Gəncə, Qarabağ) 1747-1827-ci illərdə sikkə zərbi” adlı mövzunu konfransın gündəliyindən çıxarıb.
Bu, ermənilərin öz havadarlarının dəstəyi ilə saxta tarix yaratmaq cəhdinin növbəti dəfə iflasa uğramasıdır.




 
Bölməyə aid digər xəbərlər
18.07.2018
Stepan Petrosyan: “Ermənistanda hərbi sənaye sahəsində heç bir iş görülmür“
17.07.2018
Ermənistan indi də nicatı Avropada axtarır
17.07.2018
Rusiya-Azərbaycan Biznes Şurasına yeni sədr seçilib
17.07.2018
Vergilər nazirinin müavini Tbilisidə regional forumda iştirak edir
17.07.2018
Sarkisyanın qardaşı oğlu insan oğurluğunda və işgəncə verməkdə ittiham olunur

Şərh əlavə olunmayıb



    ,    
Namiq Əliyev
Vüsalə Ağabəyli
Şahin Sərdarlı
İsa Həbibbəyli
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9648

1 “Babamızın şeirlərinə sahib çıxanlar var”
2 “Azərbaycanda sabitliyi pozmağa cəhd edənlərin cəzası ağır olacaq”
3 Elektrik enerjisi və qaz təchizatı sahəsində nəzarət qaydası təsdiqləndi
4 “Təxribatçıların çağırışlarına inanmayın”
5 “Cavan”-dan hər kəs üçün qeyr-adi festival


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info