“Azərbaycan Respublikasının Geoiqtisadi Atlası” ingilis dilində nəşr edilib
Tarix: 05.10.2016 | Saat: 16:32:00 | E-mail | Çapa göndər


Azərbaycan Respublikasının Prezidenti yanında Strateji Araşdırmalar Mərkəzi tərəfindən “Azərbaycan Respublikasının Geoiqtisadi Atlası” ingilis dilində nəşr edilib.
Strateji Araşdırmalar Mərkəzindən AZƏRTAC-a bildiriblər ki, üç hissədən ibarət olan atlasda Azərbaycanın iqtisadiyyatı və xarici ticarət əlaqələri haqqında ümumi göstəricilər, ölkəmizin üzv olduğu beynəlxalq təşkilatlar və dünya iqtisadiyyatında böyük paya sahib olan dövlətlər ilə iqtisadi əlaqələri, regional, qlobal enerji, nəqliyyat layihələrində respublikamızın rolu və mövqeyi haqqında məlumatlar əksini tapıb.
Atlasın birinci hissəsində Azərbaycan iqtisadiyyatı haqqında ümumi məlumat verilib, ÜDM-in səviyyəsi, ümumi məhsul buraxılışının həcmində kənd təsərrüfatı və sənayenin payı göstərilib. Bundan başqa, həmin hissədə son on il (2005-2015) ərzində Azərbaycanın xarici ticarət əlaqələrinin dinamikası, həm idxal, həm də ixrac üzrə əsas ticarət tərəfdaşları ilə iqtisadi əlaqələri, həmçinin ölkəmizin qeyri-neft sektoru üzrə xarici ticarət əlaqələri, iqtisadiyyata yönəldilmiş daxili və xarici investisiyalar üzrə göstəricilər verilib.
İkinci hissədə Azərbaycanın Avropa İttifaqı, Müstəqil Dövlətlər Birliyi, Avrasiya İqtisadi Birliyinə üzv dövlətlər, Demokratiya və İqtisadi İnkişaf Uğrunda Təşkilat (GUAM), Şanxay Əməkdaşlıq Təşkilatı, İslam Əməkdaşlıq Təşkilatı, İqtisadi Əməkdaşlıq Təşkilatı (ECO), Türk Şurası və Körfəz Əməkdaşlıq Şurası kimi nüfuzlu beynəlxalq təşkilatlar ilə ticarət əlaqələrinin dinamikası və bu əlaqələrin ölkəmizin iqtisadiyyatında payı əksini tapıb. Bu hissədə Azərbaycanın Çin Xalq Respublikası və Amerika Birləşmiş Ştatları kimi güclü iqtisadiyyata malik dövlətlərlə ticarət əlaqələrinə dair göstəricilər də yer alıb.
Üçüncü hissədə Azərbaycanın iştirak etdiyi, istifadə olunan, tikilən nəqliyyat və enerji xətləri layihələri haqqında ümumi məlumat, həmçinin ölkəmizin bu layihələrdə pay göstəriciləri verilib. Burada Bakı-Tbilisi-Qars dəmiryolu xətti, “Şimal-Cənub” Beynəlxalq Nəqliyyat Dəhlizi, həmçinin Bakı Beynəlxalq Dəniz Ticarət Limanı Kompleksi və onun potensialı, Azərbaycanın bu layihələrdə mövqeyinə dair məlumatlar da əksini tapıb. Enerji layihələri çərçivəsində isə hazırda istismar edilən Bakı-Tbilisi-Ceyhan, Bakı-Supsa, Bakı-Novorossiysk neft boru kəmərləri və Bakı-Tbilisi-Ərzurum qaz kəməri, tikintisi davam etdirilən və Azərbaycanın da böyük pay sahibi olduğu “Cənub Qaz Dəhlizi” və digər layihələr haqqında məlumatlar verilib. Atlasın üçüncü hissəsində, həmçinin tarixi İpək Yolunun bərpası üçün Azərbaycanın irəli sürdüyü təşəbbüslər, bu istiqamətdə iştirak etdiyi TRASEKA və “Bir kəmər, bir yol” kimi layihələr haqqında məlumatlar da əksini tapıb.
Sonda Azərbaycanın Ermənistan tərəfindən işğal olunmuş rayonları haqqında məlumat verilib.
Geniş oxucu kütləsi üçün nəzərdə tutulan və nadir geoiqtisadi xəritələr toplusundan ibarət bu atlas Azərbaycan iqtisadiyyatı haqqında dolğun təsəvvür yaradır.
Mahmud




 
Bölməyə aid digər xəbərlər
27.05.2020
AİHM-in qərarı erməni “təbliğat maşını”nın növbəti fiaskosudur
27.05.2020
Bu gün Azərbaycan ən nüfuzlu və sürətlə inkişaf edən dövlətlər sırasına daxildir
27.05.2020
Ermənistanın Azərbaycana qarşı Avropa Məhkəməsi ilə bağlı nə isə tələb irəli sürməsinə heç bir mənəvi haqqı yoxdur
27.05.2020
Avropa Məhkəməsinin Ramil Səfərovun işi ilə bağlı qərarı Azərbaycanın üzərinə heç bir beynəlxalq hüquqi öhdəlik qoymur
27.05.2020
Azərbaycanın müstəqilliyi dönməz və əbədidir!

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 “Azərişıq“ bayram günlərində gücləndirilmiş iş rejimində çalışacaq
2 İşğal olunmuş Şuşa şəhərində təşkil edilən qondarma “andiçmə” mərasiminin heç bir hüquqi əsası yoxdur
3 “Karantin dövründə evdə qalanlara pozitiv ruh vermişik”
4 Energetika nazirinə yeni müavin təyin olunub
5 “Karantin və sosial izolyasiya uşaqların psixoloji durumuna mənfi təsir edib”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info