İtaliya mətbuatında azərbaycanlı məcburi köçkünlər haqqında məqalə
Tarix: 12.10.2016 | Saat: 17:49:00 | E-mail | Çapa göndər


İtaliyanın “Cronache di Napoli” qəzetində jurnalist Domeniko Letisiya tərəfindən “İnkar olunmuş hüquqlar: Şuşanın sürgündəki icra başçısı. 1992-ci ildən fəaliyyət göstərən düşərgədə həyat” (I diritti negati: Shusha, il sindaco in esilio. Vivere in un campo dal’92) adlı məqalə dərc olunub.
Məqalə D. Letisiyanın Dağlıq Qarabağ bölgəsinin Azərbaycanlı İcması İctimai Birliyinin sədri, Şuşa Rayon İcra Hakimiyyətinin başçısı Bayram Səfərovdan aldığı müsahibə və Ramana qəsəbəsi yaxınlığında məcburi köçkün ailələri üçün tikilmiş qəsəbəyə səfəri əsasında yazılıb.
 
Məqalədə bildirilir ki, 8 may 1992-ci il tarixində Ermənistan silahlı qüvvələrinin Şuşanı işğal etməsi nəticəsində şəhərdə yaşayan azərbaycanlılar öz yurdunu tərk etmək məcburiyyəti ilə üzləşib, dövlət tərəfindən tikilmiş xüsusi qəsəbədə məskunlaşıblar. Şuşanı hansı şəraitdə tərk etməyindən danışan şəhərin “sürgündə” olan icra başçısı kimi təqdim olunan B. Səfərov işğal günündən bəri Şuşaya gedə bilmədiyini və ən böyük arzusunun yenidən Şuşaya dönmək olduğunu bildirib.
 
Məqalədə B. Səfərova istinadən Azərbaycanda müxtəlif dinlərin və millətlərin, o cümlədən ermənilərin dinc şəraitdə yaşadığı bildirilir, Ermənistanda yalnız ermənilərin yaşaması və Ermənistanın multikulturalizmə qarşı olması vurğulanır. Bundan əlavə, erməni silahlı qüvvələrinin Azərbaycanın işğal olunmuş ərazilərindən çıxarılmasını tələb edən BMT-nin dörd qətnaməsi xatırladılır.
                   
Məqalədə həmçinin jurnalistin Bakı yaxınlığında yerləşən məcburi köçkünlərin məskunlaşdığı qəsəbəyə səfərindən və orada mövcud şəraitdən söz açılır: “Mən qəsəbədə yenicə tikilmiş, şagirdlərin ingilis dilində dərs keçdiyi informatika otağı olan müasir məktəbdə və musiqi məktəbində oldum. Musiqi məktəbinin direktoru İtaliya vətəndaşı olduğumu biləndə, mənə öz telefonunda məktəbin şagirdləri tərəfindən italyan dilində təşkil olunmuş konserti nümayiş etdirib. Adriano Çelentano, Toto Kutunyo, Luçano Pavarotti və Enriko Karusonu bu qəsəbədə tanıyırlar, uşaqlar dərslərdə onların mahnılarını öyrənirlər. Düşərgədə olanda, şəhid vermiş məcburi köçkün ailəsinə qonaq dəvət edildim. Ailə sahibi evlə təmin olunduğunu, vergidən azad edildiyini və sabaha ümidlə baxdıqlarını bildirsə də, doğma yurdu heç nəyin əvəz etmədiyini xüsusi ilə vurğulamağı da unutmayıb”.  

Tural




 
Bölməyə aid digər xəbərlər
17.11.2019
Kaliforniyada odlu silahdan açılan atəş nəticəsində beş nəfər ölüb
17.11.2019
Tehranda güclü qar səbəbindən məktəblər bağlanacaq
16.11.2019
Fransada “sarı jiletlilər“in aksiyasında 100-dən çox etirazçı saxlanılıb
16.11.2019
İranda benzin bahalaşmasına qarşı etirazlarda bir nəfər öldü
16.11.2019
Türkiyə polisi Əbu Bəkr əl-Bağdadinin 25 qohumunu saxlayıb

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10943

1 Prezident icra başçılarını qəbul edib: “Elə işləməlisiniz ki, xalq sizdən razı olsun”
2 Bölgə müəllimləri yeni layihələr reallaşdırırlar
3 Bakıda rusiyalı şairə Yekaterina Xlebnikovanın ilk dəfə yaradıcılıq gecəsi keçirilib
4 Masallının Əmirtürbə kəndində şəhid Səfərəli Alışovun adı əbədiləşdirilib
5 Prof. Aziz Sancar’dan Özbekistan’a çikarma: Hayalim Türk Birliğini görmek


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info