Mariya Joao Lopes Kardoso: “Naxçıvan Muxtar Respublikası zəngin turizm potensialına malikdir”
Tarix: 12.10.2016 | Saat: 19:51:00 | E-mail | Çapa göndər


Naxçıvan Muxtar Respublikasına səfərim zamanı bir sıra əhəmiyyətli görüşlər keçirdim. Muxtar respublikanın səhiyyə, informasiya texnologiyaları, enerji, meliorasiya sahələrində qazandığı nailiyyətlər barədə məlumat aldım, bu sahələrdə qarşılıqlı əməkdaşlıq imkanlarını müzakirə etdik.
Bunu muxtar respublikaya ikigünlük səfərinin yekunları ilə bağlı AZƏRTAC-a müsahibə verən Portuqaliya Respublikasının ölkəmizdəki nümayəndəliyinin müvəqqəti işlər vəkili Mariya Joao Lopes Kardoso deyib.
Diplomat qeyd edib ki, Naxçıvan Muxtar Respublikası ilə Portuqaliyanın muxtar regionları arasında əlaqələrin qurulması, həm Azərbaycan, həm də Portuqaliya üçün müsbət nəticələr verə bilər: “Mən turizm sahəsində qurulacaq əlaqələri xüsusi qeyd etmək istərdim. Çünki Portuqaliya turizm sahəsində böyük təcrübəyə malikdir. Portuqaliyanın 10 milyon əhalisi olmasına baxmayaraq, 2015-ci ildə 17 milyon turist qəbul edib. Bu, əhəmiyyətli bir rəqəmdir. Naxçıvanın da zəngin turizm potensialı var. Buna görə də Naxçıvan Muxtar Respublikası ilə Portuqaliyanın muxtar regionları arasında turizm sahəsində əlaqələrin inkişaf etdirilməsinin yaxşı perspektiv vəd edəcəyinə inanıram”.
Portuqaliya Respublikasının ölkəmizdəki nümayəndəliyinin müvəqqəti işlər vəkili bildirib ki, o, Naxçıvanqala, Möminə xatın, Duzdağ Fizioterapiya Mərkəzi ilə tanış olub. Diplomat deyib ki, abidələrin qədimliyi, gözəlliyi, bu günə qədər qorunub saxlanması onu valeh edib: “Möminə xatın türbəsini Hindistanda yerləşən Tac-Mahal türbəsinə bənzətdim. Onlar arasındakı xüsusi bənzərlik ondan ibarətdir ki, hər iki abidə həyat yoldaşlarına böyük sevgi və ehtiram bəsləyən tarixi şəxsiyyətlər tərəfindən inşa olunub. Naxçıvanqala da diqqətimi cəlb etdi. Biz Portuqaliyada belə abidələrdə mədəni tədbirlər keçiririk. Öyrəndim ki, Naxçıvanqalada da müxtəlif səpkili mədəni tədbirlər, o cümlədən festivallar keçirilir. Bu, çox müsbət haldır. Duzdağ Fizioterapiya Mərkəzi ilə tanışlığımız da maraqlı oldu. Yeraltı tuneldə yerləşən xəstəxananı gəzərkən buranın havasının insana çox müsbət təsir göstərdiyini gördüm”.
Naxçıvan şəhərində yerləşən Biznes Mərkəzində də olduğunu bildirən xanım Mariya Joao Lopes Kardoso qeyd edib ki, muxtar respublikada istehsal edilən çeşidli məhsullar onun diqqətini cəlb edib. Xüsusən keyfiyyəti, faydalılığı və dadı ilə seçilən “Sirab”, “Badamlı” kimi mineral suların Naxçıvanda istehsal olunması bu diyarın təbii sərvətlərlə zəngin olduğunu göstərir.
Muxtar respublikada qonaqpərvərliklə qarşılandığını vurğulayan diplomat deyib: “Yüksək qonaqpərvərliyə görə dərin minnətdarlığımı bildirirəm. Mən Naxçıvanı çox sevdim. Bundan sonra da Naxçıvana gəlmək arzusundayam. Ancaq tək yox, bu dəfə Portuqaliyadan olan qonaqlarla birlikdə gələcəyimə ümid edirəm. Bundan sonra Portuqaliyadan istər dövlət xadimləri, istər sənətçilər, istərsə də biznes nümayəndələri Bakıya gəldiyi zaman onlara tövsiyə edəcəyəm ki, Naxçıvana da gəlsinlər. Çünki bu səfərimdən sonra tam əminəm ki, onlar burada etibarlı tərəfdaşlar, dostlar qazanacaqlar”.
Mahmud




 
Bölməyə aid digər xəbərlər
27.05.2020
AİHM-in qərarı erməni “təbliğat maşını”nın növbəti fiaskosudur
27.05.2020
Bu gün Azərbaycan ən nüfuzlu və sürətlə inkişaf edən dövlətlər sırasına daxildir
27.05.2020
Ermənistanın Azərbaycana qarşı Avropa Məhkəməsi ilə bağlı nə isə tələb irəli sürməsinə heç bir mənəvi haqqı yoxdur
27.05.2020
Avropa Məhkəməsinin Ramil Səfərovun işi ilə bağlı qərarı Azərbaycanın üzərinə heç bir beynəlxalq hüquqi öhdəlik qoymur
27.05.2020
Azərbaycanın müstəqilliyi dönməz və əbədidir!

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 “Azərişıq“ bayram günlərində gücləndirilmiş iş rejimində çalışacaq
2 İşğal olunmuş Şuşa şəhərində təşkil edilən qondarma “andiçmə” mərasiminin heç bir hüquqi əsası yoxdur
3 “Karantin dövründə evdə qalanlara pozitiv ruh vermişik”
4 Energetika nazirinə yeni müavin təyin olunub
5 “Karantin və sosial izolyasiya uşaqların psixoloji durumuna mənfi təsir edib”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info