İsveçrə qəzetində Nobel qardaşlarının Azərbaycandakı izləri barədə məqalə dərc olunub
Tarix: 14.10.2016 | Saat: 19:29:00 | E-mail | Çapa göndər


İsveçrənin “Tagblatt” qəzetində Nobel qardaşları və onların Azərbaycandakı həyat və fəaliyyətlərindən bəhs edən məqalə dərc olunub.
Tanınmış jurnalist Briqitte Şmid-Quqlerin müəllifi olduğu yazıda qeyd edilir ki, bu günlərdə bütün dünyanın diqqəti Nobel mükafatına yönəlib və həmin mükafatın təsisçisi Alfred Nobelin izləri Azərbaycana gedib çıxır.
Məqalədə XIX əsrin sonunda Bakıda baş verən neft bumundan danışılır, həmçinin çar Rusiyasında neft hasilatının 95 faizinin, dünyadakı neft hasilatının isə yarısının Bakının payına düşdüyü diqqətə çatdırılır. Qeyd edilir ki, ilk olaraq Nobel qardaşlarının ən böyüyü Rixard Bakıya gələrək burada neft sənayesi üçün geniş imkanların olduğunu görür və silah sənayesində çalışan qardaşlarını neft sahəsinə sərmayə qoymağa inandıra bilir. 1879-cu ildə Nobel qardaşları Bakıda öz neft şirkətlərini təsis edir və bu ailəyə məxsus “Villa Petrolea” ətrafında kiçik şəhərciyə bənzər infrastruktur yaradılır. Bu gün həmin villa yenidən bərpa olunub və burada o dövrü əks etdirən muzey fəaliyyət göstərir.
Yazıda bildirilir ki, Nobel qardaşlarının Bakıdakı fəaliyyətinin canlı nümunəsi olan “Villa Petrolea” keşməkeşli tarix yaşayıb. Cəmi iki il ömür sürməsinə baxmayaraq, Azərbaycan Xalq Cümhuriyyətində Şərqdə ilk dəfə parlamentli-demokratik respublika yaradıldı, o dövr üçün müsəlman ölkələri arasında bir çox ilklərə imza atıldı, qadınlara seçki hüququ verildi, eləcə də qadın və kişilərin bərabər hüquqlara malik olması bəyan edildi. Sovet işğalı nəticəsində Bakını tərk etməyə məcbur olan Nobel qardaşlarının şirkəti və bütün mülkləri müsadirə olundu, bununla da onların Azərbaycanda sənaye və sosial sahələrdə yaratdıqları bütün nailiyyətlərin taleyinə son qoyuldu.
Sonda qeyd edilir ki, övladı olmayan və 1896-cı ildə vəfat edən Alfred Nobelin vəsiyyəti əsasında onun varidatı ilə bir fond təsis olundu. Fondun əsas məqsədi bəşəriyyət qarşısında böyük xidmətləri olan şəxsləri mükafatlandırmaqdan ibarətdir.
Tural




 
Bölməyə aid digər xəbərlər
04.12.2020
“DQR“in müstəqilliyini tanımayacaq...
04.12.2020
Britaniyanın Bristol şəhərində partlayış nəticəsində 4 nəfər həyatını itirib
03.12.2020
Türkiyədə oteldə silahlı insident: 5 yaralı
03.12.2020
Maduro: Yalnız bu halda istefa verəcəyəm!
02.12.2020
Fransada məscidə qarşı təhqiramiz hərəkətlər edilib

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 12129

1 İqor Korotçenko: “Dağlıq Qarabağ Azərbaycan ərazisidir. Bu məsələ birdəfəlik və həmişəlik bağlanıb”
2 Metyu Brayza: “Fransa ATƏT-in Minsk Qrupunun həmsədri ola bilməz”
3 Зия Буниятов: “На Кавказе апостольской была Албанская, а не Армянская церковь“
4 Dağlıq Qarabağ və ətraf regionların bərpa olunan enerji resurslarından səmərəli istifadə qarşıda duran əsas prioritetdir - Pərviz Şahbazov
5 Azan sədasında quşların möhtəşəm rəqsi - VİDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info