Çexiyada “Rusiya təbliğatı”na qarşı xüsusi qrup yaradılıb
Tarix: 21.10.2016 | Saat: 23:48:00 | E-mail | Çapa göndər


Əks-təbliğatla məşğul olacaq qrup 20 nəfər xüsusi hazırlıq keçmiş mütəxəsisdən formalaşdırılıb

Hələ bir müddət bundan əvvəl qərbli analitiklər Rusiyanın onlara qarşı apardığı təbliğat qarşısında çıxılmaz vəziyyətdə olduqlarını etiraf etmişdilər. Hətta Rusiyanın həyata keçirdiyi təbliğat siyasətinə qarşı duruş gətirmək üçün ABŞ Litva və Ukraynadan olan jurnalistlərə xüsusi təlimlər keçməyə hazır olduğun bəyan etmişdi.
Bunun ardınca, ABŞ dövlət katibinin köməkçisi Viktoriya Nuland açıqlama verərək Birləşmiş Ştatların “Rusiya təbliğatı ilə” mübarizə aparmaq üçün 100 milyon dollar vəsait ayırdığını bildirmiş və gələcəkdə bu vəsaitin daha da artırılmaq ehtimalı olduğunu bildirmişdi. Qeyd edək ki, bununla eyni vaxtda Rusiyanın “təbliğat ixracı”na qarşı cavab vermək üçün Avropa Komissiyası da bu sahə üzrə məşğul olan mütəxəssislərdən ibarət xüsusi qrup formalaşdırmağı təklif etmişdi. Bu günlərdə isə Çex Respublikasının Daxili İşlər Nazirliyi "Rusiya təbliğatı” ilə məşğul olmaq üçün xüsusi qrup yaratdığını bəyan edib. Qrupun rəhbəri Milan Hovanesin verdiyi açıqlamaya görə, qrupun əsas vəzifələrindən biri xarici dövlətlərin ölkə əhalisinin rəyinə təsir göstərmək cəhdlərinin qarşısını almaqdır.
Hələ bu ilin sentyabrında Çexiyanın təhlükəsizlik orqanları Rusiyanın ölkə ərazisində "informasiya müharibəsi" apardığı barədə məlumat vermişdi. Çexiyanın əks-kəşfiyyat idarəsinin məlumatına görə, Moskva bütün şəbəkələrdə agent və qruplar vasitəsilə təbliğatla məşğuldur. Çexiyanın dövlət orqanları bu şəbəkələrin gələcəkdə müxtəlif məqsədlər üçün istifadə edilə biləcəyini istisna etmir. Məhz elə bu məqsədlə yaradılan və əks-təbliğatla məşğul olacaq qrup 20 nəfər xüsusi hazırlıq keçmiş mütəxəssisdən formalaşdırılıb. Onların əsas məqsədi isə dezinformasiyalara qarşı mübarizə və əldə edilən məlumatların dövlət orqanlarına çatdırılmasından ibarət olacaq. “Biz hər bir smartfona daxil olmaq niyyətindəyik”- deyə qrupun rəhbəri Milan Hovanes bildirib. O, qrupun MDB məkanındakı bütün setlərdən istifadə edərək əhalini səhv məlumatlandıran mənbələrə cavab verəcəklərini bildirib. Qeyd edək ki, Moskva Çexiyanın bu addımına hələ ki, heç bir reaksiya verməyib. Zəruri fakt kimi onu da xatırlatmaq yerinə düşər ki, hələ 2011-ci ildə Çexiyada keçirilən siyahıya alınmanın nəticələrinə görə ölkə əhalisinin 30 mindən çoxu rus dilində danışır. Bundan əlavə, ölkədə ondan artıq rusdilli sayt fəaliyyət göstərir.
Ağasəf Babayev




 
Bölməyə aid digər xəbərlər
28.11.2020
BMT İranda nüvə aliminin öldürülməsinə münasibət bildirib
28.11.2020
Belçikada quş qripi xəstəliyi qeydə alınıb
27.11.2020
İranın nüvə alimi öldürüldü
27.11.2020
Dünyada koronavirusa yoluxanların sayı 61 milyonu keçib
27.11.2020
Türkiyədə FETÖ terror təşkilatı ilə əməkdaşlıqda şübhəli bilinən hərbçilər saxlanılıblar

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11910

1 Öküz ili bürclərə nə vəd edir?
2 Kinorejissor Rasim Ocaqovun xatirəsi anılıb
3 İşğaldan azad edilən rayonlarda turizm necə təşkil olunacaq? - Agentlik açıqladı
4 Minsk qrupu uzunmüddətli və dayanıqlı həll üzrə danışıqlara kömək göstərməlidir - Almaniya səfiri
5 Bu il xarici ölkələrə səfər edən Azərbaycan vətəndaşlarının sayı açıqlanıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info