Universitet müəllimləri mükafatlara layiq görülüb
Tarix: 04.11.2016 | Saat: 21:31:00 | E-mail | Çapa göndər


Naxçıvan Dövlət Universitetinin bir qrup müəllimi "Avropa Nəşr Mətbuat Evi"nin təsis etdiyi mükafatlarla təltif olunub. Bu münasibətlə keçirilən tədbiri giriş sözü ilə universitetin rektoru, AMEA-nın müxbir üzvü Saleh Məhərrəmov açaraq Azərbaycanda elm və təhsil sahəsində qazanılan uğurlardan danışıb, muxtar respublikada elmi-pedaqoji kadrların fəaliyyətinə yaradılan hərtərəfli şəraitdən, onlara göstərilən diqqət və qayğıdan bəhs edib. Qeyd olunub ki, hazırda universitetdə Azərbaycan Milli Elmlər Akademiyasının 2 həqiqi, 7 müxbir üzvü, 31elmlər doktoru, 175 fəlsəfə doktoru fəaliyyət göstərir. Gənc dissertant və doktorantlar elmin müxtəlif istiqamətləri üzrə uğurlu elmi-tədqiqat aparırlar. Yarım əsrlik tarixə malik, Azərbaycan ali təhsil məkanında özünəməxsus yeri olan universitetin müəllim-professor heyətinin qazandığı uğurlar yüksək mükafatlarla qiymətləndirilir. "Avropa Nəşr Mətbuat Evi"nin direktoru Şöhrət Səlimbəyli rəhbərlik etdiyi qurumun fəaliyyəti, təsis etdikləri mükafatların Azərbaycan mədəniyyəti, incəsənəti, elmi sahəsində xidmətəri olan şəxslərə verilməsi haqqında danışıb. Sonra "Ən yaxşı vətənpərvər tədqiqatçı alim" qızıl medalı və fəxri diplomunun təqdimat mərasimi keçirilib. “Avropa Nəşr Mətbu Evi” müsabiqə komissiyasının qərarı ilə Naxçıvan Dövlət Universitetinin Memarlıq və mühəndislik fakültəsinin dekanı, texnika üzrə elmlər doktoru Cavanşir Zeynalov, İqtisadiyyat fakültəsinin dekanı, dosent Mehdi Bağırov, Sosial idarəertmə və hüquq fakültəsinin dekanı, dosent Qərib Allahverdiyev milli mənəvi dəyərlərimizin qorunması və gənclərdə vətənpərvərlik hisslərinin aşılanmasında, istedadlı gənc alimlərin hazırlanmasındakı səmərəli fəaliyyətlərinə, uğurlu tədqiqatlarına, çoxsaylı elmi-publisistik kitablarına, dərs vəsaitlərinə görə bu mükafata layiq görülüblər. Universitetin İqtisadiyyat kafedrasının müdiri, iqtisad elmləri doktoru, professor Ağarza Rüstəmov isə ictimai, elmi-pedaqoji fəaliyyətinə, gənc alim kadrların hazırlanması işindəki uğurlarına görə “Avropa Nəşr Mətbuat Evi” tərəfindən Həsən bəy Zərdabi “Qızıl Qələm” mükafatı ilə təltif olunub. Xatırladaq ki, professor Ağarza Rüstəmov 2015-ci ildə adıçəkilən qurumun “Ən yaxşı vətənpərvər tədqiqatçı alim” qızıl medalı və diplmuna layiq görülüb. Təltif olunanlar çıxış edərək minnətdarlıq ediblər.

Mehriban Sultan
NDU-nun Mətbuat şöbəsinin müdiri




 
Bölməyə aid digər xəbərlər
20.09.2018
Naxçıvanda “Avropa günləri” keçiriləcək
20.09.2018
600-dən çox adam sahilyanı ərazini 5 ton tullantıdan təmizlədi
20.09.2018
Azərbaycanda dünyanın ilk kurqan arxeoparkı yaradılacaq
19.09.2018
Gənc ailələr üçün yeni imkan: “Aqrar məhəllə” yaradılır
19.09.2018
İqtisadiyyat naziri Gəncədə vətəndaşları qəbul edəcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info