Naxçıvanda iməciliklərdə 20 mindən çox ağac əkilib
Tarix: 14.11.2016 | Saat: 16:01:00 | E-mail | Çapa göndər


Muxtar respublikanın şəhər və rayonlarında keçirilən iməciliklərdə 20 mindən çox meyvə və meşə ağacı, gül kolları əkilib.
AZƏRTAC xəbər verir ki, Naxçıvan şəhərində keçirilən iməcilikdə Naxçıvan-Sədərək, Naxçıvan-Şahbuz-Batabat magistral yollarının sağ və sol tərəflərində, Duzdağ Fizioterapiya Mərkəzinə gedən yolda, Nəzərabad kəndinin yaxınlığındakı terraslarda meyvə və meşə ağacları əkilərək suvarılıb, bərpa məqsədilə yeni tinglər əkilib.
Şərur rayonunda da kütləvi ağac əkinləri davam etdirilib. Rayon ictimaiyyəti Xanlıqlar-Qıvraq yolunun kənarında 3 mindən çox meyvə ağacı əkib, rayonda yeni tut bağı salıblar.
Son illər Babək rayonunda keçirilən iməciliklər rayonun təbiətinin zənginləşdirilməsinə səbəb olub, yaşıllıqların və meyvə bağlarının sahəsi ilbəil artıb. Babək rayon sakinləri iməcilikdə 5 min 200 ədəd ağac əkiblər.
Həmçinin Naxçıvan-Ordubad magistralının Düylün kəndi ərazisində 1 hektar sahədə 690 tut tingi əkilib, 5,7 hektarda yeni bağın salınması üçün ərazi əkinəyararlı vəziyyətə gətirilib. Əylis düzündəki meyvə bağlarında bərpa işləri aparılıb. Burada mindən çox meyvə və 800-dən artıq meşə ağacı əkilib.
Culfalılar Naxçıvan-Ordubad magistral yolu boyunca yaşıllıqlarda becərmə işləri aparıblar. Rayonda keçirilən iməcilik zamanı 400 meşə, 650 meyvə ağacı, 50 üzüm kolu əkilib. Kəngərli, Şahbuz və Sədərək rayonunun sakinləri də iməcilikdə mütəşəkkil iştirak ediblər. Yeni salınan meyvə bağlarına 7 mindən çox ağac əkilib, suvarma işləri aparılıb.
Qeyd edək ki, təkcə ötən il muxtar respublikada 446 mindən çox ağac əkilib, 541 hektar ərazidə isə meşə massivləri və yaşıllıq zolaqları salınıb.
Mahmud




 
Bölməyə aid digər xəbərlər
22.09.2018
Naxçıvan Muxtar Respublikası Ali Məclisində görüş
21.09.2018
Cüdo üzrə dünya çempionatının açılış mərasimi keçirilib
21.09.2018
Ədliyyə naziri Ağstafada vətəndaşları qəbul edib
21.09.2018
Sumqayıtın ən innovativ startap layihələri bəlli oldu
21.09.2018
Ramin Quluzadə Qazaxda vətəndaşlarla görüşüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info