Rufiz Qonaqov: “Ermənilər Ankarada özlərini ifşa etdi”
Tarix: 23.11.2016 | Saat: 18:13:00 | E-mail | Çapa göndər


NATO Parlament Assambleyasının 62-ci müdafiə və təhlükəsizlik toplantısı bır sıra tərəflərilə yadda qaldı. Regionda baş verən hərbi münaqişələrin əsas müzakirə mövzusu olduğu toplantı Türkiyənin bölgədə əsas güc mərkəzi olduğunu bir daha təsdiqlədi.  Mötəbər tədbirin Azərbaycan üçün də bir sıra özəllikləri oldu. Ən başlıcası strateji müttəfiqimiz olan Türkiyənin regiondakı siyasi və hərbi gücü etiraf edilmiş oldu. İkincisi, ölkələrin ərazi bütövlüyünün dəstəklənməsinə dair sənəd qəbul olundu ki, bu Azərbaycan üçün çox ciddi əhəmiyyət kəsb etdi. Üçüncüsü, erməni deputatlar müzakirələr zamanı ifşa olundular. Onların qeyri-peşəkar, səhvlərlə dolu sualları Türkiyə rəsmilərinə İrəvanı ifşa etmək və pis niyyətli olduqlarını sübut etmək üçün imkan yaratdı.
 
NATO Parlament Assambleyasının 62-ci müdafiə və təhlükəsizlik toplantısının əhəmiyyətini şərh edən Azərbaycan Respublikasının Prezidenti Yanında Qeyri-Hökumət Təşkilatlarına Dövlət Dəstəyi Şurasının üzvü, BMAM sədri Rufiz Qonaqov hesab edir ki, regiondakı gərginlik fonunda Ankarada belə bir mötəbər tədbirin keçirilməsi qardaş Türkiyənin bölgənin aparıcı aktorlarından olduğunu sübut edir: “Müzakirələrdən də göründü ki, Türkiyənin bölgədə baş verən proseslərlə bağlı mövqeyi aydındır. Rəsmi Akara münaqişəli vəziyyətdə olan ölkələrin heç birinin ərazi bütövlüyünə şübhə ilə yanaşmır. Halbu ki, orada bəzi şəhərlər tarixən Türkiyənin ərazisi olub. Həmin şəhərlərdə bu gün çoxlu sayda türklər yaşayır və Türkiyədən dəstək umurlar. Amma Ankara ərazi bütövlüyü məsələsində beynəlxalq hüququn prinsiplərinə hörmətlə yanaşır. Türkiyənin bu cür aydın və ədalətli mövqeyi onun bölgədəki nüfuzunu daha da artırır. Bütün dünya anlayır ki, Türkiyənin iştirakı və razılığı olmadan bölgədə heç bir problem həllini tapa bilməz”. 
 
Rufiz Qonaqov bildirir ki, NATO Parlament Assambleyasının 62-ci müdafiə və təhlükəsizlik toplantısında onun diqqətini çəkən əsas məsələlərdən biri erməni deputatların təxribat xarakterli suallarının türkiyəli rəsmilər tərəfindən peşəkarcasına cavablandırılması olub: “Türkiyə Silahlı Qüvvələrinin Qərargah rəisi Hulusi Akar 
erməni deputatın “Əsgərlərinizi Suriyadann nə vaxt çıxacaq” sualına cavab olaraq dedi ki, Türkiyə Suriyadakı proseslərdə iştirak etmədiyi üçün bu sual ya cahillikdir, ya da bəd niyyətdən xəbər verir. Qərargah rəisi erməni deputation bu sualını haqlı olaraq “tərbiyəsizlikdir, iftiradır, yalandır, əxlaqsızlıqdır" kimi cavablandırdı. Təbii ki, deputat bu sualı verməzdən öncə özünü əziyyətə verib regionda baş verən prosesləri öyrənməli idi.  Türkiyə xarici işlər naziri Mövlud Çavuşoğlu da erməni deputatın sualına arqumentlərlə cavab verdi. Bildirdi ki, erməni deputat Ankarada özünü sülh mələyi kimi aparır. Amma Dağlıq Qarabağın işğaldan azad olunmasını tələb edən BMT qətnamələri İrəvan tərəfindən qulaqardına vurulur.  Qondarma erməni soyqırımı ilə bağlı da erməni deputatlar kəskin cavab alaraq, yerində otuzduruldular”. 
 
Azərbaycanın NATO Parlament Assambleyasındakı nümayəndə heyətinin üzvü, Milli Məclisin Təhlükəsizlik və müdafiə məsələləri daimi komissiyasının üzvü Siyavuş Novruzovun Ankaradakı çıxışına toxunan Rufiz Qonaqov bildirdi ki, cənab Novruzov NATO PA-nın prezidenti Maykl R.Turnerə ünvanlandığı sualla əslində Ermənistanın iç üzünü açıb göstərdi: “Doğrudan da, Ermənistan Ukrayna və Gürcüstanın ərazi bütövlüyünün əleyhinə səs verdiyi halda, İrəvan qonşuluq siyasətindən danışır. Ermənistan Azərbaycanın torpaqlarını işğal edib. İllərlə Türkiyəyə qarşı ərazi iddiasındadır. Gürcüstan torpaqlarına ərazi iddiası var. Belə olan halda Ermənistanın mötəbər tədbirlərə dəvət olunmasının özü absurd görünür”. 
 
Rufiz Qonaqova görə, ümumiyyətlə, dünya ermənilərin  qaragüruh bəyanatlarından, intriqalarından yorulub: “Həm başqa bir dövlətin ərazisini işğal et, həm də özünü fağır, əzilən millət kimi apar, buna heç kəs inanmayacaq.  Dünya Ermənistanın işğalçı, hiyləgər dövlət olduğunu artıq qəbul edir. Amma təəssüf ki, işğalçıya qarşı adekvat addımlar atılmır. Bütün hallarda mötəbər tədbirlərdə Azərbaycanın problemlərinin dilə gətirilməsi, işğalçı Ermənistanın ifşa olunması vacibdir və bu, münaqişənin bizim maraqlarımız çərçivəsində həllinə müsbət təsir göstərir”.




 
Bölməyə aid digər xəbərlər
18.09.2020
Ceyhun Bayramov və Aİ Komissarı yeni sazişin tamamlanmasının vacibliyini müzakirə ediblər
18.09.2020
Ceyhun Bayramovun Ermənistanın qanunsuz fəaliyyəti barədə məktubu BMT sənədi kimi dərc olunub
17.09.2020
Milli Məclisin nümayəndə heyəti Rusiyaya rəsmi səfər edəcək
17.09.2020
Nazirlər Kabineti iki qərarını ləğv etdi
17.09.2020
XİN: Azərbaycan Ukraynanın suverenliyi və ərazi bütövlüyünü dəstəkləyir

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11601

1 Aparıcı dovşanlarına malikanə tikdirib-VIDEO
2 Masallıda “Bu günün gəncləri sabahın qurucularıdır ” mövzusunda onlayn videokonfrans keçirilib
3 “Məhəbbət əfsanəsi” və ya əfsanəyə dönmüş ömür
4 Baş Prokurorluq prokurorluq orqanlarına qəbul olmaq istəyən şəxslərə müraciət edib
5 Avropada nümayişçilər polis zorakılığına məruz qalır, amma bu məsələlər heç vaxt müzakirəyə çıxarılmır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info