Prezident təqaüdçüsü: “Məhz BANM gələcək planlarımı gerçəkləşdirə bilər”
Tarix: 23.11.2016 | Saat: 16:45:00 | E-mail | Çapa göndər
BANM Prezident təqaüdçüləri ilə bağlı yeni bir layihəyə başlayır. Bu layihə “BANM-in Prezident təqaüdçülərinə 10 sual” adlanır. Beləliklə, sualları BANM-in Proseslərin avtomatlaşdırılması mühəndisliyi ixtisasının I kurs tələbəsi Reyhanə Kərimli cavablandırır.
-Zəhmət olmasa, özünüz haqqında ətraflı məlumat verin.
-Mənim adım Reyhanə Kərimlidir. 1998-ci il dekabr ayının 19-da Sabirabad rayonunda anadan olmuşam. 2005-ci ildə Belarus Respublikasının Qrodno şəhərində təhsilə başlamışam. Daha sonra, 2007-ci ildən Bakı şəhəri Nizami rayonu 272 saylı orta məktəbdə təhsilimi davam etdirmişəm və 2016-cı ildə elə həmin məktəbin məzunu olmuşam.
-İmtahan geridə qaldı, indi həmin dövrlə bağlı hansı təəssüratlarınızı bizimlə bölüşə bilərsiniz?
-İmtahan dövrü ilə bağlı unudulmaz təəssüratlarım var. Həmin dövrdə bir qədər həyəcan və narahatçılıq keçirməyimə baxmayaraq, imtahanda göstərdiyim nəticənin sayəsində bütün yorğunluq və sıxıntı bir anda xoş bir xatirəyə çevrildi.
-Nə qədər bal topladınız?
-Məqsədimin 700 bal olmasına baxmayaraq, qəbul imtahanında 690 bal toplayaraq Prezident təqaüdçülərinin sırasına daxil oldum.
-Niyə məhz BANM-i seçdiniz?
-BANM-in ilk açıldığı ildən yüksək bal toplayan tələbələrin buraya üz tutmasını görüb, “əgər nə vaxtsa yüksək bal toplasam, mən də buranı seçəcəyəm” - deyə düşünürdüm. 10-cu sinifdə oxuyanda BANM haqqında bir qədər də məlumat topladım və əmin oldum ki, məhz BANM mənim gələcək planlarımı gerçəkləşdirə bilər.
-Ailənizin oxumağınızdakı rolu haqqında nə demək istərdiniz?
-Ailədə mənim kiçik yaşlarımdan oxumaq həvəsimin şahidi olmuşdular və həmişə mənim təhsilimi davam etdirməyimi dəstəkləyiblər.
-Ən böyük arzunuz nədir?
-Hər bir tələbə kimi mənim də arzularım, daha doğrusu, məqsədim var. Hazırda ən böyük məqsədim BANM-də yaradılmış şəraitdən istifadə edərək peşəkar mühəndis olmaqdır.
-İxtisasınız haqqında nə demək istərdiniz?
-Mənim fikrimcə, hələlik hazırlıq kursunda oxuduğumdan ixtisasım haqqında tam məlumatım yoxdur, amma bu ixtisası seçməzdən əvvəl BANM-in rəsmi səhifəsindən və digər mənbələrdən maraqlanaraq Proseslərin avtomatlaşdırılması mühəndısliyi ixtisasının məhz mənim arzuladığım sahə olduğuna əmin oldum.
-Hobbiniz nədir?
-Boş vaxtımda əsasən, musiqiyə qulaq asıram, amma maraqlı kitaba rast gələndə oxuyuram, xoşuma gələn eskizlər görəndə onların rəsmini çəkirəm.
-Başqa hansı maraqlarınız var?
-Uşaqlıqdan rəqsə, gimnastikanın müxtəlif növlərinə, skripka və fortepiano musiqi alətlərinə marağım var. Həmçinin, ingilis dilindən başqa, gələcəkdə alman dilini də öyrənmək istəyirəm.
-Hansı janrda kitabları oxuyursunuz?
-Janrından asılı olmayaraq klassik əsərləri oxuyuram, amma oxuduğum kitabların içində daha çox povestlər üstünlük təşkil edir.
Nigar












 
Bölməyə aid digər xəbərlər
23.04.2018
“Dədə Ələsgərin malik olduğu dərin biliklər müqəddəs kitablardan və bəşəri düşüncədən qaynaqlanıb”
17.04.2018
“Gənclərimiz dövlətin etimadını hər addımda doğruldurlar”
16.04.2018
Mətanət Səmədova: “Əslində, peşəkar müəllim olmaq üçün heç də yaşlanmaq əsas deyil”
09.04.2018
Süleyman Abdulla: “Ciddi ədəbiyyatı ədəbi tənqidsiz təsəvvür etmək mümkün deyil”
09.04.2018
“Söyüşcül qrupların fəaliyyəti hətta Avropadakı müxalif baxışlı insanlar tərəfindən qəbul olunmur”

Şərh əlavə olunmayıb



    ,    
Fuad HÜSEYNZADƏ
Tural Tağıyev
Elşad QOCA
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9093

1 Yaponiyada Azərbaycan məhsullarına böyük maraq var
2 TADF erməni hərbçilərinin təmas xəttində törətdiyi təxribatı pisləyib
3 Ermənistanın ifşası üçün növbəti geopolitik həmlə...
4 Rusiyalı və Azərbaycanlı Tarixçilərin Assosiasiyası yaradılacaq
5 Nazirlər Kabinetində boş qalmış vəzifələrə təyinatlar olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info