Kənd təsərrüfatı istehsalı maksimal həddə çatdırılacaq
Tarix: 02.04.2013 | Saat: 23:51:00 | E-mail | Çapa göndər


Əhalinin ərzaq məhsulları ilə etibarlı təminatına dair dövlət proqramına (2008-2015-ci illər) uyğun olaraq istər bitkiçilik, istərsə də heyvandarlıq sahəsində istehsal göstəriciləri maksimum həddə çatdırılmalıdır. Bunu kənd təsərrüfatı nazirinin müavini Bəhram Əliyev jurnalistlərə açıqlamasında bildirib.
Nazir müavini qeyd edib ki, dövlət proqramına uyğun olaraq, ölkədə taxıla olan illik tələbat 2,8 mln. ton təşkil edir və 2015-ci ilin sonuna bu həcm yerli istehsal hesabına təmin olunmalıdır. Onun sözlərinə görə, ətə olan illik tələbat 340 min tondur: «Quş ətini 80 mln. tona çatdırmalıyıq. Bu gün 45-50 min ton quş əti istehsal olunursa, biz onu 80 mln.-a çatdırmalıyıq. Bu istiqamətdə işlər davam etdirilir». B.Əliyev qeyd edib ki, Nazirlər Kabineti 2012-ci ildə imzaladığı müvafiq sərəncama əsasən, Ağcabədi rayonunun ərazisində 3 300 hektar sahədə ilk iri fermer təsərrüfatı yaradılıb. Onun sözlərinə görə, artıq orada tamamlama işləri gedir və 1 875 hektarlıq sahə yaz əkinləri üçün hazırlanır: «Beyləqan rayonunda da həmin sərəncama uyğun olaraq 1 500 hektardan artıq sahə hazırlanıb. Bu sahədə meliorasiya işlərinə hazırlıq gedir. Nazirlər Kabinetinin digər sərəncamına uyğun olaraq, Şəki rayonunda 5 500 hektar sahə qış otlaqları üçün ayrılıb. İcra başçısına bu istiqamətdə tapşırıqlar da verilib». Bəhram Əliyev deyib ki, kənd təsərrüfatı sahəsində hazırlanan dövlət proqramı və strategiya yaxın günlərdə hökumətə təqdim olunacaq. O bildirib ki, strategiyanın əsas müddəaları 4 istiqaməti əhatə edir: “Əsas istiqamət bitkiçilik və onun əsası olan toxumçuluğu inkişaf etdirmək, ikincisi heyvandarlıq və onun əsası olan damazlıq sistemini inkişaf etdirmək, üçüncüsü azad torpaq mülklərinin qorunub saxlanmasıdır. Azərbaycanın 41,8% ərazisi eroziyaya uğrayıb. Burada çoxlu işlər görmək lazımdır. Dördüncü istiqamət isə marketinq problemi, yəni fermerin yetişdirdiyi məhsulun bazara çıxarılmasıdır. Düşünürəm ki, bu 4 istiqamətdə strategiyanın əsas müddəaları olaraq yerlərdə məlumatlar hazırlanıb. Müəyyən ekspertləri də dəvət etmişik ki, bu sənədin hazırlanmasında iştirak etsinlər. Bu, mühüm bir sənəddir və gələcək üçün əsas təminatdır. Bizim əsas məqsədimiz odur ki, ərzaq təhlükəsizliyi problemi həll olunsun. Bu problemi həll etmək üçün öncə əkin sahələrini inkişaf etdirmək lazımdır”.




 
Bölməyə aid digər xəbərlər
20.10.2019
Gələn il Azərbaycan manatının dollara məzənnəsi ilə bağlı proqnoz
19.10.2019
Moskva Bakıya nüvə elmi və texnologiyaları mərkəzinin yaradılmasını təklif edib
19.10.2019
Çinlə Azərbaycan arasında ticarət dövriyyəsi rekord həddə çatıb
19.10.2019
BP: Azərbaycanın bərpa olunan enerji mənbələri sahəsində böyük potensialı var
19.10.2019
Azərbaycanda həyata keçirilən iqtisadi islahatlar Vaşinqtonda müzakirə olunub

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10923

1 Mitinqi yox, Türk Şurasının nailiyyətini təbliğ edin...
2 Prezident: Gələn ilin büdcəsi həm sosial, həm investisiya yönümlü olmalıdır
3 Gələn il əmək pensiyaları bir daha artırılacaq
4 “Zəngəzurun Ermənistana birləşdirilməsi böyük Türk Dünyasını parçaladı”
5 70 saylı Masallı şəhər və 71 saylı Masallı kənd seçki dairələrində seminarlar keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info