“Nyu-York Gənc Azərbaycanlılar təşkilatını yaratmaq arzusundayam”
Tarix: 12.12.2016 | Saat: 19:56:00 | E-mail | Çapa göndər
Anar Vahabzadə:
“Təhsil aldığım kollecdə, demək olar ki, bütün dərslərdə bacardığım qədər Azərbaycan haqda məlumat yaymağa çalışıram”

“Gənc diaspor üzvləri” rubrikasının növbəti qonağı ABŞ-ın Nyu-York şəhərində yaşayan Vahabzadə Anar Mirhüseyn oğludur. Qeyd edək ki, Anar Vahabzadə Nyu-York Amerika-Azərbaycan Qadın Cəmiyyətinin və Nyu-York Azərbaycan Evinin rəhbəri Minəvvər Vahabovanın oğludur. Anar 26 iyun 1994-cü ildə Bakı şəhərində anadan olub. 2007-ci ildə valideynlərilə ABŞ-ın Nyu-York şəhərinə gedib. Hazırda kollecdə təhsil alır.
-Bir gənc olaraq diaspor tədbirlərində iştirak edə bilirsizmi?
-Anam Minəvvər Vahabova Amerikaya gəldiyimiz ilk günlərdən diaspor fəaliyyətinə başladı. Biz də azyaşlı olduğumuza görə hər zaman anamızın yanında müxtəlif tədbirlərdə iştirak edirdik. Bacımın 5 yaşı vardı, mənim isə 13 yaşım. Anamla birlikdə müxtəlif piketlərdə, görüşlərdə iştirak etməyim məndə olan Vətən məhəbbətini daha da artırdı.
Anam müəllim olduğu üçün Həftəsonu məktəbində uşaqlara Azərbaycan dili, mədəniyyəti və tarixini tədris edirdi. Mən və bacım da bu məktəbin şagirdləri idik. Mən artıq məktəb yaşlarında gəldiyim üçün Azərbaycan, rus və ingilis dillərini bilirdim. Bu məşğələlər də mənim Azərbaycan dilinin qrammatikasını daha da təkmilləşdirməyimdə və ən əsası isə ana dilimizi unutmamağım üçün gözəl imkan idi.
Hazırda bütün dünyada Azərbaycan diasporunun fəaliyyətini mütəmadi olaraq izləyirəm. Görürəm ki, diaspor fəaliyyəti getdikcə gəncləşir. Məncə, biz gənclərin imkanları daha genişdir.
-Təhsil aldığınız kollecdə ölkəmizi necə tanıdırsız?
-Təhsil aldığım kollecdə, demək olar ki, bütün dərslərdə bacardığım qədər Azərbaycan haqda məlumat yaymağa çalışıram. Müxtəlif layihələri Azərbaycana həsr edirəm. Mən turizm sahəsində təhsil alıram və Azərbaycanı tanıtmaq üçün imkanlarım genişdir.
-Ümumiyyətlə, qeyri-amerikalı kimi sizə münasibət necədir?
-Yaşadığım Nyu-York şəhəri çox tolerant mühitə malikdir. Burada bir çox millətlərin nümayəndələri normal həyat şəraitinə malikdir. Hər şey insanın özündən asılıdır. Oxuyub təhsil almaq, istədiyin işlə məşğul olmaq üçün heç bir maneə yoxdur.
-Gələcək planlarınızı da bilmək istərdik.
-Dünyanın digər bölgələrində fəaliyyət göstərən gənc diaspor üzvləri ilə sıx əlaqələr yaratmaq istərdim.
Yaşadığımız ölkələrin dövlət qurumlarına daha yaxın olmaq, Konqresdə, BMT-də mötəbər vəzifələr tutmaq və Vətənimizi daha çox tanıtmaq istərdim. Anam çox fəal diaspor nümayəndəsidir və bu məni daha da fəal olmağa və yeni layihələrə ruhlandırır. Arzularım və fikirlərim çoxdur. Nyu-York Gənc Azərbaycanlılar təşkilatını yaratmaq arzusundayam. Bu təşkilata bizim savadlı fəal gənclərimizi cəlb edəcəyəm.
Fuad Hüseynzadə




 
Bölməyə aid digər xəbərlər
07.12.2017
Fərhad Quliyev: “Çox təəssüf ki, yeni tədqiqatlar dərs vəsaitlərində öz əksini tapmır” (Davamı)
07.12.2017
Prezident təqaüdçüsü: “Özümə verdiyim suallar məni bir ünvana istiqamətləndirdi”
06.12.2017
Fərhad Quliyev: “Elə bir arxeoloji abidə yoxdur ki, onun öyrənilməsi birdəfəyə başa çatsın”
24.11.2017
Turistik yerlərimizlə bağlı ilk müfəssəl rəqəmsal xəritəni yaradan əcnəbi
22.11.2017
“Təklifimizin dövlət tərəfindən qəbul edilməsi bizi sevindirir”

Şərh əlavə olunmayıb



    ,    
Elşad QOCA
Elvin Babayev 
Tural Tağıyev
Ümüd Səlimzadə
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 7904

1 100 ilin Çağdaş Parlamenti
2 Müəllimlər işə dəvət olunur
3 Fərhad Quliyev: “Çox təəssüf ki, yeni tədqiqatlar dərs vəsaitlərində öz əksini tapmır” (Davamı)
4 Ramiz Mehdiyev Mikayıl Cabbarovu kollektivə təqdim edib
5 Quba “ASAN həyat” kompleksinin açılışı olub


12.12 13:02 Neft bahalaşıb
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info