“Bakıda 9 yerdə keçidlərin tikintisinə başlanılacaq”
Tarix: 15.12.2016 | Saat: 15:44:00 | E-mail | Çapa göndər
“Azəravtoyol” ASC-nin mətbuat xidmətinin rəhbəri Anar Nəcəflinin AZƏRTAC-a müsahibəsi.
- Bakıda və paytaxtı şəhərətrafı qəsəbələrlə birləşdirən yol infrastrukturu yenilənib, müasir yollar salınıb. Həmin magistral avtomobil yollarında sakinlərin təhlükəsizliyini təmin edən piyada keçidlərinin sayı kifayət edirmi? Onların yerləşdirilməsi hansı prinsip əsasında müəyyənləşdirilir?
- Avtomobil yollarında piyada keçidləri təhsil, səhiyyə, iri ticarət (xidmət, istehsalat) müəssisələrinin, nəqliyyatın dayanacaq məntəqələrinin, idman, istirahət və turizm obyektlərinin və insanların kütləvi toplaşdığı digər obyektlərin yaxınlığında inşa edilir. Piyada zolağında hərəkətin işıqforla nizamlanması vacib olan hallar müvafiq icra hakimiyyəti orqanı tərəfindən müəyyən edilir. Avtomagistralların yaşayış məntəqələrindən keçən hissələrində yerüstü və ya yeraltı keçidlər arasında məsafə 400-800 metr, digər avtomobil yollarının yaşayış məntəqələrindən keçən hissələrində isə piyada keçidləri arasında məsafə 150-300 metr (yolayrıcıları arasında daha az məsafə olduğu hallar istisna olmaqla) nəzərdə tutulub. Avtomobil yollarında yerüstü və ya yeraltı keçidlər əsasən avtomagistrallarda, həmçinin nəqliyyat vasitələrinin hərəkət şiddəti 300 avtomobil/saatdan, piyadaların hərəkət şiddəti 3000 adam/saatdan və yolun hərəkət hissəsinin eni 14 metrdən çox olduqda tikilməlidir.
Bakı şəhərində və ətrafında kifayət qədər yer mövcuddur ki, orada piyada keçidlərinin salınmasına ehtiyac var. “Azəravtoyol” ASC 45 yerdə piyada keçidlərinin tikilməsini zəruri hesab edir. Artıq bununla bağlı cari ildən etibarən bu istiqamətdə kompleks işlərə başlanılıb. Bu tədbirlər çərçivəsində Bakı şəhərində bir-neçə yerdə yerüstü və yeraltı piyada keçidlərinin inşası aparılır. Sözügedən piyada keçidləri avtonəqliyyat vasitələrinin və piyadaların intensiv hərəkət etdiyi ərazilərdə inşa edilir. Məqsəd həm piyadaların rahat və təhlükəsiz şəraitdə avtomobil yollarını keçməsini təmin etmək, həm də avtonəqliyyat vasitələrinin fasiləsiz və maneəsiz hərəkətini təşkil etməkdir.
Hazırda İlkin olaraq 11 yerdə keçidlərin inşası aparılır. Artıq həmin keçidlərdən ikisində işlər yekunlaşmaq üzrədir. Bu Bakı-Quba-Rusiya Federasiyası ilə dövlət sərhədi avtomobil yolunun 12-ci kilometrində və Zabrat-Maştağa avtomobil yolunun “Sabunçu körpüsü”ndən düşən hissəsində inşa edilən yerüstü piyada keçidləridir. Bakı-Sumqayıt yolundakı keçiddə artıq son tamamlanma işləri aparılır. Belə ki, keçidin pilləkən və asma hissəsi tam hazırdır, dirəklərin üzlənməsi işləri görülür. “Sabunçu körpüsü”nün yaxınlığındakı keçidin tikintisi isə son mərhələdədir.
- Bəs perspektivdə hansı keçidlərin inşası nəzərdə tutulub?
- Yaxın zamanda daha 9 yerdə keçidlərin tikintisinə başlanılacaq. Bu keçidlər Bakı-Quba-Rusiya Federasiyası ilə dövlət sərhədi avtomobil yolunun 27-ci kilometri (Ceyranbatan qəsəbəsi), Bakı-Şamaxı-Yevlax avtomobil yolunun 13-cü kilometri (Hökməli dairəsinin yaxınlığı), Yasamal rayonu Hüseyn Cavid parkının qarşısında (yeraltı keçid ), Mərdəkan-Zuğulba yolunda ( “Xrustalnı” deyilən ərazi ), Qala-Pirallahı avtomobil yolunun 3.6-cı kilometri, Zığ-Hövsan avtomobil yolunun 2.6-cı kilometri, Xətai rayonu Neapol küçəsi ( 171 nömrəli məktəbin yaxınlığı ), həmçinin M.Hadi və S.Ə.Şirvani küçələrinin kəsişməsi, Moskva prospekti, “Şamaxinka” deyilən ərazi.
İnşası aparılan və yeni inşa olunacaq yerüstü piyada keçidləri 1 və 2 aşırımlı (orta dayaqlı) olmaqla yüngül konstruksiyaya malikdirlər. Keçidlərin bir neçəsi istisna olmaqla əksəriyyətinin üstü açıq və pilləkən hissədən ibarətdir.
Yaxın zamanlarda zəruri olan digər ərazilərdə də piyada keçidlərinin inşası nəzərdə tutulub.




 
Bölməyə aid digər xəbərlər
21.02.2017
Sözün bədii və poetik ifadəsi bitmir
20.02.2017
“Gənclərimiz artıq boş vaxtlarından səmərəli yararlanmağı bacarırlar”
17.02.2017
“Qafqaz Gənclər Evi” platforması üzərində işləyirik”
16.02.2017
“Gəncə gəncləri İslam Həmrəyliyi Oyunlarına öz töhfələrini verəcəklər”
14.02.2017
“Macarıstan heç də hamının xəyalında qurduğu Avropa ölkəsi deyil”

Şərh əlavə olunmayıb



    ,    
Azər Allahverdiyev
Aydan Abdullayeva
Pərviz Məmmədov
Səbinə Novruzzadə
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 5548

1 “Gənclərimiz artıq boş vaxtlarından səmərəli yararlanmağı bacarırlar”
2 Mehriban Əliyeva Azərbaycanın Birinci vitse-prezidenti təyin edilib
3 Sözün bədii və poetik ifadəsi bitmir
4 “Azərbaycan Cocuq Mərcanlını bərpa etməklə işğalçı Ermənistana nümunə göstərəcək”
5 Ad gününə dörd gün qalmışdı
24.02 19:50 “Şuxi“ salatı
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info