Naxçıvanlı sənətkar Azərbaycan sənturunu hazırlayıb
Tarix: 16.12.2016 | Saat: 13:22:00 | E-mail | Çapa göndər


Səntur qədim milli musiqi alətlərindən biridir. Naxçıvanlı sənətkar yatıq sazlar ailəsinə məxsus olan Azərbaycan sənturunu hazırlayıb.
İxtiyar Seyidov illərdir Naxçıvan Musiqi Kollecində saz ixtisasını tədris etməklə yanaşı, milli musiqi alətlərinin hazırlanması ilə də məşğul olur. O, indiyədək yüzlərlə gəncə aşıq sənətinin incəliklərini öyrədib.
Qədim musiqi alətlərimizi böyük ustalıqla hazırlayan İxtiyar Seyidov bildirib ki, sənturun ən qədim və sadə nümunələrinə Tuva və Xakas xalqları arasında rast gəlmək olar. Osmanlı türklərində iki növ səntur mövcuddur: alafranqa və türk sənturları. Quruluşuna, çalğı tərzinə, səs düzümünə və başqa cəhətlərinə görə sənturun bu növləri bir-birinə çox yaxındır. Alət 9 və 12 xərəkli olaraq düzəldilir.
İxtiyar Seyidov deyib ki, bu ilin fevral ayından Azərbaycan sənturu üzərində işləməyə başlayıb. Trapesiyaşəkilli aləti səs sisteminə toxunmadan milli atributumuz - buta formasına salıb. Bu, İxtiyar Seyidovun musiqi alətlərinin ixtirası, bərpası sahəsində son işi deyil. O, sənturun 12 xərəkli nümunəsini yaratmağı da planlaşdırır.
Qeyd edək ki, İxtiyar Seyidov, həmçinin Naxçıvan tənburu və Ovuc neyi alətlərinin də yaradıcısıdır. Sənətkar xammal kimi əsasən Naxçıvanın dağ kəndlərindən topladığı tut, qoz və armud ağaclarından istifadə edir. O, bu sahədəki səmərəli fəaliyyətinə görə 2014-cü ildə “Naxçıvan Muxtar Respublikasına xidmətlərinə görə” nişanı ilə təltif olunub.
İxtiyar Seyidov bildirib ki, Möminə Xatın türbəsinin yaxınlığında yerləşən emalatxanasının qonaqları daha çox gənclər və Naxçıvana gələn turistlərdir. “Onların bu alətlərə marağı çoxdur və çalışıram ki, bizim bu milli musiqi alətlərimiz itib–batmasın. Bir alət iki-üç aya ərsəyə gəlir. Düzəltmək istədiyim çox alət var. Hazırda Zaqatala tənburu üzərində çalışıram”, - deyə sənətkar vurğulayıb.

Mahmud





 
Bölməyə aid digər xəbərlər
14.06.2018
“Qurtuluşdan tərəqqiyə” adlı xüsusi nəşr işıq üzü görüb
14.06.2018
Nizami Gəncəvi Beynəlxalq Mərkəzinin nümayəndə heyəti Libermanla görüşüb
14.06.2018
Aşıq Kamandar yad edilib
14.06.2018
Rusiyanın Birinci kanalında “Jara” musiqi mükafatının təqdimatı yayımlanacaq
13.06.2018
Səmrərqənd Dövlət Universitetində “Əbədi ezamiyyət” filminin təqdimatı keçirilib

Şərh əlavə olunmayıb



    ,    
İsa Həbibbəyli
Cavanşir Feyziyev
Hüseyn Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9424

1 Qazın qiyməti artdı, Paşinyan batdı..
2 Putin: “Bizim münasibətlərimiz çox uğurla inkişaf edir”
3 “Erməniliyin və erməni faşizminin ideologiyası, fəlsəfəsi və cinayəti“ kitabının təqdimatı keçirilib
4 Prezident TANAP-ın açılışında iştirak etmək üçün Türkiyəyə gedib
5 “Dünyada Azərbaycanın ov baxımdan üstünlüyü çoxdur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info