Kənd təsərrüfatı məhsulları istehsalçılarına yeni imkan
Tarix: 16.12.2016 | Saat: 20:02:00 | E-mail | Çapa göndər
“Ərzaq məhsullarının tədarükü və təchizatı” ASC-nin 12 regionda ofisləri və tədarük anbarları yaradılıb
“Ərzaq məhsullarının tədarükü və təchizatı” Açıq Səhmdar Cəmiyyətinin (ASC) 12 regionda ofisləri və tədarük anbarları yaradılıb”. Bunu mətbuat konfransında ASC-nin İdarə Heyətinin sədr müavini Elşən Əsədov deyib.
O bildirib ki, ölkənin iqtisadi potensialından səmərəli istifadə edilməsi və ixracyönümlü məhsulların istehsalının təşviqi istiqamətində həyata keçirilmiş tədbirlər ənənəvi kənd təsərrüfatı sahələrinin və sənayenin inkişafında mühüm nəticələrin əldə olunmasına gətirib çıxarıb. Bu istiqamətdə qəbul edilmiş dövlət proqramlarının icrası aqrar sahədə sahibkarlığın inkişafını sürətləndirmiş, regionlarda əmək ehtiyatlarından, təbii iqtisadi resurslardan səmərəli istifadə olunmasına, infrastrukturun müasirləşdirilməsinə və əhalinin məşğulluğunun artırılmasına etibarlı zəmin yaradıb. Cəmiyyətin gördüyü işlər və qarşıda duran məsələlərdən danışan sədr müavini bildirib ki, ASC-nin yaradılmasında əsas məqsəd kənd təsərrüfatı məhsulları istehsalçılarının inkişafını təmin etmək, ərzaq məhsullarının keyfiyyətini daha da artırmaq, regionlarda kənd təsərrüfatı ilə məşğul olan əhalinin sosial rifahının yaxşılaşdırılmasına və kənd təsərrüfatı məhsullarını dünya bazarına çıxarmaqla istehsalının və emalının stimullaşdırmasına zəmin yaratmaqdan ibarətdir. E.Əsədov qeyd edib ki, noyabr ayından “Satınalan təşkilatların ərzaq məhsullarına tələbatı” elektron portalı istifadəyə verilib. Satın alınması nəzərdə tutulan ərzaq məhsulları, həmin məhsulların qiymətləri və satınalma şərtləri (o cümlədən satınalma dövriliyi), satın alınacaq ərzaq məhsullarının satın alan təşkilatlar üzrə həcmi və növləri barədə məlumatlar elektron portalda yerləşdirilib. Hazırda isə istehsalçıların məhsullar üzrə təkliflərinin www.tedaruk.az portalı vasitəsi ilə qəbulu davam etdirilir. Bununla yanaşı, respublikanın 12 regionunda cəmiyyətin regional ofisləri və tədarük anbarları yaradılaraq, kənd təsərrüfatı məhsullarının tədarükünə başlamaq üçün hazır vəziyyətə gətirilib. Nəzərə çatdırılıb ki, ölkə ərazisində fəaliyyət göstərən portalda qeydiyyatdan keçmiş və “Ərzaq məhsullarının tədarükü və təchizatı” ASC ilə müqavilə bağlamış hər bir kənd təsərrüfatı məhsulları istehsalçısı istehsal etdikləri məhsullarını orta topdansatış bazar qiymətinə uyğun şəkildə cəmiyyətin regional bölmələrinin anbarlarına təhvil verə biləcək. Sədr müavini ölkədə ərzaq məhsulları istehsal edən fermerlərin, torpaq mülkiyyətçilərinin və istifadəçilərinin satış probleminin olmayacağını, bu məqsədlə zəruri tədbirlərin həyata keçiriləcəyini bildirib. Bütün kənd təsərrüfatı məhsulları istehsalçılarını ən qısa zamanda cəmiyyətin portalında qeydiyyatdan keçməyə, kənd təsərrüfatı bitkilərinin əkilib becərilməsi məqsədilə təşkil olunacaq çoxşaxəli məsləhət xidmətlərindən istifadə etməyə, növbəti ildə müqavilə bağlanmış istehsalçılara müqavilə dəyərinin 25 faizi həcmində ödəniləcək avans mexanizmindən səmərəli şəkildə yararlanmaq üçün əməkdaşlığa dəvət edib. E.Əsədov portalın fəaliyyət prinsipi ilə bağlı geniş məlumat verərək, yerli istehsalçılara Azərbaycanın gələcək iqtisadi tərəqqisi, xüsusən də qeyri-neft sektorunun inkişafı, sahibkarlıq fəaliyyətinin genişləndirilməsi sahəsində yaradılmış imkanlardan faydalanaraq maddi rifahlarının yaxşılaşdırılması, kənd yerlərinin sosial-iqtisadi inkişafı sahəsində fəaliyyətlərində uğurlar arzulayıb.
Nigar




 
Bölməyə aid digər xəbərlər
26.05.2017
“Dünyadakı vəziyyət nəzarətdən çıxa bilər”
26.05.2017
Tramp: “Azərbaycan ABŞ-ın dəyərli tərəfdaşıdır”
26.05.2017
Meksikada Respublika Günü qeyd edilib 
26.05.2017
“Azərbaycan öz təcrübəsini beynəlxalq səviyyədə bölüşür”
25.05.2017
Anna Finoççiaro: “TAP qaz boru kəməri İtaliya üçün strateji əhəmiyyət kəsb edir”

Şərh əlavə olunmayıb



    ,    
N.Ə.Əhmədova
Flora Ələsgərova
Psixoloq Fərqanə Mehmanqızı
Mahmud Əyyub
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 6561

1 “Vətəndən kənarda yaşasaq da, ölkəmizin bir nümunəsi, siması sayılırıq”
2 ADNSU-nun prorektoru Qasım Məmmədov: “Universitetimizdə ingilis dilində tədris edilən ixtisasların sayı artıb”
3 Ermənistanın diplomatik pasportunu daşıyan şəxs Çexiyada “qanuni oğru” məclisində həbs edilib
4 “Qarabağ həqiqətlərinin təbliği Stavropol vilayətindəki diasporumuzun diqqət mərkəzindədir”
5 Almaniyada keçirilən festivalda Azərbaycan da təmsil olunub
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info