“Azərbaycan yarışa yüksək səviyyədə ev sahibliyi edəcək”
Tarix: 21.12.2016 | Saat: 19:58:00 | E-mail | Çapa göndər
“Biz Azərbaycana qələbə üçün yollanacağıq. Yer aldığımız qrupda Azərbaycan, Almaniya və Macarıstan komandalarına qarşı mübarizə aparacağıq. Avropa çempionatının gərgin idman mübarizəsi şəraitində keçəcəyini indidən demək olar”. Bu sözləri Polşa Voleybol Federasiyasının vitse-prezidenti Yatsek Sek gələn il Azərbaycanın və Gürcüstanın ev sahibliyi edəcəyi qadın voleybolçulardan ibarət milli komandalar arasında Avropa çempionatı ilə əlaqədar AZƏRTAC-ın sorğusuna cavabında bildirib. Polşa millisinin əsas hədəfinin qrupu birinci pillədə başa vurmaq olduğunu qeyd edən vitse-prezident vurğulayıb: “Komandamız çalışacaq ki, qrupda birinci yeri tutaraq növbəti mərhələdə “C” qrupunun favoriti olan Rusiya millisi ilə üz-üzə gəlməsin. Azərbaycan millisi doğma azarkeşlər önündə çıxış edəcək. Bu, onlar üçün üstünlük hesab oluna bilər. Almaniya millisi isə çox təhlükəli rəqibdir. Sabit çıxışı ilə hər zaman diqqət mərkəzində olur. Macarıstan voleybolçularını da xüsusi vurğulamaq lazımdır”. Yatsek Sek bildirib ki, turnirin püşkatma mərasimi yüksək səviyyədə təşkil olunmuşdu: “Mərasimin keçirildiyi Heydər Əliyev Mərkəzi isə olduqca möhtəşəmdir. Bakı çox gözəl və müasir şəhərdir. Əminliklə deyə bilərəm ki, Azərbaycan yarışa yüksək səviyyədə ev sahibliyi edəcək”. Azərbaycan millisinin beynəlxalq arenada çıxışını yüksək qiymətləndirən Polşanın qadın voleybolçulardan ibarət yığmasının baş məşqçisi Yatsek Navrotski komandasının birinci Avropa Oyunlarındakı uğuruna da toxunaraq qeyd edib: “Azərbaycan ilə bağlı xoş təəssüratlarımız var. Birinci Avropa Oyunlarının gümüş medalına sahib olduq. Gərgin idman mübarizəsi şəraitində keçən final görüşündə Türkiyəyə uduzduq. Qrupda yer alan rəqiblərimizin hər üçü bizə tanışdır. Onlarla dəfələrlə qarşılaşmışıq. Rəqiblərin oyununu müzakirə edib, öz taktikamızı quracağıq”. Qeyd edək ki, Azərbaycan millisi “A” qrupunda Almaniya, Polşa və Macarıstan yığma komandaları ilə birgə mübarizə aparacaq. “B” qrupunda Gürcüstan, İtaliya, Xorvatiya və Belarus yığmaları yarışacaq. Rusiya, Türkiyə, Bolqarıstan və Ukrayna milliləri “C”, Serbiya, Niderland, Belçika və Çexiya yığmaları isə “D” qrupunda güclərini sınayacaqlar. Çempionata ev sahibliyi edən Azərbaycan və Gürcüstan, həmçinin “Avro-2015”in mükafatçıları Rusiya, Niderland, Serbiya, eləcə də ilk beşlikdə qərarlaşan Türkiyə və Almaniya mötəbər yarışa birbaşa final mərhələsindən başlayacaqlar. İtaliya, Belçika, Polşa, Xorvatiya, Bolqarıstan və Belarus çempionata ikinci seçmə mərhələdən, Çexiya, Ukrayna və Macarıstan isə pley-offdan qoşulacaqlar.




 
Bölməyə aid digər xəbərlər
29.03.2017
“Ç elsi” rəhbərliyi baş məşqçi Antonio Konte ilə yeni müqavilə
29.03.2017
“Qalatasaray“da ciddi itki
29.03.2017
Donarumma İtaliya millisinin tarixinə düşdü
28.03.2017
Kikboksçumuz Almaniyada təşkil olunan turnirdə qalib olub
28.03.2017
Ronaldo 1-ci, Messi 2-ci, Neymar 3-cü

Şərh əlavə olunmayıb



    ,    
Aysel İbrahimova
Fikrət Yusifov
Aytən
Şəfa Qurbanova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 5981

1 “İslam Həmrəyliyi Oyunlarında tələbə könüllülərimiz aktiv iştirak edəcəklər”
2 “Yaponiyanın elm dünyasında Qarabağ mövzusuna maraq var”
3 Mir Cəlal Paşayevin əsərinə çəkilən film Çində qalib oldu
4 Azərbaycan-İsrail əlaqələrinə həsr olunmuş seminar keçirilib
5 İtaliya-Azərbaycan Dostluq Dərnəyinin başçısı mükafata layiq görülüb
29.03 13:31 Tolerantlıq məkanı
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info