“Avropa Rusiya ilə bağlı məsələdə ABŞ-a etibar etməyəcək”
Tarix: 21.12.2016 | Saat: 20:14:00 | E-mail | Çapa göndər
“Bloomberg”:
“Avropalıların 55 faizindən çoxu hesab edib ki, ABŞ Rusiyaya tətbiq edilən sanksiyaları və siyasətini yumşaldacaq”
“Avropa Birliyi Rusiyaya qarşı tətbiq etdiyi sanksiyaların müddətini daha altı ay uzatsa da, çox ehtimal ki, bu, təşkilatın Rusiyaya sanksiya tətbiqi ilə bağlı sonuncu addımı olacaq”.
Bu fikirlər “Bloomberg”də yayılan məqalədə qeyd edilib. Agentlik yazır ki, sanksiyalara baxmayaraq, Rusiya mövqelərini möhkəmləndirib də bunun qarışılığında Avropa Birliyinin özü sanksiyalardan əziyyət çəkir. Ona görə də Avropanın özündə də bu məsələ ətrafında fərqli fikirlər səsləndirilir. Rusiyaya tətbiq edilən qadağaların yüngülləşdirilməsi çağırışı ilə çıxış edənlərdən biri də Fransanın sabiq baş naziri və hazırda ölkə prezidentliyinə əsas namizəd iddialı Fransua Fiyondur. O, Fransa ilə yanaşı, digər Avropa ölkələrinin də Rusiya ilə münasibətləri möhkəmləndirməsinin tərəfdarı kimi çıxış edir. “Bloomberg”in yazdığına görə, yeni seçilmiş ABŞ prezidenti Donald Trampın adının tez-tez Rusiya dövlət başçısı Vladimir Putinlə birgə hallanması Avropanın gələcəkdə bu məsələdə ABŞ-a o qədər də etibar etməyəcəyini göstərir. Agentlik hesab edir ki, Ukrayna problemi ilə bağlı heç bir müsbət dəyişiklik olmadığı üçün Rusiyaya tətbiq edilən qadağaların yumşalması üçün əsas yoxdur. Avropa Siyasəti Mərkəzinin analitiki Pol Ayvan deyib: “Qarşıdakı altı ay müddətində nələr baş verəcəyini indidən söyləmək çox çətindir. Çünki ABŞ-ın yeni administrasiyasının hansı mövqe nümayiş etdirəcəyi hələ də aydın deyil”. “Bloomberg” ABŞ- Rusiya münasibətləri ilə bağlı sorğu da keçirib. Sorğu iştirakçılarının təqribən 55 faizdən çoxu hesab edib ki, ABŞ Rusiyaya tətbiq edilən sanksiyaları və ümumiyyətlə, siyasətini yumşaldacaq. Bu, Donald Trampın gözlənilməz qələbəsi ilə əlaqələndirilir. Bir çox analitiklər hesab edir ki, Avropa Birliyi bu halda sanksiya rejimini davam etdirmək üçün konsensus əldə etməlidir. Xatırladaq ki, ABŞ və Avropa Birliyi Ukrayna böhranı ilə bağlı 2014-cü ilin yazından Rusiyaya sanksiya tətbiq edir. Rusiya da bu qadağalara cavab verərək ABŞ və Avropanın bir çox məhsuluna embarqo qoyub.
Ağasəf Babayev





 
Bölməyə aid digər xəbərlər
11.12.2017
“Armenianreport.com”: “Ermənistanın büdcəsində pul yoxdur”
10.12.2017
“ArmenianReport”: “Ermənistan Avropanın 10 ən yoxsul ölkələrindən biridir”
09.12.2017
Sərkisyanın reallığa istinad edən deputata etirazı
07.12.2017
Postmaydan hökuməti ilə kuratorları arasında konfliktin səbəbi
07.12.2017
“ArmenianReport”: “Ermənistanda zəlzələ qurbanları 29 ildir çadırlarda siçovullarla birgə yaşayırlar”

Şərh əlavə olunmayıb



    ,    
Elşad QOCA
Elvin Babayev 
Tural Tağıyev
Ümüd Səlimzadə
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 7897

1 Mikayıl Cabbarov vergilər naziri təyin edilib
2 100 ilin Çağdaş Parlamenti
3 Müəllimlər işə dəvət olunur
4 Fərhad Quliyev: “Çox təəssüf ki, yeni tədqiqatlar dərs vəsaitlərində öz əksini tapmır” (Davamı)
5 “Daha yüksək səviyyədə təşkilatlanmalı və bir səngərdən dövlətin maraqlarının qorunması üçün mübarizə aparmalıyıq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info