Hələbə beynəlxalq missiya yerləşdiriləcək
Tarix: 22.12.2016 | Saat: 20:24:00 | E-mail | Çapa göndər
Müxtəlif dövlətlərin xüsusi xidmət orqanları əməkdaşlarının müşahidəçi adı altında Suriyaya yerləşdiriləcəyi ilə bağlı şübhələr var


Suriya münaqişəsi ilə bağlı siyasi vəziyyət yeni mərhələyə qədəm qoyub. Hələb ətrafında gedən savaşda Rusiyanın dəstəklədiyi Bəşər Əsəd ordusu böyük üstünlük əldə edib.
Bu məsələdə Rusiya və Türkiyənin sıx əməkdaşlıq etməsi, Türkiyədə ardıcıl baş verən terror aktları ilə müşahidə edilir. Rusiya və Türkiyə müdafiə nazirlərinin, ardınca Rusiya, Türkiyə və İran xarici işlər nazirlərinin Moskva görüşləri bu dövlətlərin Suriya ilə bağlı müəyyən məsələlərdə birgə hərəkət etdiyini göstərir. BMT Təhlükəsizlik Şurasında qəbul edilmiş qərar münaqişədə yeni mərhələ sayıla bilər. Dekabrın 19-da keçirilən müzakirələr vaxtı BMT Təhlükəsizlik Şurasının bütün 15 üzvü yekdilliklə qətnamə layihəsinə səs verib. Buna əsasən müşahidəçilər Hələbdən evakuasiyalara nəzarət etməlidir. BMT baş katibi bildirib ki, əksəriyyəti Suriya vətəndaşı olan 100 nəfər hazır vəziyyətdə gözləyir: “Münasib şərait yaranan kimi, həmin qüvvələri Hələbdə yerləşdirə bilərik”. Hələbdə kütləvi qırğınların olduğunu bildirən Qərb bunda Rusiyanı ittiham edir. Görəsən, indiyə qədər Suriyada baş verən qırğınları niyə görmürdülər? BMT-nin qəbul etdiyi qərara əsasən Hələbə beynəlxalq müşahidəçilər göndəriləcək. Suriya hökuməti beynəlxalq müşahidəçiləri qəbul etməyə hazır olduğunu bəyan edib. Buna baxmayaraq, suriyalı siyasətçilər hesab edir ki, BMT müşahidəçilərinin işə qarışması münaqişənin daha da uzanmasından başqa, heç nəyə xidmət eməyəcək. Müşahidəçilərin tərkibinin necə olacağı məsələsi mübahisəlidir. Bildirilir ki, müxtəlif dövlətlərin xüsusi xidmət orqanlarının əməkdaşları müşahidəçi adı altında Suriyaya yerləşdirilə bilər. Suriya Kommunist partiyasının katibi Ammar Baqdaş “İzvestiya” nəşrinə açıqlamasında bildirib ki, rəsmi Dəməşq beynəlxalq müşahidəçilər missiyasının Hələbdə yerləşdirilməsinə razıdır və təhlükəsizliyə təminat verir: “Amma biz indiyə qədər yaşanan presedentlərə baxanda görürük ki, BMT belə vəziyyətlərdə çox vaxt daxili işə qarışmaqla məşğul olur. Digər məqam, BMT-nin vasitəçilik etdiyi münaqişələrin sonu bilinməyən müddət ərzində uzanmasıdır. Elə Kiprə bağlı vəziyyətə diqqət etmək kifayətdir. BMT 1964-cü ildən Kiprdə vasitəçilik edir, amma münaqişə həll olunmayıb. Suriyanın beynəlxalq missiyanı qəbul etməyə hazır olduğunu açıqlamasına baxmayaraq, İran bunun qəti əleyhinədir. Rəsmi Tehran hesab edir ki, Qərb dövlətləri bununla da xüsusi xidmət və hərbi orqanların əməkdaşlarını Hələbə yerləşdirəcək. Rusiyalı keçmiş diplomat və şərqşünas Vyaçeslav Matuzov hesab edir ki, beynəlxalq müşahidəçilər missiyasından başqa məqsədlər üçün istifadə edilə bilər: “Bəzi qüvvələr həmin missiyadan öz məqsədləri üçün istifadə edə bilərlər. Suriyaya göndəriləcək missiya BMT Təhlükəsizlik Şurasının mandatı əsasında fəaliyyət göstərməlidir. Hələ Suriya münaqişəsinin əvvəlində ölkədə BMT müşahidəçiləri fəaliyyət göstərib və bəzi müsbət işlər görüblər. Amma sonradan Qərb onları geri çağırdı. Suriyada Ərəb Dövlətləri Liqasının müşahidəçiləri də fəaliyyət göstərirdi, amma onları sonradan ölkədən çıxardılar”.
Anar Miriyev





 
Bölməyə aid digər xəbərlər
17.11.2017
İraq ordusu “İŞİD”-in nəzarətindəki son bölgə olan Ravanı geri alıb
17.11.2017
NATO baş katibi Türkiyədən üzr istəyib
17.11.2017
Zimbabvenin sabiq vitse-prezidenti keçid hökuməti formalaşdıracaq
17.11.2017
“Türkiyə S-400 alarsa, NATO texnologiyalarını əldə etməsi məhdudlaşdırılacaq”
17.11.2017
NATO təlimində Ərdoğan və Atatürkün fotoları hədəf kimi seçilib

Şərh əlavə olunmayıb



    ,    
Elvin Babayev 
Tural Tağıyev
Ümüd Səlimzadə
Ilkin Mustafayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 7718

1 Birinci vitse-prezidentə yeni köməkçi təyin edilib
2 Rostovda məhv edilən pomidorlar ermənilərə yaman yer eləyib
3 “Ukraynanın 7 vilayətində Azərbaycan məktəbi açmışıq”
4 İşə qəbul üzrə növbəti müsabiqə  
5 Bakı Atatürk Liseyində Ali Devrimin xatirəsinə həsr olunmuş tədbir keçirilib
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info