Görkəmli alim Maqsud Əliyev son mənzilə yola salınıb
Tarix: 26.12.2016 | Saat: 17:26:00 | E-mail | Çapa göndər
Dekabrın 26-da respublikamızın tanınmış alimi, Əməkdar Elm Xadimi, Azərbaycan Milli Elmlər Akademiyasının (AMEA) həqiqi üzvü, AMEA-nın Fizika-Riyaziyyat və Texnika Elmləri Bölməsi akademik-katibinin müavini, fizika-riyaziyyat elmləri doktoru, professor Maqsud Əliyev son mənzilə yola salınıb.
AZƏRTAC xəbər verir ki, vida mərasimində dövlət və hökumət rəsmiləri, Milli Məclisin deputatları, elm və mədəniyyət xadimləri, ziyalılar, ictimaiyyətin nümayəndələri iştirak ediblər.
Mərhumun cənazəsi AMEA-nın binasında matəmsayağı bəzədilmiş salonda postament üzərinə qoyulmuşdu.
Alimin tabutu önünə Azərbaycan Respublikasının Prezidenti adından əklil qoyulmuşdu.
Cənazənin ətrafına hökumət qurumları və müxtəlif kollektivlər adından da əklillər düzülmüşdü.
Salonda həzin matəm musiqisi səslənirdi.
Akademik Maqsud Əliyevin həmkarları, dostları, tanışları, tanınmış elm və mədəniyyət xadimləri axın-axın akademiyanın binasına gəlir, görkəmli alimə və gözəl insana son borclarını verirdilər.
Matəm mitinqini AMEA-nın prezidenti, akademik Akif Əlizadə açaraq Azərbaycan elmi ictimaiyyətinə ağır itki üz verdiyini bildirib.
Akademik A.Əlizadə ölkəmizdə fizika sahəsində mühüm xidmətləri olan görkəmli alim, akademik Maqsud Əliyevin səmərəli elmi fəaliyyətindən, Azərbaycan fizika elminin inkişafına verdiyi töhfələrdən söz açıb. Bildirilib ki, Böyük Vətən müharibəsi iştirakçısı Maqsud Əliyev 1950-ci illərdən fizika elmi üzrə ciddi tədqiqatlara başlayıb, bu sahədə uğurlu nəticələrə nail olub. 1969-cu ildə Azərbaycan Elmlər Akademiyasının müxbir üzvü, 1980-ci ildə həqiqi üzvü seçilib. Yarımkeçiricilər fizikasında öz məktəbini yaradan Maqsud Əliyev qazandığı nailiyyətlərə görə Əməkdar Elm Xadimi fəxri adına, Yusif Məmmədəliyev adına mükafata, həmçinin “Şöhrət” ordeninə layiq görülüb.
Diqqətə çatdırılıb ki, Maqsud Əliyev 400-dən çox elmi əsərin, 30 şəhadətnamə və patentin müəllifi, bir çox elmi şura və komissiyaların üzvü kimi ölkəmizdə intellektual və etik mədəniyyətin inkişafına dəyərli töhfələr verib. Tanınmış alim və pedaqoq, bacarıqlı elm təşkilatçısı və səmimi insan Maqsud Əliyevin zəngin elmi irsi daim yaşayacaq, xalqımıza, elmimizə xidmət edəcək, nəsillərdən-nəsillərə ötürüləcək.
Vida mərasimində AMEA-nın Fizika-Riyaziyyat və Texnika Elmləri Bölməsinin akademik-katibi vəzifəsini icra edən, akademiyanın müxbir üzvü Nazim Məmmədov, Bakı Dövlət Universitetinin rektoru, akademik Abel Məhərrəmov, akademik Bahadur Tağıyev, AMEA-nın müxbir üzvü Yusif Məmmədov alimlə bağlı xatirələrini bölüşüb, onun zəngin elmi fəaliyyətindən, yüksək mənəvi keyfiyyətlərindən danışıblar.
Mərhumun ailəsi adından çıxış edən Xanlar Həsənov alimin xatirəsinə göstərilən hörmət və ehtirama görə Prezident İlham Əliyevə dərin minnətdarlığını bildirib.
Sonra görkəmli alimin cənazəsi son mənzilə yola salınıb.
Mərhum II Fəxri xiyabanda torpağa tapşırılıb.
Allah rəhmət eləsin!


Mahmud




 
Bölməyə aid digər xəbərlər
23.05.2017
Azərbaycan “Dost Mədəniyyətləri Festivalı”nda təmsil olunub
22.05.2017
Fransaya aid əsərlər sərgilənəcək
22.05.2017
Almaniyada keçirilən festivalda Azərbaycan da təmsil olunub
22.05.2017
İstedadı sərhəd tanımayan rəssam
22.05.2017
II Beynəlxalq “Türk dünyasının ortaq dili – naxışlar” simpoziumu keçirilir

Şərh əlavə olunmayıb



    ,    
Flora Ələsgərova
Psixoloq Fərqanə Mehmanqızı
Mahmud Əyyub
Elsevər Məmmədov
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 6516

1 Diaspor üzvü “İgidlik və Cəsarət” Ordeni ilə təltif olunub
2 Ermənistanın diplomatik pasportunu daşıyan şəxs Çexiyada “qanuni oğru” məclisində həbs edilib
3 “Vətəndən kənarda yaşasaq da, ölkəmizin bir nümunəsi, siması sayılırıq”
4 “Niderlandlı iş adamlarının ölkəmizə sərmayə yatırmaq istəkləri var ”
5 Almaniyada keçirilən festivalda Azərbaycan da təmsil olunub
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info