Bakı Ali Neft Məktəbində görkəmli azərbaycanlı neftçi-geoloqun 85 illik yubileyi qeyd olunub
Tarix: 28.12.2016 | Saat: 14:28:00 | E-mail | Çapa göndər
Bakı Ali Neft Məktəbində (BANM) görkəmli azərbaycanlı neftçi-geoloq, Sosialist Əməyi Qəhrəmanı, geologiya-mineralogiya elmləri doktoru, Rusiya Elmlər Akademiyasının müxbir üzvü, ictimai xadim Fərman Salmanovun 85 illik yubileyinə həsr olunan konfrans keçirilib.
BANM-dən AZƏRTAC-a bildiriblər ki, konfransın keçirilməsinin əsas məqsədi tələbələri F.Salmanovun həyat və yaradıcılığı ilə tanış etmək və görkəmli neftçı alimin xatirəsini anmaqdır.
Tədbirdə BANM-in rektoru Elmar Qasımov elm və tədrislə yanaşı, tələbələrə neft-qaz, kimya sənayesi üzrə görkəmli alimlərin tanıdılmasının da vacibliyini vurğulayıb.
Konfransın əhəmiyyətindən söz açan SOCAR-ın geologiya və geofizika məsələləri üzrə vitse-prezidenti Bəhram Hüseynov və şirkətin birinci vitse-prezidentinin müşaviri Ələkbər Abasov bildiriblər ki, bütün həyatını neft-qaz yataqlarının işlənməsinə həsr etmiş F.Salmanovun adı dünya neft tarixində Qərbi Sibirin zəngin neft sərvətlərini ilk kəşf edən alimlərdən biri kimi daxil olub.
Ə.Abasov diqqətə çatdırıb ki, F.Salmanovun rəhbərliyi ilə Qərbi Sibirdə karbohidrogen ehtiyatları ilə zəngin yüzdən artıq irihəcmli yataq kəşf edilib və istismara verilib. Məhz həmin yataqların işlənməsi və istismarı hesabına keçmiş SSRİ dünyanın ən çox neft-qaz ixrac edən ölkələri sırasına çıxıb.
Sonra BANM-in ömürboyu təhsil fakültəsinin dekanı, professor Rəna Mustafayeva “Fərman Salmanovun həyat və fəaliyyəti hər bir azərbaycanlı gənc üçün nümunədir”, bu ali məktəbin neft-qaz mühəndisliyi ixtisasının tələbələri Elvin Həsənli və Rəşad Nəzərəliyev “Fərman Salmanov şəxsiyyəti gənclərin gözü ilə” mövzularında çıxış ediblər.
Daha sonra SOCAR-ın “Neftqazelmitədqiqatlayihə” institutu direktorunun neft-qaz yataqlarının işlənməsi üzrə müavini, geologiya-mineralogiya elmləri doktoru Əhməd Salmanov belə bir tədbirin təşkilinə və əmisi F.Salmanovun xatirəsinin BANM-də yüksək tutularaq gənc nəslə tanıdıldığına görə minnətdarlığını bildirib.
Sonda F.Salmanovun həyat və fəaliyyətinə həsr edilən sənədli film nümayiş olunub.

Mahmud




 
Bölməyə aid digər xəbərlər
24.04.2018
Ramiz Mehdiyev: “DİDK-da yol verilmiş nöqsanlar Fuad Muradovun rəhbərliyi ilə aradan qalxacaq”
24.04.2018
“Ermənilər Azərbaycana uğurlu ölkə kimi baxırlar”
24.04.2018
Elmin İnkişafı Fondu ilə “Elsevier” arasında əməkdaşlıq haqqında memorandum imzalanıb
24.04.2018
Bakı Ali Neft Məktəbi SOCAR-ın III Beynəlxalq Forumunu keçirir
24.04.2018
“Peşə təhsili haqqında” yeni qanun layihəsi qəbul edilib

Şərh əlavə olunmayıb



    ,    
Fuad HÜSEYNZADƏ
Tural Tağıyev
Elşad QOCA
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9085

1 Qazaxıstandakı azərbaycanlı general-mayor təltif olunub
2 İlham Əliyevin andiçmə mərasimi olub
3 Yaponiyada Azərbaycan məhsullarına böyük maraq var
4 Kəskin bağırsaq infeksiyaları ilə necə mübarizə aparmaq olar?
5 “Mossad”ın keçmiş şefi: “Ərəb baharı”na kimi kəşfiyyat orqanları sosial şəbəkələrə o qədər də böyük önəm vermirdi”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info