Azərbaycan və Rusiya Ombudsmanları arasında saziş imzalanıb
Tarix: 28.12.2016 | Saat: 15:19:00 | E-mail | Çapa göndər
Bakıda "Multikulturalizm və insan hüquqları: bərabərlik, əməkdaşlıq, inkişaf" mövzusunda konfrans keçirilib.
 
Konfrans Azərbaycanın müstəqilliyinin 25 illiyinə, Azərbaycanda "Multikulturalizm ili"nə və Ombudsman haqda Konstitusiya Qanununun qəbul olunması ilə ilk Ombudsman təsisatının yaradılmasının 15 illiyinə həsr olunub. Tədbirdə Ombudsman Elmira Süleymanova hesabat xarakterli məruzə ilə çıxış edib. O, 15 ildə görülən işlər haqda məlumat verib.
 
Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov bildirib ki, multikulturalizmin Azərbaycan modeli dünyada öyrənilir.
 
Ə. Həsənov Dağlıq Qarabağ münaqişəsi ilə bağlı da çıxış edib. O qeyd edib ki, bəzi beynəlxalq təşkilatlar Dağlıq Qarabağ münaqişəsini dondurmağa çalışır: "Azərbaycan buna imkan verməyəcək, işğal faktı ilə barışmayacaq. Beynəlxalq təşkilatlar münaqişə ilə bağlı qərarlar qəbul edib, lakin münaqişə hələ də həllini tapmayıb. Sual olunur, biz qoşulduğumuz hansı konvensiyanı icra etməmişik? Biz kimin torpağını işğal etmişik? İndiyə kimi Azərbaycan dövləti qaçqın və məcburi köçkünlərin saxlanmasına 6,2 milyard manat vəsait xərcləyib".
 
Rusiyanın İnsan Hüquqları üzrə Müvəkkili Tatyana Moskalkova bildirib ki, son 15 ildə Azərbaycan insan hüquqları sahəsində bır sıra uğurlar qazanıb: "Azərbaycanda insan hüquqları sahəsində inkişaf göz önündədir".
 
Rusiya ombudsmanı qeyd edib ki, Azərbaycanda müxtəlif dini konfenssiyalar və milli azlıqlar bərabər hüquqlu vətəndaş kimi yaşamaqdadırlar.
 
T. Moskalkova onu da bildirib ki, Azərbaycan prezidenti İlham Əliyevin rəhbərliyi altında Azərbaycan iqtisadi-siyasi sahədə ciddi nailiyyətlər əldə edib.
 
Ailə, Qadın və Uşaq Problemləri üzrə Dövlət Komitəsinin sədri Hicran Hüseynova deyib ki, E. Süleymanova həyatını xalqa, vətənə həsr edib.
 
Mədəniyyət və turizm naziri Əbülfəz Qarayev bildirib ki, Ombudsman bu 15 ildə çox səmərəli fəaliyyət göstərib.
 
Tədbirdə Azərbaycan və Rusiya Ombudsmanları arasında iki tərəfli əməkdaşlıq sazişi imzalanıb. Sənədi Azərbaycanın İnsan Hüquqları üzrə Müvəkkili Elmira Süleymanova və Rusiyanın İnsan Hüquqları üzrə Müvəkkili Tatyana Moskalkova imzalayıblar.


Tural




 
Bölməyə aid digər xəbərlər
16.10.2017
Naxçıvan Muxtar Respublikası Ali Məclisində müşavirə keçirilib
16.10.2017
“Azərbaycan-Türkiyə münasibətləri” II Beynəlxalq elmi konfransı başa çatıb
16.10.2017
İsa Həbibbəyli: “Ziya Bünyadov şərqşünaslıq və tarix elmində özünəməxsus məktəb yaradıb”
16.10.2017
“Xaricdə təhsil alanların bir çoxu artıq qayıdaraq dövlət və özəl sektorda öz xidmətlərini göstərirlər”
16.10.2017
“İnsan alverinə qarşı mübarizə ilə bağlı Azərbaycan bir çox dövlətlərə örnək olmalıdır“

Şərh əlavə olunmayıb



    ,    
Ilkin Mustafayev
Fuad HÜSEYNZADƏ
Elsevər Məmmədov
Cavadxan QASIMOV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 7502

1 Özbəkistanda yaşayan azərbaycanlı güləşçi 3-cü dəfə dünya çempionu olub
2 “Diaspor təşkilatları Qarabağ münaqişəsinin təbliğində yeni üsullardan istifadə etməlidirlər”
3 Yeni ictimai birlik fəaliyyətə başlayıb
4 Təşəbbüskarı İlham Əliyev olan Bakı-Tbilisi-Qars dəmir yolu layihəsi reallaşdı
5 “Zavod və fabriklərin rayonlarda da açılması universitetlərin məsuliyyətini daha da artırır”
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info