Naxçıvan Dövlət Universitetində tələbələrin əl işlərindən ibarət sərgi açılıb
Tarix: 29.12.2016 | Saat: 11:06:00 | E-mail | Çapa göndər


Naxçıvan Dövlət Universitetində (NDU) təsviri incəsənət müəllimliyi ixtisası tələbələrinin əsərlərindən ibarət sərgi təşkil olunub.

NDU-nun mətbuat şöbəsindən AZƏRTAC-a bildirilib ki, təsviri incəsənət kafedrasının müdiri, Xalq Rəssamı Hüseynqulu Əliyev 31 Dekabr - Dünya Azərbaycanlılarının Həmrəylik Günü və Yeni il münasibətilə təşkil olunan sərgi haqqında ətraflı məlumat verib. Bildirilib ki, burada əvvəlki sərgilərdən fərqli olaraq dekorativ tətbiqi sənət nümunələri üstünlük təşkil edir. Xalq Rəssamı sərginin sona çatmaqda olan 2016-cı ildə kafedranın qazandığı sənət uğurlarını, tələbə-rəssamların yaradıcılıqlarını nümayiş etdirdiyini diqqətə çatdırıb.

Naxçıvan Dövlət Universitetinin rektoru, AMEA-nın müxbir üzvü Saleh Məhərrəmov çıxış edərək 2016-cı ilin universitet üçün müxtəlif sahələrdə olduğu kimi, incəsənət sahəsində də uğurlu olduğunu vurğulayıb. Qeyd olunub ki, Dünya Azərbaycanlılarının Həmrəylik Gününün tarixi-siyasi mahiyyətinin, milli birlik, vətənpərvərlik ideyalarının tərənnümündə təsviri sənət nümunələri bədii-estetik, ideoloji baxımdan özünəməxsus əhəmiyyət daşıyır.

Təsviri incəsənət müəllimliyi ixtisasının IV kurs tələbəsi Vüsalə Musayeva yaradıcılıqlarına göstərilən diqqət və qayğıya görə tələbə yoldaşları adından minnətdarlıq edib.

Sonra sərgiyə baxış olub. Sərgidə dekorativ tətbiqi sənət, rəngkarlıq, qrafika növünə aid əsərlər, mənzərə, plakat janrlarında müxtəlif mövzularda əl işləri nümayiş olunub. Tələbələrdən Vüsalə Musayeva, Gülnar Mahmudova, Aysel Süleymanova, Seymur Məmmədzadə, Fidan İbrahimova və başqalarının vitraj, mozaika və digər növlərə məxsus, Azərbaycan xalqının milli həmrəyliyini, Yeni il simvol və personajlarını müxtəlif üslub və formatda təsvir edən əsərləri sərgi iştirakçıları tərəfindən maraqla qarşılanıb.

Sərginin nümayişi bayram günlərində də davam edəcək.

Mahmud




 
Bölməyə aid digər xəbərlər
15.08.2018
Naxçıvanda yeddi ayda 248 milyon 423 min kilovat-saatdan çox elektrik enerjisi istehsal edilib
15.08.2018
Masallıda məhsul yığımı ilə yanaşı sahələrdə yay şumu da aparılır
14.08.2018
İsmayıllıda 61 ton bal istehsal edilib
14.08.2018
Şimal bölgəsində 21 məktəb üçün modul tipli bina quraşdırılır
14.08.2018
Xəzər sahili zonasında reydlər davam etdirilir

Şərh əlavə olunmayıb



    ,    
Namiq Əliyev
Tural Tağıyev
Ülviyyə Həsənzadə
İsa Həbibbəyli
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9863

1 DSX rəisi at çapan qızla görüşüb
2 Karen Veranyan: “İrana qarşı yeni sanksiyalar Ermənistan iqtisadiyyatına ağır zərbə vuracaq”
3 “Hər yaşa uyğun uşaq intellektual oyunları və videolar hazırlamışıq”
4 “Azərbaycan qadınları cəmiyyətdəki aktual problemlərin həllindən kənarda qalmırlar”
5 ABŞ saytında azərbaycanlı rəssamın müsahibəsi dərc olunub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info