Ağdamdakı subartezian quyuları 735 hektar sahənin suvarılmasını təmin edəcək
Tarix: 05.01.2017 | Saat: 11:53:00 | E-mail | Çapa göndər
Ərazisinin 77,4 faizinin Ermənistan silahlı qüvvələri tərəfindən işğal edilməsi nəticəsində Ağdam rayonunun təbii su mənbələri işğal altında qalıb. Rayonun 10 min hektar əkin sahəsi mənbəyini Sərsəng su anbarından götürən kanallar vasitəsilə suvarılırdı. Su anbarının işğal altında olması da əkinlərin suvarma suyu ilə təminatında çətinliklər yaradıb. Buna baxmayaraq, rayonun işğal altında olmayan ərazilərindəki əkin sahələrinin suvarma suyuna olan tələbatının ödənilməsi üçün ardıcıl tədbirlər görülür, hər il yeni subartezian quyuları istifadəyə verilir.
Ağdam mexaniki suvarma idarəsinin rəisi Hafiz Əzimzadə AZƏRTAC-a bildirib ki, rayonun 35,3 min hektar əkin sahəsi 816 ədəd subartezian quyusu, 4 nasos stansiyası, 11 kəhriz, 365 kilometr suvarma kanalı, 46,6 kilometr kollektor-drenaj şəbəkəsi vasitəsilə suvarılır. Rayon əhalisinin suvarma suyu ilə təminatının yaxşılaşdırılması məqsədilə son 5 ildə 105 yeni subartezian quyusu qazılaraq istifadəyə verilib.
2016-cı ildə rayon ərazisində 21 ədəd, o cümlədən Prezident İlham Əliyevin “Əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə tədbirlər haqqında” Sərəncamına əsasən, 18 ədəd yeni subartezian quyusu qazılıb. Yeni subartezian quyularının istifadəyə verilməsi ilə rayonun 735 hektar əkin sahəsi suvarma suyu ilə təmin ediləcək.
Dövlətimizin başçısının “Ağdam rayonunun sosial-iqtisadi inkişafının sürətləndirilməsinə dair əlavə tədbirlər haqqında” 2016-cı il 7 dekabr tarixli Sərəncamına əsasən, cari ildə rayonun 15 yaşayış məntəqəsində 30 subartezian quyusu qazılacaq.
Mahmud




 
Bölməyə aid digər xəbərlər
25.04.2018
“Sahibkarlar tikinti prosedurlarının sadələşməsindən razıdırlar”
25.04.2018
Təhsil naziri: “İslahatların dərinləşməsi əsas istiqamət olacaq“
25.04.2018
Tahir Mirkişili: “Sənaye məhəllələrində yüksək texnologiyaların tətbiqi regionlarda iqtisadiyyatın inkişafında mühüm rol oynayır”
25.04.2018
Vergiödəyiciləri ilə 75 görüş keçirilib, 10173 ünvanlı xidmət göstərilib
25.04.2018
“Türk Hava Yolları” şirkəti “Troya” tematik təyyarəsini təqdim edib

Şərh əlavə olunmayıb



    ,    
Fuad HÜSEYNZADƏ
Tural Tağıyev
Elşad QOCA
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9093

1 Yaponiyada Azərbaycan məhsullarına böyük maraq var
2 TADF erməni hərbçilərinin təmas xəttində törətdiyi təxribatı pisləyib
3 Ermənistanın ifşası üçün növbəti geopolitik həmlə...
4 Rusiyalı və Azərbaycanlı Tarixçilərin Assosiasiyası yaradılacaq
5 Nazirlər Kabinetində boş qalmış vəzifələrə təyinatlar olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info