Geomaqnit həyəcanlaşması davam edir
Tarix: 05.01.2017 | Saat: 15:50:00 | E-mail | Çapa göndər
Hər zaman sürprizlərlə dolu olan Günəşin səthində bu gün ləkə və fəallıq qrupları müşahidə edilmir, alışma fəallığı sıfır səviyyəsindədir, lakin geomaqnit fəallığı kifayət qədər yüksəkdir. Budəfəki həyəcanlaşmanın (gözlənilən qasırğanın) səbəbi isə Günəş səthində hazırda mövcud olan və uzunsov gölə bənzər “tac dəliyi”ndən başlanğıcını götürən yüksək sürətli Günəş plazma küləyinin təsiridir (“tac dəlikləri”, demək olar ki, açıq maqnit qüvvə xətləri olan sahələrdir. Buradan yüklü zərrəciklər Günəş tacını asanlıqla tərk edir və sürətlə planetlərarası fəzaya, o cümlədən, Yerə doğru yönəlir). Təsirlər yanvarın 4-dən başlanıb, yanvarın 5-də və 6-da da hiss olunacaq.
Bunu AZƏRTAC-a Azərbaycan Milli Elmlər Akademiyasının (AMEA) N. Tusi adına Şamaxı Astrofizika Rəsədxanası direktorunun elmi işlər üzrə müavini Elçin Babayev bildirib.
E.Babayev qeyd edib ki, hazırda əsas geomaqnit indekslərindən biri olan Kp-nin qiyməti 2-dir (maksimum 9 olur). Bu isə zəif həyəcanlaşma deməkdir (dünən Kp indeksi artıq 4-ə çatmışdı). Lakin gün ərzində geomaqnit həyəcanlaşmasının dəyişəcəyi gözlənilir, hətta G1 sinfinə məxsus zəif səviyyəli geomaqnit qasırğası belə proqnozlaşdırılır. Qasırğanın baş verməsi isə fiziki şəraitdən asılı olacaq: planetlərarası maqnit sahəsinin “z komponenti”cənub istiqamətini göstərərsə, həyəcanlaşma daha da güclənəcək. Bu halda yüklü plazma zərrəciklərinin Yerin maqnitosferinə asan daxil olması üçün əlverişli fiziki şərait yaranır. Geomaqnit vəziyyətin nə qədər gərgin olacağı isə planetlərarası maqnit sahəsinin istiqaməti ilə yanaşı, Günəş plazma küləyinin sürətindən də asılı olacaq (bu sürət artıq 510 km/san-ni keçib).
Gözlənilən qasırğa baş verəcəyi təqdirdə yuxarı en dairələrində (60 dərəcə geomaqnit en dairəsindən qütbə doğru) daha təsirli olacaq, hətta qütb parıltıları (“Aurora Borealis”) müşahidə olunacaq, magistral elektrik verilişi sistemlərinə kiçik fluktuasiyalar şəklində təsirlər gözlənilir. Bizim yerləşdiyimiz orta coğrafi en dairələri üçün təsirin orta və ya zəif olması gözlənilir. Atmosfer təzyiqi də hazırda norma ətrafındadır.
Sağlam insanlar üçün heç bir narahatlığa səbəb yoxdur, lakin qış risk qrupuna daxil olan insanlar üçün artmış diskomfort yarana bilər, bu, xroniki xəstələr (xüsusilə də, ürək-qan-damar xəstəlikəri olan insanlar), ahıl insanlar və azyaşlılarda özünü bir az qabarıq şəkildə büruzə verəcək. Həkim məsləhəti əsasında profilaktik tədbirlərin görülməsi faydalı ola bilər.
Mahmud




 
Bölməyə aid digər xəbərlər
23.06.2017
Ayaqlar üçün vanna
23.06.2017
2 yaşlı “maqnit uşaq” hamını təəccübləndirir
23.06.2017
Məşhur viruslar dünya təşkilatlarının dörddə birinə hücum edib
23.06.2017
Gözdə olan itdirsəyi necə müalicə edilir?
22.06.2017
Formula-1 pilotları Azərbaycan Avtomobil Federasiyasının klassik avtomobilləri ilə

Şərh əlavə olunmayıb



    ,    
Ülvi Hüseynli
Mübariz Nuriyev
Şəmsi Gülverdi
Aysel İbrahimova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 6790

1 BANM-in dekanı: “BANM öz tələbələrinin gələcək karyera imkanlarına böyük əhəmiyyət verir”
2 Azərbaycanda etnik, dini dözümlülük mühiti tarixi ənənələrdən bəhrələnən milli siyasətin nəticəsidir
3 “Uşaqların sevgisi məni bu ucqar kənd məktəbinə bağladı”
4 “Ruhuma daha yaxını müəllimlikdir”
5 Qurtuluş dastanından Əlincə zirvəsinə
23.06 15:08 Ayaqlar üçün vanna
23.06 12:00 Formula 2 başladı
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info