İnsan Alveri Qurbanlarına Yardım Mərkəzi 93 nəfərə yardım göstərib
Tarix: 05.01.2017 | Saat: 16:47:00 | E-mail | Çapa göndər
Əmək və Əhalinin Sosial Müdafiəsi Nazirliyinin İnsan Alveri Qurbanlarına Yardım Mərkəzi 2016-cı ildə 93 nəfərə müxtəlif növ yardımların göstərilməsini təmin edib.
Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən verilən məlumata görə, həmin şəxslərdən 63 nəfəri Daxili İşlər Nazirliyinin İnsan Alverinə Qarşı Mübarizə Baş İdarəsi tərəfindən Mərkəzə yönləndirilmiş insan alveri qurbanları, qalan 30 nəfəri isə potensial insan alveri qurbanları (insan alveri təhlükəsi ilə üzləşmək riski olan şəxslər) olub.
Onların bir çoxuna mövcud vəziyyətləri və ehtiyacları nəzərə alınmaqla və ehtiyaclarına uyğun olaraq eyni vaxtda bir neçə növdə yardımlar göstərilib, sosial reabilitasiya olunmaları üçün aidiyyəti tədbirlər görülüb. Ümumilikdə 41 nəfərə hüquqi, 46 nəfərə psixoloji, 22 nəfərə tibbi yardım göstərilməsi təmin olunub. 15 nəfərin yeni peşələrə yiyələnərək əmək bazarına çıxış imkanları əldə etmələri, 33 nəfərin münasib iş yerləri ilə təmin olunmaları üçün Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti ilə birgə müvafiq işlər aparılıb. Görülən tədbirlər nəticəsində insan alveri qurbanlarının əksəriyyətinin sosial reabilitasiyasına nail olunmaqla, müvafiq şəxslərin insan alverinin qurbanına çevrilmək riski aradan qaldırılıb. Hazırda hər iki qrupdan olan insanların bir qismi ilə işlər davam etdirilir.
Azərbaycan Respublikası Prezidentinin 2014-cü il 24 iyul tarixli 667 nömrəli Sərəncamı ilə təsdiq olunmuş “Azərbaycan Respublikasında insan alverinə qarşı mübarizəyə dair 2014-2018-ci illər üçün Milli Fəaliyyət Planı”na əsasən ötən il insan alveri ilə bağlı ictimai məlumatlılığın artırılması məqsədilə müxtəlif formalarda maarifləndirmə tədbirləri də həyata keçirilib. Mərkəz tərəfindən ölkəmizin regionlarındakı peşə məktəbi və liseylərdə, gənclər və idman idarələrində, qadınlar və yetkinlik yaşına çatmayanlar üçün cəzaçəkmə müəssisələrində “İnsan alverinə qarşı mübarizə” mövzusunda maarifləndirici tədbirlər təşkil olunub. Bu tədbirlərdə insan alveri anlayışı, onun növləri, insan alveri ilə mübarizə formaları, insanların hansı hallarda insan alveri qurbanına çevrilmək riski ilə üzləşdikləri və belə hallardan qorunmaq yolları və s. barədə məlumatlar verilib. İştirakçılara mövzu ilə əlaqədar maarifləndirici buklet və kitabçalar, aidiyyəti mövzuda disklər paylanıb, sualları cavablandırılıb.

Tural




 
Bölməyə aid digər xəbərlər
26.04.2017
Əli İnsanova 8 illik həbs istənilib
26.04.2017
Botanika İnstitutu “Elm və təhsil arasında əlaqə” proqramını həyata keçirir
26.04.2017
Məşhəddə “İslam dünyasında sosial siyasət və ailə: tələblər və ehtiyaclar” mövzusunda iclas keçiriləcək
26.04.2017
Şəhid olmuş azərbaycanlıların adları əbədiləşdirilib
26.04.2017
“Son dövrlərdə işəgötürənlər nəzarət sistemini nəzərə almır”

Şərh əlavə olunmayıb



    ,    
Mahmud Əyyub
Elsevər Məmmədov
Rauf Qərib Alagöz
Aysel İbrahimova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 6271

1 Biznesmen diaspor üzvlərindən təkliflər var
2 Albert Aqarunovun xatirəsinə həsr olunan Karate–Do üzrə çempionat keçirilib
3 ABŞ-dakı azərbaycanlı şagird yaşlı diaspor üzvlərinə çağırış etdi
4 İctimai səhiyyə üzrə bakalavr təhsili alan ilk azərbaycanlı
5 “Rumıniyada ermənilərin bizim əleyhimizə hansısa ciddi işlər görməsinə şərait yaradılmayıb”
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info