Əlillər 30 mindən çox protez-ortopedik məmulatla təmin ediliblər
Tarix: 06.01.2017 | Saat: 20:45:00 | E-mail | Çapa göndər
Əmək və Əhalinin Sosial Müdafiəsi Nazirliyinin Protez-Ortopedik Bərpa Mərkəzi, onun Gəncə şəhərindəki filialı və Naxçıvan istehsalat sahəsi tərəfindən 2016-cı ildə 15 296 nəfər əlilliyi olan şəxsə protez-ortopedik bərpa xidmətləri göstərilib.
Nazirliyin İctimaiyyətlə əlaqələr şöbəsindən verilən məlumata görə, onlardan 1 723 nəfəri ölkəmizin ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş şəxslər olub.
Bu dövrdə əlilliyi olan şəxslərə 1 124 ədəd əlil arabası, 665 ədəd eşitmə aparatı, 1 098 ədəd aşağı və yuxarı ətraf protezi, 1 336 ədəd aşağı və yuxarı ətraf ortezi, 758 ədəd bel və boyun nahiyəsi üçün korset, 2 462 ədəd dirsəkaltı və qoltuqaltı ağac, 840 ədəd dördayaqlı dayaq vasitəsi verilib. Əlilliyi olan insanlar həmçinin 2 317 ədəd əsa, 3 173 cüt protez ayaqqabı, 4846 cüt ortopedik ayaqqabı, 8 796 ədəd müxtəlif yardımçı reabilitasiya vasitəsi və s. ilə təmin olunublar. Ümumilikdə ötən il əlilliyi olan şəxslərin dayaq-hərəkət sisteminin itirilmiş funksiyalarının bərpası məqsədilə onlara 32 764 protez-ortopedik məmulat və reabilitasiya vasitəsi verilib.
Protez-Ortopedik Bərpa Mərkəzinin və onun Gəncə şəhərindəki filialının stasionar bölmələrində onurğa sütunu zədələnmiş əlilliyi olan şəxslərin reabilitasiyası, serebral iflicin fəsadlarının, anadangəlmə bir sıra qüsur və deformasiyaların aradan qaldırılması, amputasiya edilmiş şəxslərin protezləşməyə hazırlanması və s. istiqamətlərdə bərpa xidmətləri göstərilir. Ötən il həmin bölmələrdə 698 nəfər əlilliyi olan şəxs müvafiq xidmətlərlə təmin edilib.
Mərkəzin mütəxəssislərindən ibarət tibbi-texniki briqada tərəfindən respublikamızın rayon və şəhərlərində səyyar formada protez-ortopedik bərpa xidmətləri həyata keçirilir. Bu istiqamətdə işlərin davamı olaraq, ötən il ölkəmizin bölgələrində 1000 nəfərə yaxın əlilliyi olan şəxsə (o cümlədən ölkəmizin ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş 218 nəfər şəxsə) yaşadıqları rayon və ya şəhərdə səyyar formada aidiyyəti xidmətlər göstərilib.
Tural




 
Bölməyə aid digər xəbərlər
25.07.2017
Hövsanda “Xəyal Adası” yaşayış kompleksi salınır
25.07.2017
Göyçayda altı yaşayış məntəqəsini birləşdirən yol
25.07.2017
Sağlamlıq imkanları məhdud uşaqlar ziyarət olunub
25.07.2017
11,2 min tənha ahıl və əlilliyi olan şəxs evlərində sosial xidmətlərlə təmin edilirlər
25.07.2017
Rusiya səfirliyi: “Azərbaycan məhkəməsinin qərarını şərh etmək hüququmuz yoxdur”

Şərh əlavə olunmayıb



    ,    
Elsevər Məmmədov
Cavadxan QASIMOV
Nigar Abdullayeva
Elsevər Məmmədov
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 6997

1 İki min müəllim birbaşa müsahibə mərhələsinə buraxılacaq
2 “20 illik kirayənişin həyatımıza son qoyuldu...”
3 Vakant müəllim yerlərinin yekun sayı açıqlanıb
4 “Prezidentlərin Soçi görüşü Azərbaycanın bölgədəki nüfuzunu bir daha göstərdi”
5 ADPU-da rəqabət mühiti yaradan, stimullaşdırma və karyera inkişafını nəzərdə tutan layihə uğurla başa çatdı
25.07 15:05 Dollar ucuzlaşıb
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info