ABŞ Avropadakı hərbi gücünü artırır
Tarix: 10.01.2017 | Saat: 20:15:00 | E-mail | Çapa göndər
Tanklar, raketdən müdafiə sistemləri və hərbi aviasiya Rusiya sərhədləri yaxınlığında cəmləşdirilir

Rusiya sərhədləri yaxınlığında ABŞ tankları, raketdən müdafiə sistemləri və hərbi aviasiyası cəmləşməkdədir. Ağır tank briqadasının ABŞ-dan Avropaya transfer edilməsi bəzi KİV-lərdə üçüncü dünya müharibəsinin labüdlüyü ilə əlaqələndirilir.
ABŞ Silahlı Qüvvələrinin Avropa Komandanlığının rəhbəri general-leytenant Tim Rey baş verənlərə münasibət bildirərkən deyib ki, ABŞ-dan zirehli texnika və əsgərlərin Almaniyaya gətirilməsi Rusiya tərəfindən gözlənilən təhlükə və müttəfiqlərin ərazi bütövlüyünün təmin edilməsi ilə bağlıdır. Qeyd edək ki, ABŞ-ın bu addımına Qərb mətbuatı da böyük dəstək verməkdədir. KİV-lər yeni dünya müharibəsinin qaçılmaz olduğunu qeyd edirlər. Keçirilən son sorğuya əsasən, ingilislərin 71, amerikalıların isə 59 faizi Rusiyanı real təhlükə, növbəti müharibəyə start verə biləcək bir ölkə kimi qəbul edir. Əslində, bunun həqiqətə uyğunluğu da sual altındadır. Artıq bəzi Avropa ölkələrində ABŞ-ın hərbi qüvvə və texnikasının Almaniyaya transfer edilməsi ilə bağlı etirazlar müşahidə edilməkdədir. Hətta Almaniyanın özündə, ABŞ-dan gətirilən hərbi texnikanı qəbul edən Bremerxafen liman şəhərində də yerli əhali tərəfindən narazılıq müşahidə edilməkdədir. Lakin Polşa, Baltikyanı ölkələr, həmçinin Rumıniya və Bolqarıstan, ümumiyyətlə, ABŞ-dan gətiriləcək hərbi texnikanın yerləşdiriləcəyi ölkələr daha çox qonaqpərvərlik nümayiş etdirirlər. Xatırladaq ki, NATO-nun ötən ilin iyulunda keçirilən sammitində Varşava öz ərazisində beynəlxalq tank briqadası qərargahının yerləşdirilməsinin təşəbbüskarı kimi çıxış etmişdi. Polşa ərazisində tank briqadası ilə yanaşı, hərbi briqada və bu qüvvələrə dəstək olacaq hava qüvvələrinin də yerləşdiriləcəyi planlaşdırılır. ABŞ-ın Avropadakı quru qoşunlarının komandanı Ben Xodjes qeyd edib ki, hərbi qüvvələrin yerləşdirilməsi fevralın ortalarında başa çatacaq və bundan sonra digər proseslər başlanacaq. Onun sözlərinə görə, Rusiya ilə razılaşmaya görə, NATO-nun Şərqi Avropada daimi əsaslarla əlavə qoşun saxlamaq səlahiyyəti yoxdur. Lakin rotasiya qaydasında yerdəyişmələr ola bilər . Ona görə də Rusiya sərhədində təlim keçən hərbçilər 8-9 aydan sonra başqa hərbçilərlə əvəzlənəcək. Təbii ki, Moskva baş verənləri müşahidəçi kimi izləmək niyyətində deyil, Rusiya prezidenti Vladimir Putin də ötən ilin dekabrında Rusiya Müdafiə Nazirliyinin kollegiya iclasında dünyada qüvvələri balansındakı dəyişiklikləri dəqiq izləmək barədə göstəriş vermişdi. Federasiya Şurası komitəsinin sədri Frans Klinçeviç Avropanı barıt çəlləyinə bənzədərək deyib ki, Rusiyanın öz təhlükəsizliyini təmin edə biləcəyinə heç kəsin şübhəsi olmasın.
Ağasəf Babayev




 
Bölməyə aid digər xəbərlər
17.08.2017
Rusiyada dinozavr və mamont qalıqları aşkarlanıb
16.08.2017
ABŞ-ın Mərkəzi Asiya planı: Pentaqon Düşənbədə hərbi baza yaratmaq istəyir
16.08.2017
Rusiyanın Xəzər donanması həyəcan siqnalı ilə qaldırılıb
16.08.2017
Ermənistan yanğının qarşısını ala bilmir
15.08.2017
Ermənistan əsgəri intihar edib

Şərh əlavə olunmayıb



    ,    
Fuad HÜSEYNZADƏ
Elsevər Məmmədov
Cavadxan QASIMOV
Nigar Abdullayeva
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 7133

1 Gürcüstandakı gənclərimiz film çəkiblər
2 “Əcnəbilərə əvvəlcə mədəniyyətimiz tanıdılmalı, sonra Qarabağ həqiqətləri təbliğ edilməlidir”
3 Ən gənc professor Prezidentə təşəkkür ünvanladı
4 Mədəniyyət obyektlərinin tikintisinə vəsait ayrıldı
5 Gənclərimiz Azərbaycanın Mərakeş Krallığındakı səfirliyində olublar
17.08 11:56 Neftimiz bahalaşıb
16.08 19:46 Xurma ixracı artacaq
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info