Bakının daha iki küçəsi yeni görkəmdə sürücülərin ixtiyarına verilib
Tarix: 11.01.2017 | Saat: 12:00:00 | E-mail | Çapa göndər
Binəqədi rayonu ərazisindəki Cəfər Xəndan küçəsinin bir hissəsində və Nərimanov rayonu, Nəcəf Nərimanov küçəsində təmir işləri yekunlaşdırılıb.
Təmir işləri avtonəqliyyat vasitələrinin və piyadaların rahat, maneəsiz və təhlükəsiz şəkildə hərəkətini təmin etmək istiqamətində kompleks tədbirlər çərçivəsində “Azəravtoyol” ASC tərəfindən aparılıb.
ASC-nin mətbuat xidmətindən bildirilib ki, sözügedən küçələrdə yeni yeraltı kommunikasiya xətləri çəkilib, yolun hərəkət hissəsindən səth sularının normal kənarlaşdırılmasını təmin etmək məqsədilə mövcud yağış-kanalizasiya xətləri işlək vəziyyətə salınıb, zəruri olan yerlərdə yeniləri çəkilərək yağış barmaqlıqları qoyulub.
Qeyd olunub ki, uzunluğu 630 metr, eni isə 10 metr təşkil edən Nəcəf Nərimanov küçəsində aparılan təmir işləri zamanı yolun köhnə asfalt-beton örtüyünün üst qatı frezlənərək ərazidən daşınıb, bunun əvəzinə küçənin 6 min kvadratmetrdən çox sahəsinə ikiqat olmaqla yeni asfalt-beton örtüyü döşənib.
Həmçinin küçənin təmir olunan hissəsində mövcud piyada səkiləri bərpa olunub və yeniləri tikilərək asfaltlanıb. Piyada səkilərinin kənarlarına 1200 poqonmetr yeni səki daşları düzülüb.
Binəqədi rayonu, Cəfər Xəndan küçəsində isə təmir işləri Şövkət Məmmədova və İbrahimpaşa Dadaşov küçələri arasında yerləşən eni 16 metr, uzunluğu 350 metr olan hissədə görülüb. Burada da köhnə asfalt-beton örtük ikiqat olmaqla yenisi ilə əvəzlənib, mövcud piyada səkiləri isə bərpa edilib.
Ümumilikdə küçənin sözügedən hissəsində 5500 kvadratmetr sahəyə yeni asfalt-beton örtük salınıb, piyada səkilərinin kənarlarına isə 700 poqonmetr yeni səki daşları düzülüb.
Təmir işləri zamanı hər iki küçədə hərəkətin normal təşkili üçün zəruri yol nişanları, yol-cizgi və yolgöstərici xətlərlə təmin edilib.
Xatırladaq ki, bundan öncə Cəfər Xəndan küçəsinin Azadlıq prospekti ilə Qəzənfər Musabəyov küçəsi arasında yerləşən 700 metrlik, həmçinin Əhməd Rəcəbli və Şövkət Məmmədova küçələri arasında yerləşən 750 metrlik hisslərində təmir işləri yekunlaşdırılıb. Növbəti mərhələdə küçənin İbrahimpaşa Dadaşov və Azadlıq prospekti arasında yerləşən 550 metrlik hissəsinin təmir edilməsi nəzərdə tutulub.
Tural




 
Bölməyə aid digər xəbərlər
23.06.2017
Pensiya təminatı sistemində yeni Tvinninq layihəsi
23.06.2017
Goranboyda istehlakçı hüquqlarına dair konfrans
23.06.2017
İqtisadiyyat naziri Qaxda vətəndaşların müraciətlərini dinləyib
23.06.2017
İxrac mallarına görə vəsaitləri ölkəyə gətirməyənlər üçün “qırmızı kanal” sistemi tətbiq olunacaq
23.06.2017
“Buta Airways”in biletlərinin qiyməti 29 avrodan başlayacaq

Şərh əlavə olunmayıb



    ,    
Ülvi Hüseynli
Mübariz Nuriyev
Şəmsi Gülverdi
Aysel İbrahimova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 6788

1 BANM-in dekanı: “BANM öz tələbələrinin gələcək karyera imkanlarına böyük əhəmiyyət verir”
2 Azərbaycanda etnik, dini dözümlülük mühiti tarixi ənənələrdən bəhrələnən milli siyasətin nəticəsidir
3 “Uşaqların sevgisi məni bu ucqar kənd məktəbinə bağladı”
4 “Ruhuma daha yaxını müəllimlikdir”
5 Qurtuluş dastanından Əlincə zirvəsinə
23.06 15:08 Ayaqlar üçün vanna
23.06 12:00 Formula 2 başladı
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info