“Rusiya Azərbaycan və Ermənistan rəhbərliyinin atəşkəsi bərpa etmək barədə razılığa gəldiyi meydança oldu”
Tarix: 11.01.2017 | Saat: 15:54:00 | E-mail | Çapa göndər
"Rusiya Dağlıq Qarabağ münaqişəsinin yenidən alovlanmasını qətiyyən istəmir".
 
Bunu APA-nın Moskva müxbirinə açıqlamasında Rusiya Dövlət Dumasının Beynəlxalq Münasibətlər Komitəsinin üzvü, "Vahid Rusiya" Partiyasından olan deputat Sergey Jeleznyak bildirib.
 
O, Rusiyanın münaqişənin siyasi yolla həlli istiqamətində böyük iş apardığını qeyd edib.
 
Deputat bu işlərin nədən ibarət olduğunu açıqlamasa da, bildirib ki, ötən ilin aprelində Dağlıq Qarabağda toqquşmalar baş verən zaman məhz Rusiyanın səyi nəticəsində atəşkəs əldə olunub, qan tökülməsi dayandırılıb: "Əminəm ki, həm Azərbaycanda, həm də Ermənistanda bütün sağlam düşüncəli siyasətçilər anlayırlar ki, belə münaqişələr istisnasız olaraq siyasi və humanitar yolla həll olunmalıdır. Apreldə bu münaqişənin çox təhlükəli mərhələsi Rusiyanın mühüm diplomatik səyi nəticəsində dayandırıldı. Rusiya Azərbaycan və Ermənistan rəhbərliyinin atəşkəsi bərpa etmək barədə razılığa gəldiyi meydança oldu. Əminəm ki, Rusiya olmasaydı, daha çox insan bu toqquşmada həlak olacaq, zərər görəcəkdi. Ona görə də, Moskva istəmir ki, tərəflər silaha əl atsın".
 
Rusiya-Ermənistan birləşmiş qoşun qruplaşmasının Azərbaycan tərəfinin narahatlığına səbəb olması ilə bağlı suala isə S. Jeleznyak belə cavab verib: "Bu qoşun qruplaşması müdafiə xarakteri daşıyır. Bunun yaradılması sırf Rusiyanın ölkə xaricində milli təhlükəsizliyinin təmin olunması ilə bağlıdır. Əminəm ki, Rusiya və Ermənistana heç kəs hücum etməsə, bu qoşun qruplaşmasının fəaliyyətinə ehtiyac qalmayacaq. Ona görə də, Rusiya-Ermənistan birləşmiş qoşun qruplaşmasının yaradılmasından narahat olmağa dəyməz, bunun üçün əsas yoxdur".
 
Rusiyanın Ermənistana "İsgəndər" raket kompleksinin verməsi ilə bağlı məlumatları şərh edən rusiyalı siyasətçi bildirib ki, əsas məsələ hansı silahın satılması deyil: "Bildiyiniz kimi biz dünyanın bir çox ölkələri ilə hərbi-texniki sahədə əməkdaşlıq edirik. Azərbaycan və Ermənistanla bu sahədə əməkdaşlıq yüksək səviyyədədir. Hərbi-texniki əməkdaşlığı əsasən hərbi-sənaye kompleksimizin inkişafı məqsədi ilə həyata keçiririk. Hər kəs yaxşı anlayır ki, silahlar atəş açmır, insanlar atəş açırlar. Yəni, o silahı insan idarə edir. Həm Kollektiv Təhlükəsizlik Müqaviləsi Təşkilatı, həm də digər beynəlxalq təşkilatlar çərçivəsində Rusiya təkid edir ki, bütün mövcud münaqişələr dayandırılsın və problemin siyasi yolla həllinin axtarışı həyata keçirilsin".      




 
Bölməyə aid digər xəbərlər
17.10.2017
TAP Albaniyaya əlavə 800 mln. avro yatıracaq
17.10.2017
Enerji sistemində 16 milyard 384,5 milyon kilovat-saata yaxın elektrik enerjisi istehsal edilib
17.10.2017
Azərbaycan ilə Türkiyə arasında hərbi əməkdaşlıq məsələləri müzakirə olunub
17.10.2017
Vüsal Qasımlı: İlin əvvəlindən Azərbaycanda pul bazası 18 faiz artıb
16.10.2017
“Lahıca ildə 100 minə yaxın turist səfər edir”

Şərh əlavə olunmayıb



    ,    
Ilkin Mustafayev
Fuad HÜSEYNZADƏ
Elsevər Məmmədov
Cavadxan QASIMOV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 7502

1 Özbəkistanda yaşayan azərbaycanlı güləşçi 3-cü dəfə dünya çempionu olub
2 “Diaspor təşkilatları Qarabağ münaqişəsinin təbliğində yeni üsullardan istifadə etməlidirlər”
3 Yeni ictimai birlik fəaliyyətə başlayıb
4 Təşəbbüskarı İlham Əliyev olan Bakı-Tbilisi-Qars dəmir yolu layihəsi reallaşdı
5 “Zavod və fabriklərin rayonlarda da açılması universitetlərin məsuliyyətini daha da artırır”
17.10 12:18 Rizə küftə
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info