ÜAK separatçı rejimin “KVN” festivalında iştirakına etiraz edib
Tarix: 13.01.2017 | Saat: 20:45:00 | E-mail | Çapa göndər


Ümumrusiya Azərbaycan Konqresi yanvarın 10-da Soçidə start götürən "KiViN-2017" adlı Şən və Hazırcavablar Klubu (KVN) beynəlxalq festivalında işğal olunmuş Dağlıq Qarabağdakı separatçı rejimi təmsil edən komandanın iştirakı ilə bağlı bəyanat yayıb. 

Ümumrusiya Azərbaycan Konqresi Rusiya Federasiyasındakı bütün Azərbaycan diaspor təşkilatları adından separatçıları təmsil edən komandanın festivalda iştirakına etiraz edib. Bəyanatda qeyd olunur ki, Dağlıq Qarabağ Azərbaycanın ayrılmaz tərkib hissəsidir və bu ərazidə yaradılan qondarma rejimi dünyanın heç bir dövləti tanımır. Ona görə də, separatçıların komandasının festivalda iştirakı Azərbaycanda olduğu kimi, Rusiyada yaşayan azərbaycanlılar arasında da narazılıq yaradıb. 
 
“Rusiya Federasiyası dünyanın ən böyük çoxmillətli dövlətlərindən biridir. Onun ərazisində 193 millətin nümayəndələri yaşayır. Rusiya Federasiyasının milli siyasətinin məqsədlərindən biri milli və millətlərarası münasibətlərin uyğunlaşdırılmasıdır. Prezident Vladimir Putin öz çıxışlarında dəfələrlə ölkəsinin yüzlərlə xalq və etnosun vətəni olduğunu, millətlərarası razılığın dövlətin mövcudiyyətinin əsas prioriteti və vacib şərti olduğunu bəyan edib. Prezident Putinin sözləri əlbəttə ki, bizə böyük ümid verir. Lakin biz növbəti dəfə Azərbaycana qarşı münasibətdə təxribatın şahidi oluruq”, - deyə bəyanatda vurğulanır. 
 
Qondarma rejimin festivalda iştirakının “Rusiya Federasiyasının dövlət sərhədi haqqında” qanunun da kobud şəkildə pozulması olduğunu diqqətə çatdıran ÜAK müvafiq strukturları tədbir görməyə çağırıb. 
 
Qeyd edək ki, yanvarın 10-da Soçidə “KiViN-2017” Şən və Hazırcavablar Klubunun 28-ci beynəlxalq festivalı başlayıb. Bu festivalda müxtəlif ölkələrdən, o cümlədən Azərbaycandan “Bakı yığması” da iştirak edir. Eyni zamanda, Azərbaycanın Ermənistan tərəfindən işğal olunmuş Dağlıq Qarabağ bölgəsindəki separat rejimi təmsil edən “Çörək və duz ilə” adlı komanda da yarışa qatılıb.

Fuad




 
Bölməyə aid digər xəbərlər
18.09.2019
Bu il Azərbaycan əhalisi 37 milyard manata yaxın gəlir əldə edib
18.09.2019
Qarabağ müharibəsi əlili yeni evlə təmin olunub
17.09.2019
Özünüməşğulluq proqramı iştirakçıları və onların aktivlərlə təminatına dair bütün məlumatların ictimai açıqlığı təmin edildi
17.09.2019
Neftçalanin Astanli kəndinə qaz verildi
16.09.2019
İlin sonuna qədər 10-dək müavinət və təqaüd növü üzrə təyinat mexanizmi elektronlaşacaq

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10887

1 Prezident İlham Əliyev AŞPA-nın prezidentini qəbul edib
2 В Великобритании перешли на систему образования СССР
3 Prezident Bakı Metropoliteninin “Xətai” stansiyasında görülən işlərlə tanış olub
4 “Siyasi partiyaların bir araya gəlməsi müsbət qiymətləndiriləsi hadisədir”
5 Gömrükçülər 2 milyon manatlıq dərman preparatları aşkarlayıblar


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info