Cəmil Həsənli sən də?..
Tarix: 09.04.2013 | Saat: 21:50:00 | E-mail | Çapa göndər


Rüstəm İbrahimbəyov adlı «ziyalının» antiazərbaycan mövqeyindən çıxış edərək yaxın dostları olan erməniləri müdafiə etməsi xalqın hiddətinə səbəb olub. Onsuzda ermənilərə məhəbbət bəslədiyini indiyə qədər dəfələrlə nümayiş etdirmişdi. Keçirdiyi festivallar, çəkdiyi filmlər, yazdığı ssenarilər, Moskvada işbirliyində olduğu ermənilər onun bu xalqa olan dərin hörmətinin göstəricisi idi.
Son vaxtlara qədər bunu «yaradıcılıq» çətiri altında gizlətməyə çalışan İbrahimbəyov sən demə, Bakını tərk etmiş ermənilərin xiffətini çəkir, onların həsrəti ilə yaşayırmış. Rusiya, Fransa, ABŞ-a tez-tez reallaşdırdığı səfərlərdə erməni dostları ilə görüşməsi, daim onlarla yaxın təmasda olması ilə bağlı kifayət qədə fakt, sübut var. Heç onun özü də bunu gizlətmir. Belə bir şəxsin «ziyalı» donunda xalqa ağıl verməyə qalxması, özünü «xalqın gününə ağlayan» birisi kimi təqdim etməsi ssenaristin artistik məharətindən xəbər verirdi. Amma onda olan erməni sevgisi, yaşadığı ölkənin müəyyən dairələrinin təsiri altında olması və onların sifarişi ilə siyasətə qoşularaq antiazərbaycan proseslərində rol alması «Rosbalt»a verdiyi son müsahibədə gün işığına çıxdı. Azərbaycan xalqının siyasətdən kənar hissəsi belə, onun həmin müsahibəsini dərin hiddət və qəzəblə qarşıladı. Azərbaycan tərəfindən Dağlıq Qarabağa qarşı ədalətsiz münasibətdən şikayətlənən, bu ərazinin Azərbaycandan daha çox Ermənistana aid olması barədə fikirlər bildirən R.İbrahimbəyov erməniləri münaqişənin qurbanı hesab edir. Bu da azmış kimi Dağlıq Qarabağın kimə məxsus olması məsələsinin elmi müzakirə (!) mövzusu olduğunu iddia edir. Belə düşəncədə olan şəxs azərbaycanlı ola bilərmi? Bu müsahibəsindən sonra xalqın ona yönələn qəzəbindən qurtulmağa çalışaraq dediklərini təhrif etməyə başlayıb. Amma heç özünü yormasın, antiazərbaycan ruhda verdiyi müsahibə «Rosbalt»ın saytında qalmaqda davam edir. Əgər yazılanlar doğru deyilsə, niyə sayta şikayət etmir? Etməz, çünki saytda yazılanların hamısı onun fikirləridir. Azərbaycanın əleyhinə olan dairələrin əlində oyuncaq olacaq qədər kiçilib yazıçı-ssenarist. O, Moskvada yaşayır, ermənilərlə rahatca işbirliyi qurub və onun üçün Qarabağ heç bir əhəmiyyət kəsb etmir. Heç siyasətdən də o qədər başı çıxmır. Amma daha dəhşətlisi odur ki, onun Bakıdakı «həmkarları», «ziyalılar forumu»nda əyləşən dostları yazıçını müdafiə edirlər. Tarix elmləri doktoru, professor Cəmil Həsənlinin onu müdafiə etməsin anlam vermək olmur. Rüstəm və Əkrəm siyasətçi, tarixçi deyilllər və bu məsələdə naşı ola bilərlər. Axı Cəmil Həsənli, sən tarix elmləri doktorusan, professorsan, tarixi də, siyasəti də onlardan yaxşı bilirsən. Dağlıq Qarabağın kimə məxsus olduğunu tarixçi-professor kimi sən də bilmirsən?
«Dağlıq Qarabağda çoxluq ermənilərə məxsus olub», «ermənilər bizim düşmənimiz deyil», «ermənilərə qarşı düşmənçiilk siyasəti aparmağın əleyhinəyəm», «Dağlıq Qarabağın kimə məxsus olması elmi müzakirə mövzusudur» deyən şəxsi tarixçi-alim kimi necə dəstəkləmək olar? Hakimiyyəti sevməmək, ona müxalifətdə olmaq, siyasi mübarizə aparmaq olar. Amma bu, xalqa qarşı, dövlətin milli maraqlarına qarşı mübarizə aparmaq üçün əsas verirmi? Hakimiyyəti sevmirsənsə sevmə, dövləti, xalqı da mı sevmirsən? Bir fikirləşin-Ermənistanda müxalifətdə olan ziyalılardan biri Qarabağ Azərbaycan torpağıdır desə, onu müdafiə edən və hakimiyyətə müxalifətdə olan bir dənə də olsa, tarixçi-alim tapılarmı? Yəni, erməni qədər də ola bilmirsiniz? Siz necə «ziyalısınız», necə «ziyalı forumu»sunuz ki, dövlətin milli maraqlarının ortaya atıldığı bir məqamda antiazərbaycan mövqeyində dayanırsınız? Rüstəm, Əkrəm eyni mərkəzdən idarə olunur, hara işlədikləri bəllidir. Sən də mi Cəmil Həsənli?
Anar MIRIYEV




 
Bölməyə aid digər xəbərlər
07.08.2020
Azərbaycan-Türkiyə birgə taktiki-uçuş təlimlərinin birinci mərhələsi davam edir - VİDEO
06.08.2020
Naxçıvanda keçirilən Azərbaycan-Türkiyə birgə genişmiqyaslı təlimləri davam edir - VİDEO
06.08.2020
TÜRKİYƏ, AZƏRBAYCAN VƏ RUSİYA EYNİ SƏNGƏRDƏ:İrəvanı yenidən bölmək planı - TƏHLİL
05.08.2020
“TurAz Qartalı - 2020” təlimlərinə döyüş helikopterləri də cəlb edilib
05.08.2020
Azərbaycanda həyata keçirilən sosial dəstək tədbirləri nümunəvi xarakter daşıyır

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 Bakıda 34 dərəcə isti, rayonlarda dolu, leysan gözlənilir
2 Avqustun 2-si Azərbaycanda Milli Kino Günüdür
3 Qafqaz uzunömürlülüyünün sirri tapıldı - Kabab yeyin
4 Dünya nəhənginin yaradılması yolunda ilk addımı atmışıq, öz Henri Fordumuz, öz “Arzu-1“miz -VİDEO
5 Azərbaycan Kinematoqrafçılar İttifaqının illik mükafatının qalibləri elan olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info