İtaliya ordusuna hakerlər cəlb edilir
Tarix: 16.03.2017 | Saat: 00:03:00 | E-mail | Çapa göndər


Silahlı Qüvvələrinin Baş Qərargah rəisi: “Biz indiyə qədər təhlükənin miqyasını o qədər də başa düşmürdük. İtaliya ordusuna uğurlu haker əməliyyatları həyata keçirə bilən gənc mütəxəssislər cəlb ediləcək”

Rusiyanın müdafiə naziri Sergey Şoyqu ötən ay Dövlət Dumasında çıxışı zamanı bildirmişdi ki, Silahlı Qüvvələrdə informasiya əməliyyatları ordusu yaradılıb. Nazirin sözlərinə görə, təbliğat ağıllı, savadlı və effektiv olmalıdır və buna görə də informasiya əməliyyatları ordusu yaradılıb.
Şoyqu həmin ordunun sovet dönəmində mövcud olan və əkstəbliğat adlandırılan qurumdan daha effektiv, güclü idarə olduğunu söyləmişdi. Bu məsələ dünyanın müxtəlif ölkələrinin orduları üçün də aktualdır. Elə bu səbəbdəndir ki, İtaliya dövləti də kiberməkanda təhlükəsizlik tədbirləri həyata keçirməyə başlayıb. “La Repubblica” nəşrinə açıqlama verən İtaliya Silahlı Qüvvələrinin Baş Qərargah rəisi general Klaudio Qrasiano bildirib ki, bu istiqamətdə fəaliyyətlərini həyata keçirmək üçün orduya gənc hakerlər cəlb edəcəklər. Generalın sözlərinə görə, İtaliyanın hərb tarixinin, İkinci Dünya müharibəsi də daxil olmaqla ən kədərli yaşantıları ölkəsinin silahlı qüvvələrinin müxtəlif qolları arasında koordinasiyanın olmaması ilə bağlı olub. Buna görə də, ölkədə tam şəkildə inteqrasiya olunmuş ordunun yaradılması xüsusi əhəmiyyət kəsb edir. Qərargah rəisinin fikrincə, ölkədə tam şəkildə inteqrasiya olunmuş ordunun yaradılması kiberməkanda effektiv struktur yaratmadan mümkün deyil. Klaudio Qrasiano bildirib ki, İtaliya hərbi rəhbərliyi kiber təhdidlərin nə qədər təhlükəli olduğunu vaxtında anlamayıb. Amma indi dünyada vəziyyət dəyişib. Ona görə də İtaliya ordusuna uğurlu haker əməliyyatları həyata keçirə bilən gənc mütəxəssislər cəlb ediləcək: “Biz indiyə qədər təhlükənin miqyasını o qədər də başa düşmürdük. Amma daha anlamağa başlamışıq. Ona görə də kiber əməliyyatlarla bağlı ümumqoşun komandanlığı yaratmışıq. Bu qurum 2018-ci ildən etibarən tam gücü ilə fəaliyyət göstərə biləcək. Biz hazırda fövqəladə hallar barədə düşünürük və mən bu istiqamətdə müvafiq göstərişlər vermişəm”. Kyavari şəhərində kiber əməliyyatları simulyasiya etmək üçün xüsusi yerlərin yaradıldığını bildirən italiyalı general artıq Genuya Universitetindən də bu sahəyə mütəxəssislər cəlb edildiyini bildirib. Belə fəaliyyətin böyük vəsait tələb etdiyini dilə gətirən Baş Qərargah rəisi hesab edir ki, bu işləre ölkənin ümumi texnoloji inkişafına da təsir edəcək: “Belə güman edirəm ki, müdafiə resurslarının təxminən 10 faizi bu işlərə sərf ediləcək”.
Ağasəf Babayev




 
Bölməyə aid digər xəbərlər
28.11.2020
Belçikada quş qripi xəstəliyi qeydə alınıb
27.11.2020
İranın nüvə alimi öldürüldü
27.11.2020
Dünyada koronavirusa yoluxanların sayı 61 milyonu keçib
27.11.2020
Türkiyədə FETÖ terror təşkilatı ilə əməkdaşlıqda şübhəli bilinən hərbçilər saxlanılıblar
26.11.2020
Fransanın 8 senatoru verdikləri səsi geri götürdü

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11910

1 Öküz ili bürclərə nə vəd edir?
2 Kinorejissor Rasim Ocaqovun xatirəsi anılıb
3 İşğaldan azad edilən rayonlarda turizm necə təşkil olunacaq? - Agentlik açıqladı
4 Minsk qrupu uzunmüddətli və dayanıqlı həll üzrə danışıqlara kömək göstərməlidir - Almaniya səfiri
5 Bu il xarici ölkələrə səfər edən Azərbaycan vətəndaşlarının sayı açıqlanıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info