Türkiyə konstitusiya dəyişikliyinı “hə” dedi
Tarix: 17.04.2017 | Saat: 19:03:00 | E-mail | Çapa göndər
Ərdoğan: “200 illik sistemin dəyişdirilməsi barədə tarixi qərarın verildiyi gündür”

Türkiyədə konstitusiya dəyişikliyi ilə bağlı aprelin 16-da keçirilmiş ümumxalq səsverməsinin nəticələrini hakim Ədalət və İnkişaf Partiyasının (AKP) tərəfdarları böyük sevinclə qarşılayıblar. Nəticəyə əsasən seçicilərin 51.41 faizi konstitusiya dəyişikliyinə “hə”, 48.59 faizi “yox” deyib. AKP-nin sədri, Baş nazir Binəli Yıldırım partiyanın mərkəzi qərargahı qarşısında toplaşan çoxsaylı siyasi həmfikirləri qarşısında çıxış edib. Referendumun Türkiyənin həyatında tarixi əhəmiyyət daşıdığını qeyd edən Baş nazir B.Yıldırım səsvermədə iştiraka görə bütün xalqa, o cümlədən AKP-nin üzvlərinə, onlara dəstək olan hər kəsə təşəkkürünü bildirib. Türkiyə Prezidenti Rəcəb Tayyip Ərdoğan referendumla bağlı səsvermənin nəticələrinin elan edilməsindən sonra mətbuat konfransı keçirib. O, referendumun nəticələrinin ölkə üçün xeyirli olmasını arzu edib. Səsvermədə fəal iştirak etdiyinə görə türk xalqına təşəkkür edən Prezident Ərdoğan bildirib : “Bu, tarixi hadisədir. Bu gün 200 illik sistemin dəyişdirilməsi barədə tarixi qərarın verildiyi gündür. Bu dəyişikliklərə “hə” deyənlərə minnətdarlığımı bildirirəm. Biz qarşılaşacağımız hər problemi, çətinliyi, böhranı aradan qaldırmaq iqtidarındayıq. Bunun bariz nümunəsini 15 iyul hadisələri zamanı gördük”. Qeyd edək ki, Azərbaycan Prezidenti İlham Əliyev Türkiyə Respublikasının Prezidenti Rəcəb Tayyib Ərdoğana telefonla zəng edib. Prezident İlham Əliyev Türkiyə Respublikası Konstitusiyasına dəyişikliklər edilməsi ilə bağlı referendumun uğurla keçirilməsi və əhalinin çoxluğunun bu dəyişikliklərə səs verməsi münasibətilə Türkiyə Prezidentini və xalqını təbrik edib, referendumun nəticələrini xalqın Prezident Rəcəb Tayyib Ərdoğanın siyasətinə verdiyi böyük dəstək kimi qiymətləndirib. Rəcəb Tayyib Ərdoğan göstərilən diqqətə və təbriklərə görə minnətdarlığını bildirib. Dövlət başçıları ölkələrimiz arasında dostluq və qardaşlıq münasibətlərinin bundan sonra da bütün sahələrdə uğurla inkişaf edəcəyinə əminliklərini ifadə ediblər.
Anar




 
Bölməyə aid digər xəbərlər
20.02.2018
Suriya savaşında enerji faktoru: “Türk axını”na təhlükə var?
20.02.2018
YPG: “Dəməşq ilə heç bir razılaşmamız yoxdur”
19.02.2018
“İŞİD”ə qoşulan azərbaycanlı qadınlara ömürlük həbs cəzası verilib
19.02.2018
Tillerson Rusiyaya qarşı yeni sanksiyaların mümkünlüyünü bildirib
16.02.2018
Türkiyə və ABŞ-ın arasında “Menbic düyünü”

Şərh əlavə olunmayıb



    ,    
Aysel İbrahimova
Rəhim Həsənov
Tural Tağıyev
Zülfiyyə Vəliyeva
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 8443

1 “Birləşmiş Krallıqda bizim çox istedadlı və savadlı insanlarımız var”
2 “Şirkətimiz bu il yüzlərlə yeni və daimi iş yeri yaradacaq”
3 “Qarabağ həqiqətlərinin Belçikada tanınması üçün yerli mətbuatın gücündən istifadə edirik”
4 Xocalı soyqırımı ilə bağlı Türkiyədə bir sıra tədbirlər keçiriləcək
5 «ArmenianReport»: ”Yaxın vaxtlarda Ermənistanın dövlət borcu 7 milyard dolları ötəcək”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info