Əmək Müqaviləsi Bildirişi üzrə Elektron İnformasiya Sistemi daha bir beynəlxalq uğur qazanıb
Tarix: 17.05.2017 | Saat: 19:20:00 | E-mail | Çapa göndər


Sistem mötəbər beynəlxalq müsabiqədə E-məşğulluq kateqoriyası üzrə ən çox səs toplayan ilk 5 layihədən biri olub

Əmək və Əhalinin Sosial Müdafiəsi Nazirliyinin elektron sistemlərindən biri olan Əmək Müqaviləsi Bildirişi üzrə Elektron İnformasiya Sistemi daha bir beynəlxalq uğur qazanıb. BMT-nin ixtisaslaşdırılmış qurumu olan Beynəlxalq Telekommunikasiya İttifaqı (BTİ) tərəfindən elan olunmuş “İnformasiya Cəmiyyəti üzrə Ümumdünya Sammiti - 2017 Mükafatları” müsabiqəsində Əmək Müqaviləsi Bildirişi üzrə Elektron İnformasiya Sistemi “İKT Proqramları: E-Məşğulluq” nominasiyası üzrə ən çox səs toplayan ilk 5 layihədən biri olub.
BTİ beynəlxalq telekommunikasiyanın nizamlanmasına, standartlaşdırılmasına, uzlaşdırılmasına və inkişafına, eyni zamanda bu sahədə dövlətlərin siyasətinin uyğunlaşdırılmasına cavabdehdir. Hazırda 193 ölkənin üzv olduğu BTİ-yə həmçinin bir sıra İKT tənzimləyiciləri, aparıcı elmi institutlar və 700-ə yaxın texnoloji şirkət daxildir.
Müsabiqəyə müxtəlif ölkələrin, o cümlədən Azərbaycanın ayrı-ayrı qurumları tərəfindən təqdim olunmuş elektron sistemlərə dair ümumilikdə 467 layihə ekspertlər qrupu tərəfindən nəzərdən keçirilib. Onlardan 345 elektron layihə uğurlu hesab edilərək müsabiqədə iştirak etməyə buraxılıb. Ümumilikdə 18 nominasiya üzrə onlayn səsvermə əsasında keçirilən müsabiqə nəticəsində nominasiyaların hər biri üzrə ən çox səs toplayan ilk 5 layihə müəyyən olunub və həmin layihələrdən ibarət 90 “Çempion layihə” seçilib. Əmək Müqaviləsi Bildirişi üzrə Elektron İnformasiya Sistemi müsabiqənin “Çempion layihə”lər siyahısına daxil edilib. 
Cari ilin iyun ayında İsveçrə Konfederasiyasının Cenevrə şəhərində keçiriləcək “İnformasiya Cəmiyyəti üzrə Ümumdünya Sammiti 2017” tədbirində 90 “Çempion” layihədən 18 “Qalib layihə” (yəni hər nominasiya üzrə 1 qalib) elan olunacaq və BTİ-nin Baş Katibi tərəfindən “Çempion” və “Qalib” layihələrlə bağlı mükafatlar təqdim ediləcək. Tədbirdə Əmək və Əhalinin Sosial Müdafiəsi Nazirliyinin nümayəndə heyətinin də iştirakı nəzərdə tutulur. Nümayəndə heyəti həmçinin İnformasiya Cəmiyyəti üzrə Ümumdünya Sammitinin İcmalı və Davamlı İnkişaf Məqsədləri üzrə “Ümumdünya Kafesi” tədbirində də iştirak edəcəkdir.
Qeyd edək ki, Əmək Müqaviləsi Bildirişi üzrə Elektron İnformasiya Sistemi bundan əvvəllər də mötəbər beynəlxalq təşkilatlar tərəfindən müasir texnologiyaların fəaliyyət və xidmətlər sferasında uğurlu tətbiqinin bariz nümunəsi kimi dəfələrlə yüksək dəyərləndirilib. Eyni zamanda, Əmək və Əhalinin Sosial Müdafiəsi Nazirliyinin digər elektron sistemləri ilə yanaşı, Əmək Müqaviləsi Bildirişi üzrə Elektron İnformasiya Sistemi də qabaqcıl təcrübə nümunəsi kimi BMT-nin “Ərəb ölkələri, Avropa və MDB regionlarında Cənub-Cənub Əməkdaşlığı çərçivəsində Əməkdaşlıq Mexanizmləri və Həllər” adlı portalına daxil edilib və təbliğ olunur. Bu informasiya sistemləri, o cümlədən Əmək Müqaviləsi Bildirişi üzrə Elektron İnformasiya Sistemini öyrənərək tətbiq etməyə, bu məqsədlə ölkəmizlə təcrübə mübadiləsi aparmağa maraq göstərən ölkələrin də sayı getdikcə artır. 
2014-cü ilin iyulundan istifadəyə verilən Əmək Müqaviləsi Bildirişi üzrə Elektron İnformasiya Sistemi əmək münasibətlərinin və bu münasibətlərdə baş verən dəyişikliklərin elektron müstəvidə rəsmiləşdirilərək şəffaflaşdırılmasına, əmək bazarına nəzarətin çevik və səmərəli təşkilinə, əmək münasibətlərinin dolğun və obyektiv uçotunun aparılmasına imkan verib. Tətbiqinə başlanıldığı ilk gündən “Elektron hökumət” portalında geniş istifadəçi auditoriyasına malik olan bu sistemə cari ilin 01 may tarixinədək 8 milyona yaxın müraciət olunub.
Tural Tağıyev




 
Bölməyə aid digər xəbərlər
15.02.2020
Daha bir marşrut xətti üzrə avtobuslar yenilənir
15.02.2020
Son on ildə muxtar respublikada 77 min uşaq dünyaya gəlib
14.02.2020
“Qan ver! Ürəklər döyünsün!“ devizi altında qanvermə aksiyası keçiriləcək
14.02.2020
Xoşbəxt və uğurlu uşaq yetişdirməyin modeli təqdim ediləcək
14.02.2020
Azərbaycan vətəndaşları ötən ay Türkiyədə 99 ev alıb

Şərh əlavə olunmayıb

    ,    
Ağasəf Babayev
Fuad HÜSEYNZADƏ
Tural Tağıyev
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11451

1 “Dövlət dəstəyi sahibkarlığın inkişafında önəmli rol oynayır”
2 “İspaniya mediasında tez-tez Azərbaycan haqqında məlumat verilməsi bizə qürur verir”
3 “Paşinyan dövləti idarə etmək iqtidarında deyil”
4 Azərbaycan sağlamlıq turizmi Estoniyada təqdim olunub
5 Professor Rauf Sultanov: “Ölkədə ekoloji vəziyyətlə bağlı geniş layihələr həyata keçirilir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info