İş yerini tərk etmədən də çıxarış almaq mümkündür
Tarix: 19.05.2017 | Saat: 17:35:00 | E-mail | Çapa göndər
Əmlak Məsələləri Dövlət Komitəsi vətəndaşlar üçün daşınmaz əmlakın dövlət qeydiyyatının sadələşdirilməsi, bu sahədə əlçatanlığın təmin edilməsi ilə bağlı müxtəlif yönümlü sosial tədbirlər həyata keçirir.
Komitədən bildiriblər ki, əhalinin bu sahədə işini daha da yüngülləşdirəcək geniş yayılan sosial layihələrdən biri də “Kütləvi çıxarış” kampaniyasıdır. Komitənin təşkil etdiyi kampaniyanın keçirildiyi yerlər müxtəlifdir. Bu isə vətəndaşların maraqlarına xidmət edir. Belə ki, “Kütləvi çıxarış” kampaniyası təşkil edildiyi ərazilər əhaliyə uyğun və yaşadıqları yerlərə olduqca yaxındır. Başqa sözlə bu sosial layihə komitənin qeydiyyat xidmətlərini əhalinin bir başa ünvanlarında, kəndli və fermerin əkin sahələrində çatdıraraq onları vaxt itkisi olmadan, operativ şəkildə çıxarış əldə etməsinə imkan yaradır.
Qeyd edilməlidir ki, belə xidmətlər əhalinin birbaşa iş yerlərində də göstərilir. Bu kampaniya müəssisələrdə keçirilməklə çoxlu sayda işçiləri və böyük kollektivi əhatə edir.
İş yerində təşkil olunan növbəti belə çıxarış kampaniyası mayın 19-da Ağsu rayonunda yerləşən “Az-Granata” zavodunun çoxsaylı əmək kollektivi üçün keçirilib. Kampaniya çərçivəsində zavod əməkdaşları iş yerlərindən ayrılmadan, daha rahat və operativ şəkildə qeydiyyat xidmətlərindən faydalanıblar. Bu sosial layihə işçilərə vaxtlarını daha səmərəli planlaşdırmağa, əmlaklarına dair sənəd almaq üçün əlavə ünvanlara getməməsinə şərait yaradıb. Həmçinin bu, müəssisədə iş rejiminin pozulmamasına, heyətin işdən uzunmüddətli ayrılmamasına imkan verir.
Komitənin əməkdaşları tərəfindən mobil ofislər vasitəsilə 50-ə yaxın zavod işçilərinə əmlaklarına dair hazır çıxarışlar birbaşa iş yerlərində təqdim edilib. Bu isə zavoda rayonun müxtəlif kənd və qəsəbələrindən həmçinin ətraf rayonlardan işləməyə gələn insanların əlavə məsafə qət etməsini aradan qaldırır, vaxtlarına qənaət etməyə imkan yaradır. Bu tədbirlərin keçirilməsində məqsəd əhalinin məmnunluq səviyyəsini artırılması, vətəndaşlara daha əlçatan və rahat şəraitdə ictimai xidmətlərin göstərilməsinə yönəldilib.
Verilən çıxarışlar əsasən fərdi yaşayış evləri, pay torpağı, həyətyanı torpaq sahələrini əhatə edib.
Belə kampaniya davamlı olaraq həyata keçirilir. Bundan öncə İmişlidə, Xaçmazda və paytaxtda yerləşən bir neçə müəssisə, fabrik və zavodlarının işçiləri “Kütləvi çıxarış” kampaniyasından iş yerlərini tərk etmədən faydalanıblar. Ümumilikdə isə, bu tədbirlər çərçivəsində 300-ə yaxın vətəndaşa onların çalışdıqları müəssisələrdə çıxarışlar təqdim olunub.
Qeyd edilməlidir ki, kampaniya zamanı vətəndaşlara qeydiyyat üçün zəruri ilkin sənədlər, çatışmayan sənədlərin əldə olunması, qeydiyyat prosedurları ilə bağlı hüquqi izah və istiqamət verilir. Komitənin əməkdaşları sakinlərdən çıxarışla əvəz olunması üçün lazımi sənədlər toplayırlar. Onlara çıxarışların hazır olacağı tarix və birbaşa ünvana gətiriləcəyi bildirilir.
“Kütləvi çıxarış” kampaniyasının birbaşa ünvanlarda, iş yerlərində keçirilməsinin sosial əhəmiyyəti ilə yanaşı iqtisadi əhəmiyyəti də var. Ölkə üzrə təhlükəsiz və etibarlı daşınmaz əmlakı olan mülkiyyətçi təbəqəsi formalaşır. Bu isə alqı-satqı, ipoteka əməliyyatlarının daha rahat və operativ təşkilinə imkan verir. Bu tədbirlərin nəticəsi olaraq digər vətəndaşlar da qeydiyyata maraq göstərməyə, öz əmlakını qeydiyyata aldırmağa stimullaşdırır.
“Kütləvi çıxarış” kampaniyası ilə yanaşı respublikanın hər bir bölgəsində komitənin xüsusi nəqliyyat vasitələri ilə vətəndaşlara fərdi qaydada gündəlik olaraq mobil ofis xidmətləri də göstərilir. Xidmətlər zamanı sənədlərin qanunauyğunluğu yerindəcə yoxlanılır, qəbul olunur, növbəti prosedurlar ətraflı izah edilir. Ünvanlarda mobil ofislər vasitəsilə qeydiyyat xidmətlərinin təşkilində məqsəd qeydiyyat xidmətlərinin vətəndaşlara daha rahat və əlverişli üsullarla çatdırılması, daşınmaz əmlakın qeydiyyatı sahəsində vətəndaş məmnunluğun təmin olunmasıdır.
Komitə tərəfindən bu ilin sonunadək paytaxt və regionlarda mobil ofis xidmətləri, həmçinin “Kütləvi çıxarış” kampaniyası geniş şəkildə davam etdiriləcək.
Tural




 
Bölməyə aid digər xəbərlər
20.10.2017
13 ildir ki, energetiklərimiz 20 oktyabrı peşə bayramları günü kimi qeyd edirlər
19.10.2017
Geosiyasi risklər neftin qiymətini artırır
19.10.2017
OCCRP təşkilatının sifarişlə işlədiyini sübut edən fakt
19.10.2017
Aran iqtisadi rayonuna 543 mln. manata yaxın güzəştli kredit verilib
19.10.2017
İran ilə Azərbaycan arasında ticarət dövriyyəsi artır

Şərh əlavə olunmayıb



    ,    
Ilkin Mustafayev
Fuad HÜSEYNZADƏ
Elsevər Məmmədov
Cavadxan QASIMOV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 7521

1 Özbəkistanda yaşayan azərbaycanlı güləşçi 3-cü dəfə dünya çempionu olub
2 Yeni ictimai birlik fəaliyyətə başlayıb
3 “Həyat 50 yaşdan sonra başlayır”
4 Bakıda “Rənglərin qardaşlığı” adlı layihə həyata keçiriləcək
5 “Azərbaycan nigeriyalılar üçün çox cazibədar ölkədir”
19.10 20:34 Yollar qovuşanda...
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info