Avropa ölkələri borc bataqlığında
Tarix: 23.06.2017 | Saat: 00:30:00 | E-mail | Çapa göndər


Avropa Statistika Komitəsinin yaydığı məlumata görə, AB-də 2016-cı ildə dövlət borcunun ümumi daxili məhsula (ÜDM) nisbəti 83,5 faiz səviyyəsində reallaşıb.
Bu dövrdə avronu istifadə edən Birlik üzvlərindən ibarət olan Avro qrupunda isə bu rəqəm 89,2 faizə çatıb. Eyni dövrdə Türkiyədə Avropa borcun milli gəlirə nisbəti 28,3 faiz səviyyəsində olub. Beləliklə, Türkiyədə dövlət borcunun milli gəlirə nisbəti keçən il AB üzvü olan 28 ölkənin 26-dan aşağı səviyyədə reallaşıb.

Ən yüksək dövlət borcu
Yunanıstanda

Yunanıstan, AB-yə üzv ölkələr arasında 2016-cı ildə ən çox dövlət borcuna malik ölkə olub. Yunanıstanda dövlət borcunun ÜDM-ə nisbəti 179 faizə çatıb.
Bu ölkəni 132,6 faiz ilə İtaliya və 130,4 faizlə Portuqaliya izləyib. Dövlət borcunun milli gəlirə nisbəti Kiprdə 107,8 faiz, müxtəlif AB təşkilatlarına və NATO-ya ev sahibliyi edən Belçikada isə 105,9 faiz olub. Avropanın ən böyük iqtisadiyyatı olan Almaniyada dövlət borcunun milli gəlirə nisbəti 68,3 faiz olduğu halda, bu rəqəm Fransada 96 faiz, Birlikdən ayrılma qərarı alan İngiltərədə 89,3 faiz, İspaniyada isə 99,4 faiz səviyyəsindədir.

Dövlət borcu az olan ölkə Estoniyadır
Həmin dövrdə AB-də dövlət borcunun milli gəlirə nisbətinin ən aşağı olduğu ölkə isə 9,5 faizlə Estoniya, 20 faizlə Lüksemburq olub. Yalnız bu iki ölkədə dövlət borcunun milli gəlirə nisbəti Türkiyədən aşağı səviyyədə müşahidə edilib.
Türkiyənin ardınca 29,5 faizlə Bolqarıstan, 37,2 faizlə Çexiya, 37,6 faizlə Rumıniya, 37,8 faizlə Danimarka, 40,1 faizlə Latviya, 40,2 faizlə Litva, 41,6 faizlə İsveç, 51,9 faizlə Slovakiya, 54,4 faizlə Polşa, 58,3 faizlə Malta, 62,3 faizlə Hollandiya, 63,6 faizlə Finlandiya gəlir. AB-yə üzv ölkələrin iqtisadi və pul birliyində iştirakı üçün nəzərdə tutulmuş zəruri şərtlərin təyin olunduğu Maastrixt kriteriyalarına görə, dövlət borc ehtiyatlarının, ümumi daxili məhsula nisbətinin 60 faizi keçməməsi lazımdır. Bu məlumatlara görə, AB üzvü 28 ölkənin əksəriyyəti bu meyarı ödəyə bilmir.
Nigar




 
Bölməyə aid digər xəbərlər
17.09.2018
“Sabah.com.tr”:“İşğalçılar sərhədlərimizi açmamızı gözləməsinlər”
14.09.2018
“ArmenianReport”: “Ermənistan əks-inqilab təhlükəsi ilə üz-üzədir”
11.09.2018
“Dinin tələb etmədiyi bəzi ifrat hərəkətlər uşaqlarda psixoloji zədələr yaradır”
07.09.2018
«ArmenianReport»: «Rusiya bizim daxili işlərimizə qarışmamalıdır»
01.09.2018
Azərbaycan və Rusiya arasında 15 sənəd imzalanıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info