Qida zəhərlənməsini yüngülləşdirən prosedurlar
Tarix: 18.08.2017 | Saat: 13:23:00 | E-mail | Çapa göndər
Qida zəhərlənməsi (qida intoksikasiyası) – tərkibində bioloji və ya qeyri-bioloji toksinlər saxlayan ərzaqların qəbul edilməsi nəticəsində yaranan çox kəskin haldır. Xüsusən yay ayları daha çox baş verən zəhərlənmələr zamanı nə etmək lazım gəldiyini bilmək onun yüngülləşməsinə və daha rahat və tez ötüb keçməsinə səbəb olur.
Ona görə də AZƏRTAC zəhərlənmələrin müalicəsində xalq təbabəti bilicilərinin təklif etdiyi müalicə və məsləhətləri təqdim edir.
Zəhərlənmə zamanı çox miqdarda süd içmək lazımdır. Südün həm toksiki maddələri özünə hopdurmaq və zərərsizləşdirmək xüsusiyyəti var, həm çox miqdarda içiləndə qusmaya səbəb olur və zəhərlərin mədədən sorulmasının qarşısı alınır. Eyni məqsədlə xəstəyə ayran da içirtmək olar.
Yüngül zəhərlənmələr zamanı ballı şüyüd dəmləməsi yaxşı təsir göstərir. Onu hazırlamaq üçün 1 xörək qaşığı bostan şüyüdünün otu və ya yarım çar qaşığı şüyüd toxumları bir stəkan qaynar suda dəmlənir, bir qədər soyuyandan sonra dəmləməyə 1 xörək qaşığı bal əlavə olunur.
Müxtəlif zəhərlənmələr zamanı çəhrayı rodiolanın spirtli çıxarışı çox yaxşı təsir göstərir. 5-10 damcı ekstraktı az miqdarda suda həll edilərək gündə 2-3 dəfə içmək lazımdır. Sonuncu qəbul axşam saat 19-dan gec olmamalıdır. Ekstraktla birlikdə ballı su qəbul etmək olar.
2 xörək qaşığı çöl qatırquyruğu otu 1 litr qaynar suda dəmlənir və gündə 6 dəfə yarım stəkan qəbul edilir.
Cirə toxumlarının bişirməsi də zəhərlənmə zamanı faydalıdır. 10-15 ədəd cirə toxumu 350 ml qaynar suda 15 dəqiqə qaynadılır, alınan bişirmə birdəfəyə içiləndən sonra xəstəni qusdurmaq məsləhətdir. Daha sonra yenə eyni qədər təzə bişirmə qəbul edilir.
Zəhərli göbələklər, mis və qurğuşun duzları ilə zəhərlənmə zamanı hərəsindən 5 xörək qaşığı çöl qatırquyruğu otu və üçyarpaq yonca çiçəkləri, 2 xörək qaşığı palıd qabıqları ilə qarışdırılır. Alınan qarışıqdan 3 xörək qaşığı bir litr qaynar suda dəmlənir və gündə 7 dəfə, hər dəfə yarım stəkan qəbul edilir.
10-12 ədəd xırdalanmış biyan köklərinin üzərinə 3 stəkan su tökülür və 1 stəkan qalana qədər bişirilir və tez-tez zəhərlənən xəstəyə tez-tez içirilir.
1 çay qaşığı xırdalanmış pişikotu kökləri yarım litr qaynar suda 5 dəqiqə qaynadılır, soyuyandan sonra süzülür və hər saatdan bir yarım stəkan qəbul edilir.
Eyni miqdarda dazı otu, istiotlu nanə yarpaqları, aptek çobanyastığı çiçəkləri və bağayarpağı yarpaqları yığıntısından 1 xörək qaşığı yarım litr qaynar suda yarım saat dəmlənir. Hər saatdan bir üçdəbir stəkan qəbul edilir.
Mahmud




 
Bölməyə aid digər xəbərlər
17.11.2017
Çində robotlar diaqnoz qoyacaqlar
17.11.2017
Roma papasına avtomobil hədiyyə edilib
17.11.2017
Dubayda “Mars şəhəri” inşa ediləcək
16.11.2017
Bill Qeyts 80 milyon dollar xərcləyəcək
16.11.2017
Corabla yatmağın bilmədiyimiz faydaları

Şərh əlavə olunmayıb



    ,    
Elvin Babayev 
Tural Tağıyev
Ümüd Səlimzadə
Ilkin Mustafayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 7719

1 Birinci vitse-prezidentə yeni köməkçi təyin edilib
2 Rostovda məhv edilən pomidorlar ermənilərə yaman yer eləyib
3 “Ukraynanın 7 vilayətində Azərbaycan məktəbi açmışıq”
4 İşə qəbul üzrə növbəti müsabiqə  
5 Bakı Atatürk Liseyində Ali Devrimin xatirəsinə həsr olunmuş tədbir keçirilib
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info