Azərbaycan məhsullarının Rusiyaya ixracı ilə bağlı müqavilələr imzalanıb
Tarix: 12.09.2017 | Saat: 23:30:00 | E-mail | Çapa göndər


Moskva sərgisinin işə başladığı ilk 2 gün ərzində şirkətlərimiz fındıq, qənnadı məmulatları, vanil və qabartma tozunun Rusiyaya ixracına dair 13 müqavilə imzalayıb
Rusiyanın paytaxtı Moskvada keçirilən və Azərbaycanın yeganə eksklüziv partnyor olduğu "World Food Moscow" Beynəlxalq Ərzaq Sərgisinin ikinci günündə də yerli şirkətlərimiz bir sıra müqavilələr imzalayıblar.
İqtisadiyyat Nazirliyinin mətbuat xidmətindən bildiriblər ki, Azərbaycanın fındıq istehsalçısı olan "Xanel" şirkəti Rusiyaya 40 ton fındıq ixracına dair bu ölkənin müvafiq sahədə fəaliyyət göstərən şirkəti ilə müqavilə imzalayıb. "Xanel" şirkətinin Rusiyanın distribüter şirkəti ilə imzaladığı digər müqaviləyə əsasən isə bu ölkəyə 80 ton fındıq ixrac olunacaq. Azərbaycanın meyvə-tərəvəz məhsulları ilə yanaşı, şirniyyatları da "World Food Moscow" Sərgisinin ziyarətçiləri və Rusiya şirkətləri tərəfindən maraqla qarşılanıb. Sərgi çərçivəsində bu sahədə irihəcmli müqavilələri Azərbaycanın "Şirin" MMC şirkəti imzalayıb. "Şirin" MMC ilə Rusiyanın "Mir sladostey" şirkəti arasında imzalanmış müqaviləyə əsasən, Rusiyaya 200 ton qənnadı məhsulları ixrac olunacaq. Rusiyanın Vladivostok, Tümen, Krasnoyarsk, Nijnı Novqorod, İrkutsk və Tambov şəhər və vilayətlərinin, həmçinin Ural regionunun distribüter şirkətləri ilə imzalanmış müqavilələrə uyğun olaraq, "Şirin" MMC bu şəhər və vilayətlərin hər birinə 30 ton qənnadı məhsulları ixrac edəcək. Bundan başqa, sərgi zamanı Azərbaycanın "Əmin qida sənaye" MMC şirkəti şəkərli vanil və qabartma tozunun Rusiyaya ixracına dair bu ölkənin distribüter şirkəti ilə razılıq əldə edib. Ümumilikdə, "World Food Moscow" Beynəlxalq Ərzaq Sərgisinin işə başladığı ilk 2 gün ərzində Azərbaycanın fındıq, qənnadı məmulatları, vanil və qabartma tozunun Rusiyaya ixracına dair 13 müqavilə imzalanıb. Qeyd edək ki, Azərbaycan "World Food Moscow" Sərgisində 30-dan çox ixracatçı şirkətlə təmsil olunur. Yerli şirkətlərimizin keyfiyyətli və rəqabətqabliyyətli məhsulları - meyvə şirələri, təbii mineral sular, şərab və spirtli içkilər, meyvə-tərəvəz, süd məhsulları, çay, fındıq, qənnadı məmulatları və konservləşdirilmiş qidalar "Made in Azerbaijan" vahid ölkə stendində nümayiş olunur. "World Food Moscow" Beynəlxalq Ərzaq Sərgisi çərçivəsində, həmçinin "Təzə meyvə-tərəvəz: ixrac coğrafiyasının genişləndirilməsi" mövzusunda konfrans keçirilib. Tədbirdə çıxış edən dövlət qurumlarının nümayəndələri və iş adamları bağçılığın inkişafı, bu sahədə həyata keçirilən layihələr və proqramlar, meyvə və tərəvəz məhsullarının ixracı, bu məhsulların qablaşdırılması, saxlanması barədə fikir və təcrübələrini bölüşüblər. Azərbaycanda İxracın və İnvestisiyaların Təşviqi Fondunun (AZPROMO) vitse-prezidenti Yusif Abdullayev keyfiyyətli və rəqabətədavamlı Azərbaycan məhsulları, ölkəmizin ixrac imkanları, "Made in Azerbaijan" brendinin tanıdılması sahəsində görülən işlər barədə danışıb, tədbir iştirakçılarını maraqlandıran sualları cavablandırıb. Konfransdan sonra keçirilmiş furşetdə isə tədbir iştirakçılarına Azərbaycan məhsulları - meyvə, milli şirniyyatlar, qənnadı məmulatları, quru meyvələr və s. təqdim edilib. Furşetdə təqdim edilmiş təamlar konfrans iştirakçıları tərəfindən bəyənilib və yüksək qiymətləndirilib.
Anar




 
Bölməyə aid digər xəbərlər
13.02.2019
Beyləqan Tarix-Diyarşünaslıq Muzeyinin açılışı olub
12.02.2019
«В настоящее время в Красноярске царит атмосфера Универсиады»
24.12.2018
Ильхам Алиев - эталон современного лидера глобализирующегося мира
12.12.2018
Azərbaycan tarixinin Heydər Əliyev zirvəsi
07.12.2018
Paşinyanı mühafizəçilərlə əyləşdiriblər

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info