Professor Şahbaz Muradovun biobiblioqrafik göstəricisi hazırlanıb
Tarix: 21.09.2017 | Saat: 15:54:00 | E-mail | Çapa göndər


Azərbaycan Milli Elmlər Akademiyasının (AMEA) Mərkəzi Elmi Kitabxanası (MEK) “Azərbaycanın elm və mədəniyyət xadimləri” silsiləsindən görkəmli iqtisadçı alim Şahbaz Muradovun biobiblioqrafik göstəricisini hazırlayıb.
MEK-dən AZƏRTAC-a bildiriblər ki, akademiyanın müxbir üzvü, Əməkdar Elm Xadimi, iqtisad elmləri doktoru, “Şöhrət” ordenli professor Şahbaz Musa oğlu Muradovun anadan olmasının 75 illiyinə həsr edilən vəsait AMEA-nın rəyasət heyətinin qərarı ilə çapdan çıxıb.
Biblioqrafik vəsaitə alimin 1962-2016-cı illərdə çap edilmiş kitab və broşüraları, dövri, ardı davam edən və seriyalı nəşrlərdə Azərbaycan, rus, ingilis dillərində dərc olunmuş elmi məqalələri, respublika və beynəlxalq əhəmiyyətli konfrans və simpoziumlardakı məruzə və çıxışları, elmi-tədqiqat işləri və s. araşdırmaları daxil edilib. Vəsaitdə, həmçinin Ş.Muradovun elmi rəhbərliyi və opponentliyi ilə müdafiə olunmuş dissertasiyalar, redaktə etdiyi əsərlər, alimin həyatı və elmi fəaliyyəti haqqında ədəbiyyat da ayrıca bölmədə əksini tapıb. Daxil edilmiş materiallar nəşr tipologiyasına uyğun olaraq xronoloji qaydada, illər daxilində dillər üzrə əlifba sırası ilə vahid ardıcıl nömrələnmə əsasında verilib.
Sənədlərin biobiblioqrafik təsviri AZS 754-2013 “İnformasiya, kitabxana və nəşriyyat işi üzrə standartlar sistemi. Biblioqrafik yazı. Biblioqrafik təsvir. Ümumi tələblər və tərtib qaydaları” Azərbaycan Respublikasının Dövlət Standartı əsasında tərtib edilib.
Biblioqrafik göstəricinin tərtibçiləri Kəmalə Məmmədova, Mülayim Əmirli, redaktoru K.Məmmədovadır.
Vəsait iqtisadiyyat və idarəetmə sahəsi üzrə elmi-tədqiqat işi aparan alim və mütəxəssislər, ali məktəblərin müəllim və tələbələri, eləcə də geniş oxucu kütləsi üçün nəzərdə tutulub.


Mahmud




 
Bölməyə aid digər xəbərlər
14.06.2018
“Qurtuluşdan tərəqqiyə” adlı xüsusi nəşr işıq üzü görüb
14.06.2018
Nizami Gəncəvi Beynəlxalq Mərkəzinin nümayəndə heyəti Libermanla görüşüb
14.06.2018
Aşıq Kamandar yad edilib
14.06.2018
Rusiyanın Birinci kanalında “Jara” musiqi mükafatının təqdimatı yayımlanacaq
13.06.2018
Səmrərqənd Dövlət Universitetində “Əbədi ezamiyyət” filminin təqdimatı keçirilib

Şərh əlavə olunmayıb



    ,    
İsa Həbibbəyli
Cavanşir Feyziyev
Hüseyn Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9420

1 Yaponiyada Azərbaycanın biznes mühiti ilə bağlı seminar keçiriləcək
2 Qazın qiyməti artdı, Paşinyan batdı..
3 “Erməniliyin və erməni faşizminin ideologiyası, fəlsəfəsi və cinayəti“ kitabının təqdimatı keçirilib
4 Putin: “Bizim münasibətlərimiz çox uğurla inkişaf edir”
5 Prezident TANAP-ın açılışında iştirak etmək üçün Türkiyəyə gedib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info