ADNSU Dostluq Ordeni ilə təftif olunub
Tarix: 22.09.2017 | Saat: 15:14:00 | E-mail | Çapa göndər


Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlı sentyabrın 21-23-də Vyetnamın Vung Tau şəhərində Azərbaycan Respublikası ilə Vyetnam Sosialist Respublikası arasında diplomatik əlaqələrin qurulmasının 25 illiyinə həsr olunmuş 2-ci Azərbaycan-Vyetnam Dostluq Forumunun işində iştirak edir.
Universitetdən redaksiyamıza bildiriblər ki, Forumda çıxış edən rektor, prof. Mustafa Babanlı Vyetnam Sosialist Respublikası tərəfindən 4 ordenlə mükafatlandırılan bir ali məktəbi təmsil etməyin çox qürurverici bir hiss olduğunu bildirib. ADNSU-nun Avropa və Asiya regionunda ilk neft təmayüllü ali məktəb olduğunu deyən rektor M.Babanlı bu universitetin sovet dönəmində bütün dünyada Azİİ kimi tanındığını və burada Vyetnam da daxil olmaqla dünyanın hər yerindən tələbələrin təhsil aldığını qeyd edib. Azİİ ilə Vyetnam Sosialist Respublikası arasında əlaqələrin SSRİ süqut etdikdən sonra da davam etdirildiyini deyən prof. M.Babanlı 2010-cu ildə Vyetnamın “Petrovyetnam” Dövlət Neft və Qaz Şirkəti ilə birgə mütəxəssis hazırlığı haqqında müqavilə bağlandığını diqqətə çatdırıb. Rektor M.Babanlı indiyə kimi Azİİ-də Vyetnam Sosialist Respublikası üçün 437 mühəndis, 37 bakalavr, 2 magistrant, 28 elmlər namizədi və 3 elmlər doktoru hazırlandığını qeyd edib.
Forumda Vyetnam Sosialist Respublikasının prezidentinin fərmanı ilə Azərbaycan Dövlət Neft və Sənaye Universiteti Vyetnam Sosialist Respublikasının Dostluq Ordeni ilə, ADNSU-nun rektoru, professor Mustafa Babanlı isə Azərbaycan-Vyetnam Dostluq Assosasiyasının Medalı ilə təltif olunub.
Qeyd edək ki, Azərbaycan-Vyetnam Dostluq Forumunun keçirilməsi təşəbbüsü Azərbaycan Respublikası prezidenti İlham Əliyevə məxsusdur. Belə ki, 2014-cü ildə Vyetnama dövlət səfəri zamanı prezident İlham Əliyev Azərbaycan ali təhsil ocaqlarının vyetnamlı məzunları ilə görüşdə Azərbaycan-Vyetnam Dostluq Forumunun Bakıda keçirilməsi ilə bağlı AR Təhsil Nazirliyinə və Azərbaycanın Vyetnamdakı Səfirliyinə tapşırıq vermişdir. Bunun əsasında, 1-ci Azərbaycan-Vyetnam Dosluq Forumu 7 may 2015-ci il tarixində müvəffəqiyyətlə keçirilmişdir.

Mahmud




 
Bölməyə aid digər xəbərlər
21.06.2018
Beşinci və yeddinci siniflərə qəbul üzrə müsabiqənin vaxtı açıqlanıb
21.06.2018
Ziyalı ömrünün akkordları
21.06.2018
700 bal toplayan abituriyent: “Seçimim BANM oldu”
21.06.2018
Diaqnostik qiymətləndirmədən keçən müəllimlərin maaşı açıqlandı
21.06.2018
Nazir: “Ali məktəblərə qəbulda iki dəyişiklik nəzərdə tutulub“

Şərh əlavə olunmayıb



    ,    
İsa Həbibbəyli
Cavanşir Feyziyev
Hüseyn Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9436

1 Ötən il SOCAR-ın xalis mənfəəti 6 dəfə artıb
2 Futbol üzrə Dünya Çempionatı başladı
3 Regional geosiyasi vəziyyət müzakirə edilib
4 Лукашенко продал «Полонезы» Алиеву. В пику Еревану и Москве?
5 Putin Paşinyanı alçaldıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info