Belarusun Qrodno şəhərinin rəhbərliyi Qəbələyə gələcək
Tarix: 26.09.2017 | Saat: 15:53:00 | E-mail | Çapa göndər


Belarus Respublikasının Qrodno şəhərində “Evroregion “Neman-2017” universal sərgi yarmarkası və şəhərin 889-cu ildönümünə həsr edilmiş tədbirlər keçirilib. Tədbirlərə Qrodno şəhəri ilə qardaşlaşmış Qəbələ rayonunun rəhbərliyi də dəvət olunub.
Azərbaycanın Belarusdakı səfirliyindən bildiriblər ki, tədbirlərdə iştirak etmək üçün səfir Lətif Qəndilov və Qəbələ Rayon İcra Hakimiyyətinin başçısı Səbuhi Abdullayevin başçılıq etdiyi nümayəndə heyəti Qrodno şəhərinə səfər edib. Səfərin ilk günündə nümayəndə heyətimizin üzvləri Qrodno şəhərindəki tarixi və mədəniyyət abidələri ilə tanış olublar.
Qrodno vilayətinin qubernatoru Vladimir Kravçov nümayəndə heyətlərinin başçılarını qəbul edib. Görüşdə Belarusda akkreditə olunmuş diplomatik nümayəndəliklərin başçıları – Qırğızıstanın və Slovakiyanın səfirləri, Rusiyanın Brestdəki baş konsulu, bu ölkənin ticarət nümayəndəliyinin başçısı, Macarıstanın ticarət müşaviri, Ukrayna səfirliyinin müşaviri, Polşa sərhədyanı bölgələrinin nümayəndələri, Lətif Qəndilov, Səbuhi Abdullayev və digər rəsmi şəxslər iştirak ediblər.
Qubernator V.Kravçov çıxışında uğurlu əməkdaşlıq imkanları və yeni müqavilələrin imzalanmasını arzulayıb.
Sonra “Qrodno sərhədlərin kəsişməsində” adlı Beynəlxalq İnvestisiya Forumunun plenar iclasının açılışı olub. Plenar iclasda Qrodno vilayətinin qubernatoru V.Kravçov, Belarus Respublikası Prezidentinin köməkçisi - Qrodno vilayəti üzrə kurator Sergey Rovneyko, iqtisadiyyat nazirinin müavini Pavel Utyupin və digər dövlət orqanlarının təmsilçiləri çıxış ediblər. İclasdan sonra Qrodno şəhəri ilə Çin, Rusiya, Rumıniya, Litva, Estoniyanın şəhərləri arasında ikitərəfli əməkdaşlıq haqqında sazişlər imzalanıb.
Forum başa çatdıqdan sonra qubernator iştirakçı dövlətlərin nümayəndələri ilə birlikdə “Evroregion “Neman-2017” universal sərgi-yarmarkanın rəsmi açılış mərasimində iştirak edib. Ənənəvi olaraq hər il keçirilən sərgi-yarmarka 4 ölkənin - Rusiya, Belarus, Litva və Polşanın təşəbbüsü ilə təşkil edilib. Builki sərgiyə 15 ölkədən 400-dən çox iştirakçı qatılıb, 1,2 hektarlıq sahədə 150 pavilyon qurulub. Sərgidə Rusiyanın Komi, Kalininqrad, Kursk, Nijeqorodsk və Tambov vilayətlərinin, Çinin Qansu əyalətinin, Polşanın Podlyansk və Nijneselezkova quberniyalarının, Litvanın Alitusk, Druskeninkay və Kaunas rayonlarının, Rumıniyanın Mureş rayonunun, Qazaxıstanın Jambılsk vilayətinin nümayəndə heyətləri iştirak ediblər. Azərbaycanı bu sərgidə “Gilan Holding” şirkəti təmsil edib.
Açılışdan sonra V.Kravçov dövlət rəsmiləri ilə birlikdə stendləri gəzib, o cümlədən ölkəmizin stendini ziyarət edib. S.Abdullayev qubernatora ölkəmizin turizm imkanları və “Gilan Holding” şirkəti barədə ətraflı məlumat verib.
Ölkəmizə aid stenddə “Gilan” şirkətinə məxsus müxtəlif çeşidli şirələr, şərablar və çoxlu sayda digər kənd təsərrüfat və yeyinti sənayesi məhsulları nümayiş etdirilib, Azərbaycanın turizm imkanlarını əks etdirən jurnallar və bukletlər təqdim olunub. Azərbaycan stendi sərgidə ən gözəl stendlərdən biri kimi qiymətləndirib. Belə ki, bu stenddə, həmçinin sərgiyə qoyulmuş məhsulların geniş dequstasiyası da təşkil edilib.
Azərbaycan nümayəndə heyəti Qrodno şəhərinin 889-cu il dönümünə həsr edilmiş tədbirlərdə də iştirak edib.
Lətif Qəndilov və Səbuhi Abdullayev Qrodno vilayətinin qubernatoru Vladimir Kravçov və Qrodno şəhərinin meri Meçislav Qoy ilə ayrıca ikitərəfli görüşlər də keçiriblər. Görüşlər zamanı S.Abdullayev tərəfindən hər iki rəsmiyə hədiyyələr, o cümlədən Qrodno şəhərinin xalça üzərində toxunmuş gerbi təqdim olunub. V.Kravçov və M.Qoy Azərbaycanla istehsal və turizm sahələrində əməkdaşlığa hazır olduqlarını bildiriblər. Azərbaycan investorları Qrodnoya sərmayə qoymağa dəvət ediliblər. S.Abdullayev və L.Qəndilov gələn il Qrodno şəhərinin 890 illik yubiley tədbirlərində iştiraka dəvət olunublar.
S.Abdullayev Qrodno rəhbərliyini onlara uyğun olan tarixdə Qəbələyə dəvət edib. Hər iki tərəf dəvəti qəbul edib.




 
Bölməyə aid digər xəbərlər
22.09.2018
Qalust Qriqoryanın “yeni kəşfi”
21.09.2018
“Jamanak“: «KTMT İrəvanın bu təşkilatdan ümid gözləməməsini bəyan edir»
20.09.2018
Moldovada Dnestryanı bölgə ilə bağlı referendum keçiriləcək
20.09.2018
Sevak Akobyan: ”Hakimiyyət KİV-ə təzyiqi artıracaq”
20.09.2018
Tevos Arşakyan: ”Paşinyan boş-boş danışmaqla məşğuldur”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info