Binəli Yıldırım: “İki yaşlı Zəhranın qətlə yetirilməsi insanlıq əleyhinə cinayətdir”
Tarix: 26.09.2017 | Saat: 14:53:00 | E-mail | Çapa göndər
Azərbaycanın Türkiyədəki sabiq səfiri Faiq Bağırov fəaliyyət müddətinin başa çatması ilə əlaqədar Çankaya Köşkündə Baş nazir Binəli Yıldırım ilə görüşüb.
Görüşdə Faiq Bağırovun Türkiyədə yeddi ildən artıq müddəti əhatə edən fəaliyyətini uğurla həyata keçirməsindən məmnunluğunu ifadə edən B.Yıldırım iki qardaş ölkə arasındakı 25 illik diplomatik əlaqələrin bu gün ən yüksək səviyyəyə çatdığını söyləyib.
Dağlıq Qarabağ məsələsində hər zaman Türkiyənin Azərbaycanın yanında olduğunu, qaçqın və məcburi köçkünlərin öz yurdlarına dönmələrinin onların ən ali hüquqları olduğunu, Azərbaycanın bu istiqamətdəki fəaliyyətinə Türkiyənin beynəlxalq səviyyədə birmənalı dəstək verdiyini və mövqeyinin dəyişməz qaldığını diqqətə çatdıran Baş nazir təcavüzkar Ermənistanın cəbhə xəttində törətdiyi təxribatlara kəskin etirazını bildirib. O, cari il iyulun 4-də Ermənistan silahlı qüvvələri tərəfindən Azərbaycanın Füzuli rayonunun Alxanlı kəndində yaşayış məntəqələrinin və mülki obyektlərin atəşə tutulması nəticəsində Sahibə Allahverdiyeva və onun 2 yaşlı nəvəsi Zəhra Quliyevanın həlak olmasını insanlıq əleyhinə cinayət kimi dəyərləndirib.
Görüşdə ölkələrimiz arasında iqtisadi əməkdaşlıq, Bakı-Tbilisi-Qars dəmir yolu xətti, eləcə də TANAP və bu kimi digər beynəlxalq layihələr, həmçinin qeyri-neft sektoruna aid çoxistiqamətli əməkdaşlıq məsələlərinə dair fikir mübadiləsi aparılıb.
Azərbaycan Prezidenti İlham Əliyevlə Türkiyə Prezidenti Rəcəb Tayyib Ərdoğanın qardaşlıq münasibətlərinin, həmçinin dövlət başçılarının ölkələrimizin rifahı naminə birgə səylərinin bugünkü əlaqələrimizin əsasını təşkil etdiyini diqqətə çatdıran Faiq Bağırov bunun gələcəkdə münasibətlərin inkişafına daha da böyük töhfələr verəcəyinə əminliyini ifadə edib.
Prezident İlham Əliyevə salamlarının və xoş arzularının çatdırılmasını xahiş edən Baş nazir Binəli Yıldırım Faiq Bağırova bundan sonrakı fəaliyyətində uğurlar diləyib.
Tural




 
Bölməyə aid digər xəbərlər
21.02.2018
“ATƏT nümayəndələrinin Azərbaycana gələcəyi barədə məlumatımız var“
21.02.2018
“Azərbaycanın məcburi köçkün əhalisinə yardımı davam etdirəcəyik“
20.02.2018
“Ermənistan-Azərbaycan, Dağlıq Qarabağ münaqişənin tezliklə həllini tapması vacibdir”
19.02.2018
13 nəfərin prezidentliyə namizədliyi təsdiqlənib
19.02.2018
İsrailin müdafiə nazirinə sui-qəsd cəhdində erməni izi?

Şərh əlavə olunmayıb



    ,    
Aysel İbrahimova
Rəhim Həsənov
Tural Tağıyev
Zülfiyyə Vəliyeva
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 8452

1 “Şirkətimiz bu il yüzlərlə yeni və daimi iş yeri yaradacaq”
2 “Qarabağ həqiqətlərinin Belçikada tanınması üçün yerli mətbuatın gücündən istifadə edirik”
3 Xocalı soyqırımı ilə bağlı Türkiyədə bir sıra tədbirlər keçiriləcək
4 “Gənclər təkcə təhsilə deyil, ictimai işlərə də zaman ayırmalıdırlar”
5 «ArmenianReport»: ”Yaxın vaxtlarda Ermənistanın dövlət borcu 7 milyard dolları ötəcək”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info