“Avropa çempionatında əsas məqsədimiz medal qazanmaqdır”
Tarix: 26.09.2017 | Saat: 23:30:00 | E-mail | Çapa göndər


Polina Rəhimova: “Avropa çempionatının Bakıda keçirilməsi ölkəmiz üçün çox gözəl bayramdır”

“Voleybol üzrə Avropa çempionatının Azərbaycanda keçirilməsi ölkəmiz üçün çox gözəl bayramdır. Bu, hamı üçün böyük hadisədir. Azərbaycana güclü komandalar gəldiyindən bütün zallar azarkeşlər və voleybol həvəskarları ilə doludur”. Bu barədə Azərbaycan qadın voleybol yığmasının üzvü, bir oyunda yığılan xalların sayına görə dünya rekordunun sahibi Polina Rəhimova bildirib. O, qeyd edib ki, Almaniya millisi ilə oyundan sonra yorğunluq hiss olunur: “Almaniya oyunda gərginlik heç də Polşa komandası ilə oyundakından az deyildi. Polşa zəif rəqib deyil. Almaniya ilə oyunda meydana gənc voleybolçular çıxdı. Onlar böyük səy göstərib sonadək təslim olmadılar. Mənə bir az çətin idi, çünki üç ilə yaxındır ki, Asiya komandasında oynayıram, Avropa oyunlarını və çempionatını izləmirəm. Bu səbəbdən həmin oyunçuları tanımıram”. Milli yığmanın oyunlarını izləməyə gələn Azərbaycan Prezidentinin diqqət və qayğısına görə təşəkkür edən Polina Rəhimova Birinci vitse-prezident Mehriban Əliyevaya Milli Gimnastika Arenasında çempionatın keçirilməsinə yaradılan gözəl şəraitə görə də minnətdarlığını bildirib. P.Rəhimova komandanın ümidləri doğruldacağına inandığını söyləyib: “Biz irəli sürülən məsələləri mərhələlərlə həll etməyi qarşımıza məqsəd qoymuşuq. Əvvəlcə öz qrupumuzdan lider çıxdıq, sonra isə çalışacağıq qələbə qazanıb azarkeşlərimizi sevindirək”. Azərbaycan milli komandasının üzvü Ayşən Abduləzimova isə qeyd edib ki, Almaniya yığması, eləcə də Macarıstan və Polşa komandaları üzərində qələbə gözlənilən idi: “Çünki üç ay ərzində gərgin məşqlər edir, çox ciddi hazırlaşırdıq. Avropa çempionatının qrup mərhələsinin axırıncı oyunlarında maksimum nəticə göstərdik”. O bildirib ki, millimizin yarışdığı qrupda çox güclü rəqiblər olub: “Lakin Azərbaycan yığması heç də zəif rəqib deyil. Digər komandalar bizim voleybolçulara qarşı matçlara fərqli və daha ciddi hazırlaşır”. Dövlət başçısına və azərbaycanlı azarkeşlərə böyük dəstəyə görə təşəkkürünü bildirən voleybolçumuz qeyd edib ki, komandanı çox maraqlı oyunlar gözləyir: “Avropa çempionatında əsas məqsədimiz medal qazanmaqdır”.




 
Bölməyə aid digər xəbərlər
23.09.2018
İspaniya La Liqası: “Real Madrid“ dördüncü qələbəsini qazanıb
22.09.2018
Topaz Premyer Liqası: “Neftçi“ növbəti qələbəsini qazanaraq liderliyini qoruyub
22.09.2018
İngiltərə Premyer Liqası: “Mançester Yunayted“ doğma meydanda xal itirdi
22.09.2018
Hidayət Heydərov yarımfinala yüksəlib
22.09.2018
Rüstəm Orucov 1/32 finalda rəqibinə ipponla qalib gəlib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info