“Dünya və Qarabağ həqiqətləri” ictimai birliyi ilk layihəsinin təqdimatını keçirib
Tarix: 09.10.2017 | Saat: 17:09:00 | E-mail | Çapa göndər
Bu gün "Dünya və Azərbaycan həqiqətləri" ictimai birliyi tərəfindən çəkilən müğənni, keçmiş döyüşçü Rəhim Quliyevin döyüş yolundan bəhs edən filmin təqdimatı keçirildi. Tədbirdə müharibə veteranları, KİV və QHT nümayəndələri iştirak edirdilər. Öncə Azərbaycanın ərazi bütövlüyü uğrunda şəhid olan vətən övladlarının ruhu bir dəqiqəlik sükutla anıldı.
Bakı QHT Resurs və Təlim mərkəzində keçirilən təqdimat mərasimini “Xocalı Soyqırımını Tanıtma İctimai Birliyi”nin Binəqədi şöbəsinin sədri Ayna Novruzova açaraq qonaqları salamladı.
Ayna Novruzova 1992-ci ildə baş vermiş Xocalı qətliamı zamanı əsir düşən musiqiçi, “Dünya və Qarabağ həqiqətləri” ictimai birliyinin sədri Valeh Hüseynovun həyat yolu haqqında məlumat verdi.
“Dünya və Qarabağ həqiqətləri” ictimai birliyinin sədri Valeh Hüseynov rəhbəri olduğu təşkilatın məqsəd və məramından danışdı. O, çıxışında Rəhim Quliyevin məlahətli səsə sahib olduğunu və Qarabağ uğrunda gedən döyüşlərdə ifa etdiyi mahnılarla döyüş yoldaşlarına mənəvi güc verdiyini bildirdi: “İctimai birliyin təşkil etdiyi ilk verilişin Rəhman Quliyevə həsr edilməsi təsadüfi deyildir. Rəhim həm özü döyüşür, həm də ifa etdiyi mahnılarla əsgərləri döyüşə ruhlandırırdı. Həmin vaxtlar Aztv-də efirə gedən "Durna teli" proqramı üçün Sərsəng su anbarının üstündə heç bir musiqi aləti müşayiət etmədən gur səslə oxuduğu "Azərbaycan" mahnısı bütün döyüş yoldaşlarının əbədi yaddaşına həkk olunmuş və əziz xatirəsinə çevrilmişdir”.
Sonra "Dünya və Azərbaycan həqiqətləri" ictimai birliyi tərəfindən Rəhim Quliyev haqqında çəkilən film nümayiş olundu.
Daha sonra döyüş yoldaşları Rəhim Quliyevin müğənniliklə yanaşı, düşmənlərlə layiqli mübarizə apardığını vurğuladılar. Düşmənlərə qarşı igidliklə mübarizə aparan döyüşçülər hər zaman döyüş meydanlarına atılmağa hazır olduqlarını bildirdilər.
Rəhim Quliyev ona göstərilən diqqətə görə, “Dünya və Qarabağ həqiqətləri” ictimai birliyinin kollektivinə minnətdarlıq etdi. O, I Qarabağ müharibəsi zamanı könüllü olaraq döyüşlərə qatıldığını və ön cəbhələrdə döyüşdüyünü bildirdi. Rəhim Quliyev səsinin oxşarlığına görə özünü korifey sənətkar Rəşid Behbudovun davamçısı saydığını qeyd etdi.

Fuad Hüseynzadə




 
Bölməyə aid digər xəbərlər
23.10.2017
Banqladeşə sığınan arakanlı müsəlmanların sayı 603 minə çatıb
23.10.2017
Şərqi Avropa Brüssel üçün “zibil qutusu“ rolunda
23.10.2017
Həmid Rıza: “Türkmənistan qazının İran üzərindən Azərbaycana nəql olunmasında problem yoxdur“
23.10.2017
“EcuRed” internet ensiklopediyasına “Qarabağ” klubu haqda məqalə əlavə edilib
20.10.2017
Nağd pula ehtiyac olmayacaq

Şərh əlavə olunmayıb



    ,    
Ilkin Mustafayev
Fuad HÜSEYNZADƏ
Elsevər Məmmədov
Cavadxan QASIMOV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 7549

1 “Həyat 50 yaşdan sonra başlayır”
2 İdmançı enerjisini öz yetirmələrinə verən məşqçi
3 Yollar qovuşanda...
4 “Çində hər tələbə kənd təsərrüfatına yenilik gətirmək üçün can atır”
5 Azərbaycan Prezidenti Ərdoğanın dəvəti ilə Türkiyəyə səfərə gedib
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info